Morgunblaðið - 19.06.2007, Síða 19

MORGUNBLAÐIÐ ÞRIÐJUDAGUR 19. JÚNÍ 2007 19
MENNING
HVAÐA góðgæti leynist í
búrkistunni? Er koffort
farkennarans troðfullt af
fróðleik? Hvað með brúð-
arkistil heimasætunnar?
Komdu og skoðað’í kistuna
mína er yfirskrift sýningar
sem opnuð hefur verið í
Safnahúsinu á Egils-
stöðum, en þar eru kistur,
kistlar og koffort til sýnis.
Í geymslum Minjasafnsins má finna marga
slíka gripi og hafa nokkrir þeirra nú verið
dregnir fram og dustað af þeim rykið. Oft og
tíðum var þar um að ræða einu hirslu fólks og
ýmislegt var í þeim geymt.
Minjar
Kíkt í brúðarkistil
heimasætunnar
BÓKAÚTGÁFAN Deus hefur
sent frá sér ljóðabókina Nóv-
embernætur eftir Eygló Idu
Gunnarsdóttur, en þetta er
önnur bók höfundar.
Eygló hefur áður gefið út
bókina Á meðan bærinn sefur
sem kom út árið 2000.
Nóvembernætur er bók sem
fjallar á næman hátt um mann-
legar tilfinningar og á hún er-
indi við unnendur hjartnæmra ljóða. Bókin er 47
bls. og fæst í Máli og menningu, Laugarvegi, og í
Eymundsson í Austurstræti. Deus sérhæfir sig í
útgáfu ljóðabóka. Á útgáfuskránni eru tíu titlar
eftir fimm skáld.
Bókmenntir
Nóvembernætur
á hásumri
HLJÓMSVEIT dönsku
hjónanna Hanne og Niels
Ryde, Valentine Quintet, er
stödd hér á landi og leikur
djassstandarda í útsetningum
hópsins. Niels Ryde hefur leik-
ið jöfnum höndum á rafbassa
og kontrabassa þar til síðustu
ár að rafbassinn hefur átt hug
hans allan. Kona hans, Hanne,
er söngvari bandsins, en aðrir í
kvintettnum eru gítarleikarinn Svend Hulthin,
Sigurdur Flosason saxófónleikari og Erik Qvick á
trommur. Þau verða á Domo annað kvöld kl. 21, á
Jómfrúnni á laugardag kl. 15 og á Café Kultur á
sunnudagskvöldið kl. 21.
Tónlist
Valentine spilar
djassstandarda
Hanne Ryde
Eftir Bergþóru Jónsdóttur
begga@mbl.is
ÞAU vöktu athygli langt út fyrir
bloggheima, bloggskrif Ómars
Ragnarssonar um Grímuhátíðina.
Þar lýsti Ómar furðu sinni á því að
verðlaunahátíðin skyldi hafa verið
færð fram um eitt kvöld, miðað við
þá hefð sem skapast hefur, að hún sé
haldin að kvöldi 16. júní. Ómar sýtir
það að á föstudagskvöldinu hafi leik-
konan Charlotte Bøving verið upp-
tekin við vinnu í leikhúsinu, þegar
hún hefði átt að vera á sviðinu í
Óperunni að taka við verðlaunum
sínum sem besta leikkona í auka-
hlutverki, fyrir hlutverk sitt í Ófögru
veröld hjá Leikfélagi Reykjavíkur
og samfagna eiginmanni sínum,
Benedikt Erlingssyni sem hlaut
þrenn verðlaun. Fleiri tilnefndir hafi
einnig verið við vinnu. Ómar sagði:
„Jú, hún varð að sjálfsögðu að
hlíta listamannsskyldu sinni í söng-
leiknum Ást og mér var tjáð að Sjón-
varpið hefði neitað að uppfylla samn-
ingsbundið ákvæði um að
sjónvarpað yrði frá Grímunni 16.
júní eins og ævinlega og í staðinn
krafist þess að vikið yrði frá þessu
og hátíðin færð fram um eitt kvöld –
annars yrði ekki sýnt frá athöfninni.
