Morgunblaðið - 19.06.2007, Page 20

20 ÞRIÐJUDAGUR 19. JÚNÍ 2007 MORGUNBLAÐIÐ
AKUREYRI
Eftir Svanhildi Eiríksdóttur
Hafnir | „Verkefnið Díónýsía geng-
ur út á að brjóta niður múra milli
listnema og listamanna, borga og
sveita og ekki síður milli listgreina.
Í þessum hópi eru listnemar, út-
skrifaðir nemar og sjálfmenntaðir
listamenn,“ sögðu þátttakendur
verkefnisins Díónýsíu í samtali við
blaðamann, en þeir hafa breytt
Samkomuhúsinu í Höfnum í lista-
smiðju og laðað til sín fleiri þátttak-
endur úr byggðarlaginu.
Hafnir í Reykjanesbæ varð
áfangastaður Hörpu Daggar Kjart-
ansdóttur og Sólbjargar Björns-
dóttur, nýútskrifaðra nema úr
Listaháskóla Íslands, af myndlistar-
og tónlistarsviði, þegar þær ákváðu
að taka þátt í Díónýsíu-verkefninu.
Tómas Magnússon renndi í hlaðið á
sama tíma og blaðamaður síðastliðið
föstudagskvöld og vildi leggja verk-
efninu lið. Hann er sjálfmenntaður
listamaður, eins og hann komst
sjálfur að orði.
Hafnalistamennirnir segja að
hugmyndin að Díónýsíu hafði fæðst
fyrir um ári innan veggja Listahá-
skóla Íslands. „Fyrir 5 árum fóru
nemar úr myndlistardeild skólans
og dvöldu í bæjum við hringveginn.
Myndlistarnemar á 3. ári í LHÍ
hafa einnig geta sótt um að taka
þátt í sýningum á vegum Dieter
Roth-akademíunnar á Seyðisfirði og
sú vinna hefur gefið góða raun og
nemunum hefur fundist frábært að
vinna úti á landi. Díónýsíu er því
ætlað að gefa fleirum tækifæri til
slíkrar upplifunar og þátttakendur
koma úr öllum listgreinum,“ sögðu
Harpa og Sólbjörg.
„Íbúarnir hafa tekið okkur vel“
Hugmyndin er einnig að virkja
listafólk og áhugamenn á dreif-
býlisstöðunum til þátttöku. Þá hef-
ur listafólk á þeirra aldri úr
Reykjanesbæ gengið til liðs við þau
og var von á slíkum hópi á föstu-
dagskvöldið. Þátttakendurnir þrír
vissu lítið um Hafnir þegar dvölin
hófst, Tómas þó mest. Það hefur
því ýmislegt komið þeim á óvart.
Sólbjörg byrjaði frásögnina. „Þetta
er alveg kynngimagnaður staður.
Hér er allt troðfullt af álfum. Einu
sinni þegar ég dvaldi hérna fram-
yfir miðnætti þá varð ég að drífa
mig burt héðan, því það fór allt í
gang. Það hefur kannski ýtt undir
upplifunina að við erum búin að
lesa fullt af draugasögum frá staðn-
um og heyra um drauga og álfa.“
Harpa Dögg sagðist ekki búa yfir
þessari reynslu en tók fram að fólk-
ið á staðnum hafi komið henni mest
á óvart og ekki síður staðurinn
sjálfur. „Fólkið tekur svo virkan
þátt í öllu hér og íbúarnir hafa tek-
ið okkur mjög vel. Þá er umhverfið
alveg magnað og virkilega fallegt.“
Fyrsta daginn fengu þátttakend-
urnir leiðsögumann til að fylgja
þeim um svæðið og segja þeim sög-
ur svo þau kynntust byggðarlaginu
betur. Það var Ketill Jósefsson sem
tók það hlutverk að sér. „Svo höf-
um við kynnst Nonna á Jaðri og
hann hefur sagt okkur sögur af
svæðinu. Frábær náungi.“ Það tók
blaðamann nokkurn tíma að átta
sig á því að Nonni á Jaðri er Jón
Borgarson, aðalmaðurinn í Höfn-
um. Börnin í hverfinu hafa líka tek-
ið verkefninu fagnandi og sagði
Sólbjörg að samkomuhúsið hafi
verið eins og félagsmiðstöð und-
anfarna daga. Ekki vantaði lífið í
staðinn þann tíma sem blaðamaður
dvaldi þar og mörg verk bættust í
safnið, enda vinnuborð fyrir gesti
og gangandi sem vilja leggja verk-
efninu lið.
