Morgunblaðið - 25.05.2007, Blaðsíða 20
20 FÖSTUDAGUR 25. MAÍ 2007 MORGUNBLAÐIÐ
AKUREYRI
SVERRIR Pálsson, fyrrverandi skóla-
stjóri, opnar fyrstu málverkasýningu sína
á morgun kl. 14 í Ketilhúsinu. Þar verða
64 myndir. Hann segir það gamla tóm-
stundaiðju að rissa og teikna „en þetta var
aldrei nein alvara; bara leikur.“ Sverrir og
eiginkona hans fluttu í nýtt hús árið 2000
og er hann með vinnuaðstöðu í bíl-
skúrnum.
„Ég fór í kvöldskóla til Arnar Inga og
var hjá honum í þrjá vetur, en hætti þegar
ég varð áttræður; síðan hef ég verið í
sjálfsmennsku í bílskúrnum. Ég geri þetta
mér til skemmtunar og afþreyingar; lífs-
fyllingar. Ég hugsaði með mér að gaman
væri að prófa að sýna og athuga hvort ég
yrði hrópaður niður! Ég hef haft gaman af
þessu og ef einhver hefur gaman af því
með mér að umgangast þessar myndir þá
er það mín ánægja líka. Ef ekki, þá það;
hver hefur sinn smekk. Ég þröngva mynd-
unum ekki upp á neinn.“ Sýningin verður
opin daglega til 17. júní, að þremur dögum
frátöldum.
Útskriftarsýning Lilju Guðmunds-
dóttur, fyrrverandi kjötiðnaðarmanns, frá
Myndlistarskóla Arnar Inga hefst í Arn-
arauga, Óseyri 6, kl. 14 á morgun, Sýn-
ingin verður opin 14-18 laugardag og
sunnudag.
Morgunblaðið/Skapti Hallgrímsson
Landslag Sverrir Pálsson, fyrrverandi
skólastjóri Gagnfræðaskólans á Akureyri.
Skemmtun
og lífsfylling
FÉLAGSFUNDUR í íþróttafélag-
inu Þór hafnaði í fyrrakvöld til-
lögum Akureyrarbæjar um upp-
byggingu á svæði félagsins í
Glerárhverfi. Aðalstjórn KA og
stjórn knattspyrnudeildar eru hins
vegar sáttar við hugmynd bæjaryf-
irvalda um framtíðaruppbyggingu
á svæði félagsins við Dalsbraut.
Bæjaryfirvöld hafa ákveðið að
leggja Akureyrarvöll af, eins og
margoft hefur komið fram, og
byggja þess í stað upp keppn-
isaðstöðu fyrir knattspyrnu á
svæðum bæði KA og Þórs.
Landsmót ungmennafélaganna
fer fram á Akureyri 2009 og þess
vegna þarf að koma upp fullkom-
inni aðstöðu til keppni í frjáls-
íþróttum. Staðið hefur til að hún
yrði á Þórssvæðinu. Á Þórsfund-
inum þar sem tillögum bæjarins
var hafnað, var jafnframt sam-
þykkt að fela stjórn félagsins að
halda áfram viðræðum við bæinn.
Þórsarar eru óánægðir með
tvennt; annars vegar að í nýjum til-
lögum bæjarins hefur áhorf-
endastúka verið færð vestur fyrir
knattspyrnuvöllinn en er ekki leng-
ur á milli hans og frjálsíþróttavall-
arins eins og gert var ráð fyrir í
fyrri hugmyndum. Hins vegar eru
þeir ósáttir við að bæjaryfirvöld
skuli ekki bjóða félaginu fébætur
fyrir það land sem fer undir frjáls-
íþróttavöllinn. Félagið fær, skv. til-
lögunni, nýtt æfingasvæði á milli
félagsheimilisins Hamars og versl-
unarmiðstöðvarinnar Sunnuhlíðar,
en það finnst Þórsurum ekki nóg.
Forráðamenn Knattspyrnu-
félags Akureyrar eru sáttir við
hugmyndir bæjaryfirvalda um
uppbyggingu á svæði félagsins.
Upphitaður og flóðlýstur gervi-
grasvöllur KA á að verða tilbúinn
vorið 2009 og áhorfendastúka reist
norðan við völlinn á árunum 2011
til 2013. Auk þess verður hluti æf-
ingasvæðis félagsins tekinn upp og
lagfærður.
„Sameiginlegur fundur að-
alstjórnar KA og knattspyrnu-
deildar KA fagnar tillögum frá Ak-
ureyrarbæ vegna uppbyggingar á
íþróttasvæði KA og telur það til
mikilla framfara fyrir íþróttalífið
hjá KA og í bænum almennt,“ segir
í bréfi félagsins til formanns
Íþróttaráðs. Fundurinn bendir
hins vegar á að hafa verði í huga að
skv. leyfiskerfi KSÍ verði ekki
hægt að keppa á völlum án stúku
frá árinu 2010. Því verði að tryggja
að á Akureyrarvelli eða KA-svæði
verði hægt að leika við löglegar að-
stæður á öllum tímum. Fáist
áframhaldandi undanþága frá KSÍ
verði að byggja bráðabirgðaað-
stöðu fyrir áhorfendur á KA-
svæðinu þar til stúkan verði risin.