Þessi krafa hefði komið svo seint
fram að ekki hefði verið hægt að
hætta við sýningu á Ást, en á þá sýn-
ingu hefði þá verið búið að selja svo
marga miðað að ekki hefði verið
hægt að færa hana, enda hefur verið
uppselt á allar sýningar.“
Þægilegra fyrir Sjónvarpið
Viðar Eggertsson formaður Leik-
listarsambands Íslands, sem er eig-
andi Grímuverðlaunanna segir að
það sé rétt hjá Ómari, Sjónvarpið
hafi óskað eftir því að flýta útsend-
ingu Grímuverðlaunanna um sólar-
hring. „Sjónvarpið óskaði eftir því að
hátíðinni yrði flýtt, því það yrði
þægilegra fyrir stofnunina,“ segir
Viðar. „Þetta var ósk frá Þórhalli
Gunnarssyni, dagskrárstjóra Sjón-
varpsins.“ Viðar nefnir hefðina og
segir að í reglum um Grímuna segi
að hátíðina eigi að halda 16. júní ár
hvert. „Þannig hefur það verið frá
upphafi, árið 2003. Nú bar 16. júní
upp á laugardag, og leikhúsin höfðu
öll gert ráðstafanir í samræmi við
það, enda standa öll leikhús að Leik-
listarsambandinu. Það var því ekki
gert ráð fyrir sýningum í leikhús-
unum á laugardagskvöldinu, en hins
vegar var eðlilegt að sýningar væru
skipulagðar á föstudagskvöldinu.
Viðar segir að viðræður hafi staðið
í nokkurn tíma um þetta við sjón-
varpið en í ljósi þess að annars hefði
ekki orðið af útsendingu frá hátíð-
inni, hefði verið ákveðið að gefa eftir.
„Þegar þetta var frágengið átti
Borgarleikhúsið erfitt með að breyta
sýningunni á Ást, því það var langt
síðan byrjað var að selja miða á
föstudagskvöldssýninguna og miða-
sala hafði gengið vel. Þeir töldu sig
vera búna að lofa of mörgum áhorf-
endum sýningu þetta kvöld til að
hægt yrði að breyta því.“
Útsendingarbíllinn upptekinn
Þórhallur Gunnarsson, dagskrár-
stjóri Sjónvarps segir það rétt að
Sjónvarpið hafi óskað eftir því að
Grímuhátíðinni yrði flýtt um sólar-
hring. „Þetta er ekkert sérstaklega
flókið. Ég bað þá einfaldlega að at-
huga hvort föstudagskvöldið hentaði
þeim betur, eins og það gerði fyrir
okkur. Á laugardeginum vorum við
með beina útsendingu frá fótbolta-
landsleik. Það þýddi einfaldlega að
útsendingarbíllinn okkar var í notk-
un allan þann dag. Því óskaði ég eftir
færslunni til föstudags, og það var
vel tekið í að skoða það. Það varð svo
niðurstaðan og aldrei neitt stórmál,
að því er ég upplifði.“ Þórhallur seg-
ir að fyrst og fremst hafi þetta verið
spurning um kostnað. „Við hefðum
þurft að leigja annan útsendingarbíl,
en með tilfærslunni varð þetta ein-
faldara og ódýrara fyrir alla aðila.“
Enginn þvingaður til neins
Spurður hvort ekki hefði verið
fyrirséð fyrir löngu að Grímuútsend-
ingin yrði að kvöldi 16. júní og hvort
eitthvað annað í dagskránni hefði
ekki getað vikið fyrir henni, segir
Þórhallur það líka hafa verið ákveðið
með löngum fyrirvara að senda
knattspyrnuleikinn út. „Við hefðum
með miklum tilkostnaði getað leigt
annan útsendingarbíl og greitt fyrir
mannskap í útsendingu á laug-
ardagskvöldi. Ég stakk upp á breyt-
ingunni og hún var samþykkt. Það
var enginn þvingaður til neins,“ seg-
ir Þórhallur Gunnarsson, dagskrár-
stjóri Sjónvarps.
 Ómar Ragnarsson gagnrýnir flutning Grímuhátíðarinnar milli kvölda
 Grímuhátíðinni var flýtt til að spara Sjónvarpinu umtalsverðan kostnað
 Útsendingarbíll Sjónvarps var bundinn í fótboltaútsendingu á laugardag
Enginn þvingaður til neins
Í HNOTSKURN
» Íslensku leiklistarverðlaun-in, Gríman, voru fyrst veitt
2003. Frá upphafi hefur verið
sjónvarpað beint frá hátíðinni.
» Hefð hefur skapast fyrir þvíað Grímuhátíðin sé að kvöldi
16. júní, og kveðið á um þá dag-
setningu í reglum Grímunnar.
Sigursæl Benedikt Erlingsson var sigursæll á Grímuhátíðinni, það var fót-
boltalandsliðið líka. Langt er síðan fyrir lá að báðir viðburðirnir yrðu sama
dag og að báða þyrfti að senda út í beinni útsendingu, þótt Sjónvarpið hefði
ekki bolmagn til að senda út nema annan þeirra þann dag.
YFIRLITSSÝNING á verkum
myndlistarmannsins Hreins Frið-
finnssonar í Serpentine-galleríinu í
Hyde Park í
Lundúnum hefst
17. júlí næstkom-
andi og verður
gjörningur
Hreins frá 8. ára-
tugnum end-
urtekinn, nefni-
lega sá að
auglýsa í tímariti
eftir leynd-
armálum les-
enda.
