Morgunblaðið - 16.06.2007, Blaðsíða 2

2 LAUGARDAGUR 16. JÚNÍ 2007 MORGUNBLAÐIÐ
FRÉTTIR
ÚRVAL ÚTSÝN ~ LÁGMÚLA 4 ~ 108 REYKJAVÍK ~ SÍMI 585 4000 ~ FAX 585 4065 ~ INFO@UU.IS
Ferðaskrifstofa
Leyfishafi
Ferðamálastofu
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Útiloka ekki virkjun
 Landsvirkjun er tilbúin að skoða þann möguleika að leggja fjármuni í vega-
gerð í Flóahreppi og tengja hann við nýja vatnsveitu  Viðræður halda áfram
Eftir Egil Ólafsson
egol@mbl.is
LANDSVIRKJUN er tilbúin að ræða um að koma
með einhverjum hætti að vegalagningu í Flóa-
hreppi og einnig að tengja hreppinn við nýja
vatnslögn. Þetta var niðurstaða fundar fulltrúa
Landsvirkjunar og Flóahrepps sem fram fór í gær
um byggingu Urriðafossvirkjunar.
Fyrr í vikunni samþykkti sveitarstjórn Flóa-
hrepps að gera ekki ráð fyrir Urriðafossvirkjun í
aðalskipulagi sínu. Ástæðan var sú að sveitar-
stjórn taldi ekki „nægilegan ávinning af slíkri
virkjun fyrir Flóahrepp og íbúa hans að bættur
verði sá skaði sem áhrif virkjunarinnar hefðu fyrir
vatnsverndarsvæði, ferðaþjónustu, lífríki í Þjórsá
og landnotkun í nágrenni virkjunarinnar“.
Aðalsteinn Sveinsson, oddviti Flóahrepps, segir
að það sé margvíslegur skaði sem hljótist af virkj-
uninni og það liggi ekki fyrir hvernig hann verði
bættur. Til viðbótar fái sveitarfélagið engar tekjur
af virkjuninni því að stöðvarhúsið verði í Ása-
hreppi og samkvæmt lögum séu fasteignaskattar
aðeins greiddir af húsum en ekki af stíflum, skurð-
um, görðum eða öðru því sem fylgir virkjunum.
Meta kosti og galla fyrir Flóahrepp
Aðalsteinn sagði að Flóahreppur hefði átt í við-
ræðum við Landsvirkjun um þessi mál og eftir
fund með fulltrúum fyrirtækisins í gær hefði nið-
urstaðan orðið sú að halda þeim áfram. „Við verð-
um að meta kosti og galla þess fyrir Flóahrepp og
íbúa hans að vera með Urriðafossvirkjun. Þá erum
við ekki að hugsa bara um stöðuna í dag heldur til
framtíðar.“
Aðalsteinn sagði að það lægi fyrir að margvís-
legur skaði yrði af virkjun Urriðafoss og spurn-
ingin snerist ekki síst um til hvaða mótvæg-
isaðgerða yrði gripið til þess að bæta þann skaða.
Í tilkynningu frá Flóahreppi segir um viðræð-
urnar við Landsvirkjun: „Í því sambandi er m.a.
rætt um samgöngur og ferðaþjónustu á svæðinu,
vatnsvernd, lífríki Þjórsár, landnotkun í nágrenni
virkjunarinnar og mögulegar mótvægisaðgerðir.“
Helgi Bjarnason, verkefnisstjóri hjá Lands-
virkjun, segir að fulltrúar Flóahrepps hafi bent á
að með virkjuninni hverfi Urriðafoss og það muni
hafa áhrif á framtíðartekjur sveitarfélagsins af
ferðamönnum. Landsvirkjun sé tilbúin að skoða
þann möguleika að styrkja stöðu ferðaþjónustu í
sveitarfélaginu með því að flýta lagningu malbik-
aðs vegar í sveitarfélaginu.
Helgi sagði að eins væri talið líklegt að virkj-
unin hefði áhrif á vatnsverndarsvæði hreppsins.
Landsvirkjun væri tilbúin að skoða þann mögu-
leika að afleggja þetta vatnstökusvæði og tengja
hreppinn við aðrar vatnsveitur.
HÁSKÓLA unga fólksins var slitið
við þéttsetna athöfn í gær. 211
nemendur voru útskrifaðir en þetta
er þriðja sumarið sem skólinn er
starfræktur og þátttaka hefur aldr-
ei verið jafnmikil.
Háskóli unga fólksins er viku-
langur sumarskóli á vegum Há-
skóla Íslands þar sem börn og ung-
lingar á aldrinum 12–16 ára geta
valið sér sex til átta námskeið af
einum þrjátíu mismunandi fræða-
sviðum háskólans. Á meðal fræði-
greina má nefna ýmis tungumál,
lögfræði, læknisfræði, tölvuverk-
fræði og margt fleira.
Að sögn Ástu Hrannar Maack,
deildarstjóra markaðs- og sam-
skiptasviðs HÍ, voru nemar jafnt
sem foreldrar afskaplega ánægðir
með námskeiðin. Mikil gleði hefði
ríkt í skólanum og mikil stemning í
hópi nemenda. Vinsælustu nám-
skeiðin, að hennar sögn, voru í
tungumálum og grunnfræðigrein-
um.
Ásta segir sumarskólann dýr-
mætan fyrir háskólann. Hann sé
leið til að koma á framfæri því sem
skólinn sé að gera en jafnframt dýr-
mætur fyrir samfélagið.