Tillögur Akureyrarbæjar gerðu
ráð fyrir að upphitaður gervigras-
völlur yrði tilbúinn á Þórssvæðinu
2009 og á árunum 2011 til 2013 yrði
stúkan reist og sett upp flóðlýsing.
KA-menn eru sáttir við sitt
Þórsarar hafna tillögum bæjarins um uppbyggingu á félagssvæðinu
Framtíðin Tillaga að uppbyggingu á KA-svæðinu, sem KA-menn eru sáttir við. Keppnisvöllur klæddur gervi-
grasi vestan við íþróttahúsið og áhorfendastúka norðan vallarins – en hana á að reisa eftir nokkur ár.
Í HNOTSKURN
»Þórsarar telja að þegarhugmyndir um frjáls-
íþróttaaðstöðu á fé-
lagssvæðinu voru fyrst reif-
aðar, árið 2003, hafi stjórn
Þórs verið veitt heimild til að
bjóða bæjaryfirvöldum uppá
að byggt yrði á svæðinu og
annarri starfsemi hleypt
þangað inn, í þeim tilgangi
að bjarga rekstri félagsins.
Bætur fyrir það hafi verið
aðalforsenda málsins.
FLEST hús Seltjarnarness hafa
verið tengd við ljósleiðaranet
Gagnaveitu Reykjavíkur og geta
íbúar þess nú nýtt sér þá fjöl-
breyttu þjónustu sem í boði er á
netinu. Samkomulag um ljósleið-
aravæðinguna var undirritað í árs-
lok 2004 og nú er farið að sjá fyrir
endann á verkinu.
Um ljósleiðarann geta heimili og
fyrirtæki fengið helstu fjarskipta-
og afþreyingarþjónustu sem til
þessa hefur verið send í gegnum
símavíra og sjónvarpsloftnet. Birg-
ir Rafn Þráinsson, framkvæmda-
stjóri Gagnaveitu Reykjavíkur,
segir að ljósleiðarinn sé gagna-
flutningaleið framtíðarinnar. Sel-
tirningar hafi sýnt mikla framsýni
þegar þeir riðu á vaðið fyrir tæpum
þremur árum og nú standi þessi
öfluga þjónusta íbúum Seltjarnar-
ness til boða, án þeirra flöskuhálsa
sem einkenni eldri flutningsnet.
Opnar nýjar víddir
Jónmundur Guðmarsson, bæjar-
stjóri Seltjarnarness, segir að bær-
inn hafi verið leiðandi í þróun raf-
rænnar þjónustu en nú opnist
nýjar víddir. „Það að hvert einasta
heimili í bænum hefur nú aðgang
að ljósleiðaranetinu opnar mikla
möguleika til náms, afþreyingar og
starfa í upplýsingatækni framtíð-
arinnar,“ segir Jónmundur. Hann
segir að með ljósleiðaravæðingunni
hafi bæjarfélagið verið að auka
samkeppnishæfni Seltjarnarness
sem framsækins bæjarfélags auk
þess sem fyrir bæjaryfirvöldum
hafi vakað að varðveita og bæta
lífsgæði Seltirninga og standa vörð
um verðgildi fasteigna á nesinu, en
raunin sé sú að fasteignaverð
þeirra eigna sem hafa verið ljós-
leiðaravæddar erlendis hafi hækk-
að um 3-5%.
Nesið ljós-
leiðaravætt
Mótorhjólamessa verðurhaldin í Digraneskirkjuað kvöldi annars hvíta-sunnudags kl. 20.00.
Þar munu flestir mótorhjólaklúbbar
landsins eiga fulltrúa og mót-
orhjólafólk annast helgihaldið að
stórum hluta. Messan er haldin í
samstarfi þjóðkirkjusafnaða og
hvítasunnukirkjunnar. Séra Íris
Kristjánsdóttir, prestur í Hjalla-
kirkju og Snigill og Skutla, mun pre-
dika. Auk hennar taka þátt í mess-
unni séra Gunnar Sigurjónsson,
prestur í Digraneskirkju, en hann er
Snigill og IFMR, séra Egill Hall-
grímsson í Skálholti, sem er Postuli,
Vörður Leví Traustason, for-
stöðumaður Hvítasunnukirkjunnar,
sem er Trúboði, og Jón Þór Eyjólfs-
son, aðstoðarforstöðumaður Fíladel-
fíu, sem bæði er Snigill og Trúboði.
Þorvaldur Halldórsson mun annast
tónlistarflutning ásamt Meme-group
sem er gospelkór unglingastarfsins í
Digraneskirkju.
