Morgunblaðið - 19.06.2007, Blaðsíða 37

MORGUNBLAÐIÐ ÞRIÐJUDAGUR 19. JÚNÍ 2007 37
Fallin er frá einstök
kona. Vinkona okkar
Þórhildur Gunnars-
dóttir var hvarvetna
vel metin fyrir störf
sín og ljúfmannlega framgöngu. Það
er sárt að sjá á eftir góðri vinkonu,
sérstaklega þegar frá er fallin mikil
mannkostamanneskja. Þórhildur var
hugljúf kona með virðulegt fas og
góða dómgreind. Hún gaf af sér hvar
sem hún fór og það voru margir sem
nutu umhyggju hennar.
Ég kynntist Þórhildi fyrir rétt um
30 árum, hún var eiginkona frænda
míns og starfaði mikið að félagsmál-
um, bæði í JC hreyfingunni og í
Lionshreyfingunni. Þórhildur var
víða kölluð til verka fyrir það hvað
hún var traust og ábyggileg og fyrir
það að hún gerði alla hluti svo vel að
aðrir gátu fetað í hennar spor og not-
ið góðs af verkum hennar.
Ég man vel eftir að það fyrsta sem
ég skynjaði hjá Þórhildi var um-
hyggja fyrir velferð annarra. Lífið
lagði fyrir Þórhildi margar raunir hjá
samferðafólkinu sem hún gaf sér allt-
af tíma til að huga að, hugga og
styrkja þar sem það átti við og taka
þátt í að leysa. Ég fékk sjálfur að
njóta þessara mannkosta Þórhildar
við fráfall eiginkonu minnar en þær
voru miklar vinkonur.
Hún naut sín vel í félagsstörfum
þar sem hún hafði aðeins eina hug-
sjón, það að gera gagn. Það er því
ekki undarlegt að meginþunginn hafi
verið störf að líknarmálum. Hún var
eftirsótt til ábyrgðarstarfa því hún
lagði alltaf gott eitt til, var úrræða-
góð og vandaði til allra verka. Við
nutum starfa hennar í fjölumdæm-
isstjórn Lionshreyfingarinnar þar
sem hún var merkisberi til margra
góðra verka og hvatning fyrir aðrar
konur að taka þátt í stjórnunarstörf-
um í hreyfingunni.
Þórhildur var gæfusöm í starfi.
Hún hefur örugglega lært sitt hvað í
kaupmennsku af föður sínum sem
var með dugmeiri mönnum í þeirri
grein. Hún sagði mér að hún reyndi
að tileinka sér hans aðferðir og við-
horf þar sem það ætti við. Hún tamdi
sér að hugsa stórt og vera fljót að
taka ákvarðanir. Hún náði líka að
byggja upp viðamikinn verslunar-
rekstur þar sem hún naut velgengni
og fékk útrás fyrir sköpunargleðina.
Í því starfi ræktaði hún vel erlendu
samböndin og virkjaði með sér börn-
in og tengdabörnin.
Þórhildur var vinur vina sinna.
Trúnaður og heilindi einkenndi alla
hennar framkomu. Hún naut sín best
þegar hún og Maggi stóðu fyrir
heimboðum, hvort sem var á heimilið
í bænum eða í sumarbústaðinn á
Þingvöllum. Þá geislaði af henni og
gestirnir fundu fyrir því hvað henni
leið vel og hvað hún naut þess að láta
öðrum líða vel í kringum sig.
Þórhildur átti stóran vinahóp. Við
sem nutum þess að vera með þeim
hjónum í matarklúbbi geymum með
okkur góðar og fallegar minningar.
Minningar um ljúfa vinkonu sem allt-
af geislaði af gleði, með bros á vör.
Það var gott að tala við Þórhildi,
hún var góður hlustandi og góður
ráðgjafi.
Kæri Magnús minn, megi góður
Guð fylgja þér og þínum og gera
söknuð ykkar léttbærari með góðum
minningum um Þórhildi.
Blessuð sé minning hennar.
Kristján Kristjánsson.
Ég var staddur í Bandaríkjunum
þegar einn af mínum bestu vinum
hringdi í mig og tilkynnti mér um
andlát móður sinnar. Fréttin kom
Þórhildur Marta
Gunnarsdóttir
✝ Þórhildur MartaGunnarsdóttir
fæddist í Reykjavík
hinn 30. júlí 1943.
Hún lést á heimili
sínu 27. maí síðast-
liðinn og var útför
hennar gerð frá
Grafarvogskirkju 7.
júní.
töluvert á mig þó að
Valli hafi undirbúið
mig nokkru áður um
að það væri stutt eftir.
Fljótlega eftir að ég
jafnaði mig á þessum
fréttum fór ég að
hugsa um Þórhildi eða
Systu eins og hún var
venjulega kölluð. Fór
að hugsa um þegar við
Valli vorum að fóta
okkur í viðskiptum
með litla skrifstofu í
kjallara Völusteins,
þar sem við unnum í