Dýrmætur fyrir HÍ og samfélagið
Morgunblaðið/Kristinn
Þéttsetin útskrift Kristín Ingólfsdóttir, rektor HÍ, tekur við merki skólans frá Þóru Kristínu Jónsdóttur, stoltum
útskriftarnema. Merkið var gert í örtæknikjarna sem nemendur nanótækninámskeiðs fræddust um.
Háskóli unga fólksins útskrifar unga og fróðleiksfúsa
Rjúpnastofninn
er á niðurleið
um allt land ann-
að árið í röð
samkvæmt
rjúpnatalningu
Náttúrufræði-
stofnunar Ís-
lands (NÍ) nú í
vor. Að með-
altali nam fækk-
unin 27% sam-
anborið við 12% fækkun árið 2006.
Árin tvö þar á undan, þ.e. 2003–
2005 þegar rjúpnaveiðibann var í
gildi, óx stofninn um 80–100% á
milli ára.
Í samtali við Ólaf K. Nielsen
fuglavistfræðing bendir hann á að
íslenski rjúpnastofninn sveiflist
mikið af náttúrulegum orsökum.
„Síðasti hái toppurinn í rjúpnahá-
mörkum var árið 1955, en síðan
hefur hallað undan fæti hjá rjúp-
unni.“
Spurður hvað valdi hnignun
rjúpunnar segir Ólafur um ýmsa
samspilandi þætti að ræða. „Það er
margt í umhverfinu sem er rjúp-
unni óhagkvæmt miðað við það
sem áður var,“ segir Ólafur og
nefnir í því samhengi bæði girð-
ingar og raflínur sem liggi vítt og
breitt um landið. „Þessar girð-
ingar virka sem drauganet í sjó,“
segir Ólafur og áætlar að árlega
farist tugþúsundir rjúpna við að
festast í girðingum og línum. Af
öðrum þáttum nefnir Ólafur ágang
minks og betri búnað veiðimanna.
Eins og kunnugt er lagði NÍ árið
2003 til fimm ára veiðibann. Á end-
anum varaði bannið aðeins tvö ár.
„Í kjölfar veiðibannsins urðu mikl-
ar breytingar á afkomu rjúpunnar
til hins betra. Það dró mikið úr af-
föllum og stofninn tók gríðarlega
stórt stökk upp á við. Um leið og
banni var aflétt byrjaði þessi dýfa
niður á við.“ Aðspurður hvort
ástæða hefði verið til þess að láta
bannið gilda lengur segir Ólafur
að gagnlegt hefði verið að láta það
gilda í þrjú ár að minnsta kosti.
Rjúpnastofn-
inum hnignar
enn milli ára
Færri Rjúpum
fækkar milli ára.
EF fer sem horf-
ir stefnir í
ógöngur í næstu
kjarasamnings-
gerð framhalds-
skólakennara.
Það er skoðun
Aðalheiðar
Steingríms-
dóttur, formanns
Félags fram-
haldsskólakenn-
ara, sem segir hljóðið þungt í mörg-
um kennurum. Hún segir launabil
framhaldsskólakennara og viðmið-
unarhópa innan Bandalags há-
skólamanna hafa aukist og vera nú
um 6%. Það sé ósk félagsins að gerð
verði launaleiðrétting svo jafnstaða
haldist við viðmiðunarhópa. Mikil
þensla hafi verið í samfélaginu og
launaskrið í mörgum atvinnugrein-
um en kennarar hafi farið varhluta
af því.
Að mati Aðalheiðar er nauðsyn-
legt að bæði Félag framhaldsskóla-
kennara og ríkisvaldið noti tímann
vel fram að næstu kjarasamningum
sem verða í apríl á næsta ári til að
koma í veg fyrir vandræði. Hún
segir það óviðunandi ástand að
grípa þurfi til róttækra aðgerða en
einungis sé beðið um skilning og að
komið verði til móts við óskir og
þarfir framhaldsskólakennara.
Aðalheiður minnist verkfallsins
haustið 2000 sem stóð í átta vikur
og vonar að sagan endurtaki sig
ekki. Eins og staðan er í dag séu
kennarar ekki vongóðir.
Verkfall
framundan?
Aðalheiður
Steingrímsdóttir
ÞYRLUR Landhelgisgæslunnar
voru ræstar út þegar tilkynning
barst í gærdag um að rúta vægi salt
á klettabrún skammt frá Beruvík á
Snæfellsnesi. Í tilkynningunni, sem
barst lögreglu og neyðarlínu, kom
fram að rútan hefði runnið til á veg-
inum og stæði fram af brúninni með
40 ferðamenn innanborðs. Ellefu
mínútum síðar var þyrluaðstoðin aft-
urkölluð þegar ástandið reyndist
ekki eins alvarlegt og talið var í
fyrstu. Að sögn lögreglunnar á Snæ-
fellsnesi fór eitt hjól rútunnar út af
veginum þegar bílstjórinn misreikn-
aði sig í beygju. Verktakar sem unnu
við vegaframkvæmdir drógu hana
aftur upp á veginn. Um 40 franskir
ferðamenn voru í rútunni en engan
sakaði og rútan skemmdist ekki.
Rútuslys Mikill viðbúnaður var þegar rúta fór út af vegi og voru björgun-
arsveitir kallaðar út. Farþegum var boðin áfallahjálp en þeir afþökkuðu.
Rútan í minni hættu
en óttast var í fyrstu