Það hefur reynst þátttakendum
nauðsynlegt að kynnast sögu stað-
arins, enda leggja þau sig fram um
að tengjast umhverfinu og sögunni.
Bæði Harpa Dögg og Sólbjörg hafa
verið að vinna texta og myndir og
um helgina var ætlunin að vinna
klippimyndir og stærri málverk eft-
ir að þeim áskotnaðist efni úr
Bryggjuhúsinu í Duushúsum og
von var á fleiri liðsmönnum úr
Reykjanesbæ. Tómas var að fara
að byrja á útsýnisklefa utan við
samkomuhúsið. „Aðaldagurinn hjá
okkur er 17. júní og við verðum
með vinnustofuna opna og tónlist-
aruppákomur á klukkustundar
fresti sem Sólbjörg framreiðir. Síð-
asti dagurinn okkar hér verður svo
19. júní en þá verður eins konar
lokauppgjör. Við ætlum að hafa
vinnustofuna opna og fara yfir það
sem hefur verið að gerast hér.
Verkefnið verður svo gert upp í
heild sinni út frá reynslu hvers
hóps. Fyrirhugað er að gefa út bók
um allt sem gekk á og verkin sem
unnin voru og svo verður stór sýn-
ing á Nýlistasafninu þegar bókin
kemur út, sennilega í lok þessa
árs,“ sagði Hafnahópur Díónýsíu að
lokum.
„Þetta er alveg kynngimagnaður staður“
Morgunblaðið/Svanhildur Eiríksdóttir
Hafnarhópur Díónýsíu Tómas Magnússon, Sólbjörg Björnsdóttir og Harpa Dögg Kjartansdóttir ásamt yngstu
íbúum Hafna sem hafa mikið sótt í samkomuhúsið og þar með orðið þátttakendur í Díónýsíu-verkefninu.
Dagbókarbrot af this.is/dionysia:
„Það er stanslaust stuð á vinnu-
stofunni okkar. Fólk er duglegt að
kíkja í heimsókn, fólk hefur meira
að segja komið úr höfuðborginni til
að kíkja og við erum búin að vera
með alls konar gjörninga. …
Krakkarnir í bænum eru líka búin
að vera dugleg að kíkja til okkar og
hjálpa okkur við sýninguna. …
Fyrsta daginn fengum við leiðsögu-
mann sem sýndi okkur allan bæinn,
nú erum við líka búin að eignast al-
veg einstakan vin hann Jón (eða
Nonna á Jaðri) sem býr í húsinu við
hliðina á samkomuhúsinu. Hann er
duglegur að bjóða okkur í kaffi og
einnig buðum við honum eitt kvöld-
ið í mat og þá sagði hann okkur
draugasögur langt fram eftir og
fræddi okkur um staðinn... nú vit-
um við nánast hver býr í hvaða húsi
og hvað álfur í hvaða hól :o)“
Draugar
SUÐURNES
TENGLAR
..............................................
http://this.is/dionysia
http://myspace.com/dionysia2007
MENNTASKÓLANUM á Akureyri
var slitið í 128. sinn hinn 17. júní. 135
nýstúdentar settu þá upp hvítu húf-
una og luku námi við skólann.
Jón Már Héðinsson, skólameistari
MA, kom víða við í ræðu sinni á skóla-
slitunum. Hann fór yfir viðburði
skólaársins og sagði það jafnt kröfu
þeirra sem við hann væru og gamalla
nemenda að skólinn yrði sífellt í
fremstu röð.
Skólameistari veitti jafnframt Jó-
hanni Sigurjónssyni, efnafræðikenn-
ara við skólann, æðsta heiðursmerki
skólans, gullugluna, fyrir störf sín.
Jóhann lætur nú af kennslu eftir 38
ára starf við skólann.