mikilli nálægð við Þórhildi. Hún var
mikill leiðtogi í öllu sem hún tók sér
fyrir hendur og það fyrsta sem ég
hugsaði um var að nú kemst himna-
ríki í röð og reglu í eitt skipti fyrir öll
þegar Þórhildur mætir yfir móðuna
miklu og byrjar að bretta upp ermar,
vinna, skipuleggja og stjórna hlutun-
um með dæmalausri elju og fórnfýsi.
Þórhildur lagði grunninn að því fyr-
irtæki því sem við Valli eigum í dag
með því að kaupa fyrir okkur fyrsta
tölvubúnaðinn sem við þurftum til að
geta byrjað að framleiða auglýsingar
og lagði meira að segja til skrifstofu-
horn handa okkur niðri í Völusteini.
Það var minnsta málið að koma
strákunum af stað. Ekki nóg með
það, hún sýndi okkur líka mikinn
áhuga á öllu því sem við vorum að
gera og fylgdist vel með hvort okkur
gengi nú ekki vel. Þórhildur var mjög
viðkunnanleg kona, gaf alltaf færi á
að spjalla um heima og geima, var
alltaf glöð og í góðu skapi. Hún var
mikill frumkvöðull og greinilega
óhrædd við að takast á við öll verk-
efni hversdagsleikans, sýndi mikla
fyrirmynd.
Elsku Maggi, Valli, Silja, Vala, Óli,
Hildur Eva og Gunnar Ingi; við hjón-
in sendum ykkur okkar innilegustu
samúðarkveðjur.
Sigurður Hlöðversson
og fjölskylda.
Kynni okkar Þórhildar hófust fyrir
rúmum 35 árum. Hún starfaði þá í
fyrirtæki föður síns, Gunnar Ásgeir-
son hf., en ég kom til starfa hjá bróð-
ur Gunnars, Ebenezer Ásgeirssyni,
sem rak Vörumarkaðinn við Ármúla.
Samgangur og samstarf milli fyrir-
tækjanna var nokkurt og kynni tók-
ust. Magnús var rétt síðar forseti
Junior Chamber Reykjavík, þar sem
ég varð þá nýr félagi. Nálægt fjórum
árum síðar var stofnað JC félag í
Reykjavík, JC Vík, og varð Þórhildur
fyrsti forseti félagsins. Við unnum
síðar saman í landsstjórn JC Ísland,
þar sem hún var landsritari og enn
síðar, þegar hún var skipuð af al-
þjóðaforseta JC International til að
vera Executive Assistant fyrir Norð-
ur-Ameríku á árinu 1983.
Þórhildur var kraftmikil kona.
Vandvirkni, eljusemi, keppnisskap
og metnaður einkenndi hana í þeim
félagsstörfum þar sem leiðir okkar
lágu saman. Hjálpsemi við þá sem
minni reynslu höfðu var við brugðið.
Sem leiðbeinandi og flytjandi talaðs
máls var hún sköruleg og skipulögð.
Hún bar m.a. ábyrgð á fréttabréfi JC
hreyfingarinnar, líklega í tvö ár. Var
sú útgáfa vönduð, metnaðarfull,
hnökralaus og með tekjuafgangi,
sem ekki var algengt. Líklega var
aldrei betra skipulag á pappírum eða
gögnum JC hreyfingarinnar en þeg-
ar hún bar ábyrgð á þeim. Einnig
lagði hún metnað sinn í að miðla af
þekkingu sinni á þessu sviði, m.a.
með sérstöku námskeiði fyrir ýmsa
stjórnarmenn. Á svæðisráðstefnu
JCI 1983, sem var haldinn í Montego
Bay á Jamaica, átti hún mikinn þátt í
lokaskipulagningu á um 500 manna
þingi. Við vorum þarna í rúma viku
og gæti ég trúað að vinnudagurinn
hjá henni hafi verið um 20 tímar
suma dagana, en ekki kvartaði hún
og hvatti innlent aðstoðarfólk sitt til
starfa með jákvæðum hætti og leið-
beindi því af sinni miklu reynslu.
Ekki spillti umhverfið á fallegum
stað á þessari sólareyju sem á einn
litríkasta þjóðfána og fallegasta þjóð-
söng sem ég þekki.
Hin seinni ár hittumst við Halla,
Þórhildur og Magnús gagnkvæmt
hver heima hjá öðrum ásamt fleiri
vinum. Voru þessar stundir notaðar
til að ræða um gamla tíma og njóta
stundarinnar með léttri steik og
kannski rauðu. Eitthvað, sem ekkert
okkar hefði viljað missa af, þegar við
nú kveðjum Þórhildi Gunnarsdóttur,
sem var það svo eðlislægt að hjálpa
og gleðja aðra. Við Halla sendum
Magnúsi, Valla, Völu og barnabörn-
unum okkar innilegustu samúðar-
kveðjur. Megi fögur minning um
Þórhildi lifa um ókomin ár í hugum
okkar allra.
Andrés B. Sigurðsson,
Hallgunnur Skaptason.