Séra Íris var spurð hvort það væri
eilífðarþráin sem ræki þjónandi
presta á bak mótorfákum?
„Nei, þetta er nú fyrst og fremst
áhugamál sem tengist ekki beint
starfsvettvangi fólks. En áhuga-
málið sameinar fólk úr öllum stétt-
um, hvort heldur presta, preláta,
lögfræðinga eða aðra.“ Íris sagðist
vita af a.m.k. fjórum prestum þjóð-
kirkjunnar sem ættu mótorhjól, auk
forystumanna í hvítasunnukirkj-
unni. Hún nefndi að mótorhjóla-
klúbburinn Trúboðarnir væri ein-
mitt tengdur þeirri kirkju. Íris sagði
að ímynd mótorhjólafólks hefði oft á
tíðum þótt hrjúf. Það hefði þó ekkert
með sportið að gera.
„Mótorhjólasportið sem slíkt snýst
fyrst og fremst um ákveðna frels-
istilfinningu – og það er mjög trúar-
legt hugtak,“ sagði Íris. „Þetta er
það sem maður kemst næst því að
fljúga. Maður fær ákveðna tilfinn-
ingu á mótorhjóli sem maður finnur
ekki annars staðar. Maður samein-
ast hálfpartinn náttúrunni og al-
mættinu. Finnur vindinn leika um
sig. Því að vera á mótorhjóli á ferð
fylgir ákveðin frelsistilfinning sem
ekkert slær við.“
Íris er nú búin að hjóla í ein þrjú
ár og vera með prófið í fjögur eða
fimm ár. Hún sagðist hafa verið á
skellinöðru á unglingsárunum og
líklega hefur bakterían kviknað þá.
Nú er Íris á nýju hjóli, Yamaha Mid-
night Star 1300, sem Íris segir vera
„algjöran sófa“. Hún sagðist fara á
mótorhjólinu til sinnar kirkju, en ef
hún þyrfti að fara eitthvert annað
með skrúðann þyrfti hún að fara á
bílnum. Gallinn við mótorhjólið væri
að erfitt væri að taka með sér far-
angur. Aðspurð sagðist Íris ekki
hafa orðið þess vör að fólki þætti
óviðeigandi að presturinn væri á
mótorhjóli. „Ég hef hins vegar orðið
vör við að fólki finnst þetta „rosa-
lega töff“, en ég er nú ekki að þessu
þess vegna. Svo hefur fólk orðið
skemmtilega hissa! Ég hef ekki
fengið gagnrýni fyrir þetta.“
Íris er í Sniglunum, bifhjóla-
samtökum lýðveldisins, og einnig í
Kvenhjólaklúbbnum Skutlunum frá
stofnun hans í ágúst 2005. Í Skutl-
unum eru um 40 konur eins og sjá
má á heimasíðu þeirra (www.skutl-
ur.is). Íris segir að Skutlurnar séu
frá tvítugu og upp í sextugt, fjöl-
breyttur og líflegur félagsskapur.
„Við erum að fara í Stykkishólm
fyrstu helgina í júní og hringinn
kringum landið í lok júní. Við hitt-
umst einu sinni í viku og það er heil-
mikið á döfinni.“
En hvers vegna að halda mót-
orhjólamessu?
„Okkur þótti viðeigandi að safnast
saman til þess að biðja fyrir sumr-
inu. Fara með ferðabæn og biðja um
blessun. Það er mikið talað um að
hjólafólk fari á skrið á sumrin og
hætturnar eru margar. Vissulega
þurfum við líkt og aðrir að fara
gætilega í umferðinni.“ Íris sagðist
alltaf fara með bæn í upphafi ferðar,
hvort sem hún hjólaði eða æki bíl.
Hún sagði mótorhjólafólk vissulega
hafa það á bak við eyrað að sportið
gæti verið hættulegt. Hraðakstur
væri mjög mikill, fyrst og fremst á
bílum, og hann væri hættulegur. Ör-
yggi á vegunum skipti mót-
orhjólafólk miklu máli. Þess vegna
hefði t.d. verið gagnrýnt að sett voru
víravegrið á Suðurlandsveg af þeirri
gerð sem hefur reynst mjög hættu-
leg fyrir mótorhjólafólk.
Allt áhugafólk um mótorhjól og
umferðarmenningu er boðið vel-
komið í messuna í Digraneskirkju.
Mótorhjól verða til sýnis fyrir utan
kirkjuna og eins í anddyrinu. Leð-
urklæðnaður og annar öryggisbún-
aður á mótorhjólum er viðeigandi
messuklæðnaður.
Ólýsanleg frelsistilfinning
Prestur og Snigill „Áhugamálið sameinar,“ segir sr. Íris Kristjánsdóttir.
Mótorhjólamessa verður haldin í Digraneskirkju að kvöldi annars í hvítasunnu
HÖFUÐBORGARSVÆÐIÐ