Hæstu einkunn í fyrsta bekk hlaut
Tinna F. Jökulsdóttir 9,6; hæstu ein-
kunn í öðrum bekk hlaut Svala Lind
Birnudóttir 9,4; hæstu einkunn í
þriðja bekk hlaut Kolfinna Snæbjarn-
ardóttir, 9,1, og hæstu einkunn í
fjórða bekk hlaut Krístín Sólnes, 9,4.
Anna Harðardóttir á náttúru-
fræðibraut var dúx meðal nýstúd-
enta, hafði hæstu meðaleinkunn á
stúdentsprófi sem var 9,22. Kristín
Ása Þórisdóttir á eðlisfræðibraut var
með 9,15 í meðaleinkunn.
Að venju tóku fulltrúar júbílanta til
máls. 10, 25, 40, 50 og 60 ára stúd-
entar ávörpuðu nýstúdenta og af-
hentu skólanum góðar gjafir. Guðrún
Hlíf Þorsteinsdóttir, fulltrúi 40 ára
stúdenta, afhenti skólanum málverk
af Aðalsteini Sigurðssyni, fyrrverandi
sögukennara við skólann. Ennfremur
var gerð grein fyrir mikilli bókagjöf
sem dr. Hreinn Benediktsson arf-
leiddi skólann að.
Ljósmynd/Þórhallur Jónsson
Skólaslit Fríður hópur nýstúdenta ásamt Jóni Má Héðinssyni, skólameistara Menntaskólans á Akureyri, eftir útskriftina á þjóðhátíðardaginn 17. júní.
Brautskráning Menntaskólans
Ljósmynd/Sverrir Páll Erlendsson
Heiðraður Hátíðargestir stóðu upp og klöppuðu Jóhanni Sigurjónssyni
efnafræðikennara lof í lófa eftir að hann veitti gulluglunni viðtöku.
Í HNOTSKURN
»747 nemendur stunduðu námvið MA í ár. Skólanum bárust
í vor fleiri umsóknir en nokkru
sinni áður, eða 262 talsins.
»135 nýstúdentar útskrifuðust,eða 47 karlar og 88 konur.
»Flestir nýstúdentar eru af fé-lagsfræðibraut, eða 71, 40
eru af náttúrufræðibraut, 15 af
málabraut og 9 af eðlisfræði-
braut.
Í TILEFNI þess
að 25 ár eru liðin
frá því konum
fjölgaði umtals-
vert í bæjarstjórn
Akureyrar og
fyrsta konan varð
forseti bæjar-
stjórnar verður
staðið fyrir gróð-
ursetningu á 25
plöntum í Vilhelmínulundi við
Hamra í kvöld. Fyrir því standa
samfélags- og mannréttindaráð Ak-
ureyrarbæjar og konur sem virkar
voru í Jafnréttishreyfingunni og
Kvennaframboðinu.
Vilhelmínulundur er tileinkaður
merkiskonunni Vilhelmínu Lever
„verslunarborgarinnu“ á Akureyri.
Tók þátt í kosningum þrátt
fyrir að hafa ekki kosningarétt
Vilhelmína var litrík persóna sem
fór alla tíð sínar eigin leiðir. Vilhelm-
ína kaus fyrst íslenskra kvenna á Ís-
landi í sveitarstjórnarkosningum og
það þrátt fyrir að konur höfðu enn
ekki öðlast kosningarétt. Það gerði
hún árin 1863 og einnig árið 1866, í
skjóli þess að konur væru líka menn,
en í lögum var kveðið á um að kosn-
ingarétt hefðu „allir fullmyndugir
menn“. Vilhelmína Lever var líka
fyrst íslenskra kvenna til að sækja
um og fá lögskilnað árið 1824. Hún
átti nokkur hús í innbæ Akureyrar
og rak þar verslun.
Dagskráin hefst kl. 17 við minn-
ingarskiltið um Vilhelmínu sem er
við Hamra ofan Akureyrar. Flutt
verða stutt ávörp, plönturnar settar
niður og í kjölfarið boðið upp á kaffi.
Jafnrétt-
isáfanga
minnst
Vilhelmína Lever