  


 



 
    
       
✝
Minningarathöfn um móður okkar, tengdamóður
og ömmu,
STEFANÍU ÞÓRDÍSI SVEINBJARNARDÓTTUR,
verður haldin í Digraneskirkju fimmtudaginn
21. júní kl. 11.00.
Alda Sigmundsdóttir, Erlingur Páll Ingvarsson,
Louise Dignum,
Aldís Amah Hamilton.
✝
Ástkær eiginmaður minn, faðir okkar, tengdafaðir,
afi og langafi,
SKÚLI BREIÐFJÖRÐ JÓNASSON
fyrrverandi kaupfélagsstjóri,
Mýrarvegi 117,
Akureyri,
sem andaðist mánudaginn 4. júní, verður
jarðsunginn frá Akureyrarkirkju miðvikudaginn
20. júní kl. 13.30.
Blóm og kransar vinsamlegast afþakkaðir en þeim sem vildu minnast
hins látna er bent á Hjartavernd.
Guðrún Guðríður Guðmundsdóttir,
Elín Skúladóttir,
Oddfríður Skúladóttir,
Kristinn Skúlason, Anna Pétursdóttir,
Jóhann Skúlason, Margrét Guðmundsdóttir,
Skúli Jónas Skúlason, Þórhildur Höskuldsdóttir,
barnabörn og barnabarnabarn.
Innilegar þakkir fyrir auðsýnda samúð og hlýhug
vegna andláts og útfarar eiginkonu minnar, móður
okkar, ömmu og langömmu,
VIKTORÍU ÞORVALDSDÓTTUR,
Stjörnusteinum 9,
Stokkseyri.
Magnús G. Sigurjónsson,
Margrét Magnúsdóttir, Einar B. Steinmóðsson,
Þorvaldur Magnússon,
Vilhjálmur Magnússon, Kristín Þ. Sigurðardóttir,
Gunnar Magnússon, Guðrún R. Erlingsdóttir,
Bjarni Magnússon,
Signý Magnúsdóttir, Arnar Þór Diego,
ömmu og langömmubörn.
✝
Okkar ástkæri, faðir, tengdafaðir, afi, langafi
og bróðir,
HARALDUR EINARSSON,
Vesturbergi 52,
áður Vesturvallagötu 7,
Reykjavík,
er lést þann 13. júní, verður jarðsunginn frá Fella-
og Hólakirkju, miðvikudaginn 20. júní kl. 13.00.
Þóra Haraldsdóttir, Óskar Ármannsson,
Guðrún Haraldsdóttir, Óli V. Antonsson,
barnabörn, barnabarnabarn og systkini.
✝
Við þökkum af alhug öllum þeim er sýndu okkur
samúð og hlýhug við andlát og jarðarför
elskulegrar móður okkar, dóttur, systur og ömmu,
HULDU BRYNJÓLFSDÓTTUR,
Álftarima 3,
800 Selfossi.
Sérstakar þakkir viljum við færa öllum þeim
læknum og hjúkrunarfólki sem hugsuðu
einstaklega vel um hana í veikindum hennar.
Bent Larsen og fjölskylda.
Karl Brynjar Larsen, Eva Björk,
mamma, systkini og aðrir aðstandendur.
✝
Ástkær dóttir mín, systir og mágkona,
ANNA ÁRSÆLSDÓTTIR,
Stuðlaseli 2,
áður Kleppsvegi 62,
Reykjavík,
er lést á líknardeild Landspítalans í Kópavogi
föstudaginn 1. júní, verður jarðsungin frá Áskirkju
miðvikudaginn 20. júní kl. 13.00.
Blóm og kransar vinsamlegast afþakkaðir en þeir
sem vilja minnast hennar er bent á Styrktarfélag vangefinna.
Klara Vemundsdóttir,
Hafsteinn Ársæll Ársælsson, Sigrún J. Jónsdóttir,
Unnur S. Jónsdóttir.
✝
Faðir okkar, tengdafaðir, afi og langafi,
STEINGRÍMUR HELGI ATLASON
fyrrv. yfirlögregluþjónn í Hafnarfirði,
Hjallabraut 43,
Hafnarfirði,
sem lést miðvikudaginn 6. júní, verður jarðsunginn
frá Víðistaðakirkju miðvikudaginn 20. júní kl. 13.00.
Blóm og kransar vinsamlegast afþakkaðir en þeim
sem vilja minnast hins látna er bent á Blindrafélag Íslands og Félag
krabbameinssjúkra barna.
Fyrir hönd annarra aðstandenda,
Einar Steingrímsson, Steinunn Halldórsdóttir,
Atli Guðlaugur Steingrímsson, Erla Ásdís Kristinsdóttir,
barnabörn og barnabarnabörn.