Það var Ólafur Elíasson sem átti
frumkvæðið að sýningu Hreins, ef
marka má fréttatilkynningu frá
Serpentine. Báðir séu þeir heillaðir
af náttúrunni og sjónrænum upplif-
unum.
Í tilkynningu segir að Hreinn
nýti sér gjarnan fundna hluti og
eigi við þá sem allra minnst en
myndi ný verk sem varpi fram
spurningum um sjálfið og tímann.
Hann hafi unnið í ólíka miðla, t.d.
ljósmyndun, skúlptúr, teikningu og
gert innsetningar.
Sýningin í Serpentine stendur til
2. september. Ólafur Elíasson kem-
ur að hönnun sumarskála Serpent-
ine og má því segja að íslensk
stemning verði í þessu heimsþekkta
galleríi seinni hluta sumars.
Gamalt verk
eftir Hrein
endurgert
Auglýst eftir leynd-
armálum lesenda
Hreinn
Friðfinnsson
BRESKA lista-
ráðið, Arts
Council, lét gera
könnun fyrir sig
á því hverjar
væru hetjur al-
múgans úr röð-
um listamanna.
Samkvæmt nið-
urstöðum könn-
unarinnar virðist valið hjá þeim
sem eru yngri en 25 ára ráðast af
sjónvarpsáhorfi, kvikmyndum og
iPod-notkun. Walt heitinn Disney
er þar efstur á blaði og breski
sjónvarpsgrínistinn Peter Kay í
öðru sæti.
Endurreisnarmeistarinn Leon-
ardo da Vinci komst reyndar á
blað, í fjórða sætið. Leikarinn og
söngvarinn Will Smith er nokkru
neðar, í 10. sæti. 6.400 manns tóku
þátt í könnuninni í heildina, þ.e.
undir og yfir 25 ára aldri. Í efstu
fjórum sætum á heildina litið
urðu: Leonardo da Vinci (1.), Bob
Dylan (2.), Andy Warhol (3.) og
Disney (4.).
Ungir dýrka
Disney
Minna mús
♦♦♦
LISTAKONAN Alice Olivia Clarke,
sem búsett er í Hafnarfirði og starf-
ar þar að list sinni, hélt sýningu á
mósaíkmyndum í galleríinu La
Petite Mort í Ottawa um síðustu
helgi. Var sýningin haldin í sam-
vinnu við sendiráð Íslands í Kanada
þar sem Markús Örn Antonsson er
sendiherra.
Alice er uppalin í Ottawa, þar sem
hún kynntist eiginmanni sínum,
Kára Eiríkssyni arkitekt, sem þá
var við nám við Carlton-háskólann í
borginni. Þau fluttu til Hafn-
arfjarðar fyrir 14 árum.
Mósaíkmyndir eftir Alice prýða
meðal annars byggingu Bókasafns
Hafnarfjarðar og veitingastaði í
Reykjavík.
Alice kveðst leitast við að skil-
greina í verkum sínum, eða öllu
heldur fá botn í það umhverfi og þau
náttúrufyrirbæri, sem hún hefur
kynnst á Íslandi, og jafnframt að
skilja sjálfa sig í því nýja umhverfi.
Yfirskrift sýningarinnar í Ottawa
var: Hver?
Alice notar ýmsan efnivið í
mósaíkverk sín. Uppistaða þeirra
eru steinflísar með mismunandi
áferð, sem hún sker eða brýtur, en í
bland við þær eru steinvölur, sem
hún hefur safnað á ferðum sínum um
Ísland.
Íslenskar mósaíkmyndir sýndar í La
Petite Mort-galleríinu í Ottawa í Kanada
Að botna náttúruna
Opnunin Markús Örn Antonsson, sendiherra Íslands í Kanada, og listakon-
an Alice Olivia Clarke við sýningaropnunina á föstudaginn.
♦♦♦
OPNUNARMYND Kvikmyndahá-
tíðarinnar í Feneyjum í ár verður
Atonement, eða Friðþæging, eftir
Joe Wright, eftir samnefndri sögu
rithöfundarins kunna Ians McEw-
ans. Með aðalhlutverk í myndinni
fara Keira Knightley, James
McAvoy og Vanessa Redgrave. Ian
McEwan er vel kunnur af verkum
sínum á Íslandi, en hann hlaut Book-
er-verðlaunin árið 2001 fyrir sögu
sína Amsterdam. Rúnar Helgi Vign-
isson þýddi Atonement á íslensku, en
Bjartur gefur hana út. Í sögunni seg-
ir frá því hvernig lygi þrettán ára
telpu leikur líf miðstéttarfjölskyldu í
Englandi í sjötíu ár.
Myndarinnar er að sjálfsögðu beð-
ið með spenningi, en Feneyjahátíðin
hefst í ágústlok og stendur í tíu daga.
Friðþæging
í Feneyjum