Morgunblaðið - 19.06.2007, Page 33
MORGUNBLAÐIÐ ÞRIÐJUDAGUR 19. JÚNÍ 2007 33
✝ Steinar Ragn-arsson prent-
smiður fæddist í
Reykjavík 15. ágúst
1946. Hann lést á
heimili sínu 31. maí
síðastliðinn. For-
eldrar hans voru
Kristinn Ragnar
Jóhannesson, kaup-
maður í Reykjavík,
f. 1913, d. 1954, og
Ragnheiður
Magnúsdóttir kaup-
maður og húsmóðir,
f. 1916, d. 1969.
Bræður Steinars eru Jón Ingi, f.
1943, og Jóhannes, f. 1949. Hálf-
bróðir hans er Ragnar Þór, f.
1958.
Steinar giftist fyrri konu sinni,
Kristínu Kristjánsdóttur, árið
1969. Börn þeirra eru Kristján, f.
1970, og Katrín, f. 1973. Þau
skildu. Árið 1983 giftist Steinar
eftirlifandi eigin-
konu sinni, Katrínu
Kristínu Söebech, f.
1955. Þau eignuðust
saman Alexander, f.
1988.
Katrín átti fyrir
þrjá syni, Hauk Þór,
f. 1973, Ara Má, f.
1976, og Theodór
Árna, f. 1982.
Þau Katrín
bjuggu öllum sex
börnum sínum sam-
eiginlegt heimili,
lengst af í Jöldugróf
í Reykjavík. Steinar lauk námi frá
Iðnskólanum í Reykjavík og
sveinsprófi í prentsetningu 1971.
Hann starfaði hjá Dagblaðinu
Vísi, Blaðaprenti, Frjálsri fjöl-
miðlun og Ísafoldarprentsmiðju.
Útför Steinars verður gerð frá
Digraneskirkju í dag og hefst at-
höfnin klukkan 13.
Er hugur nemur harmafregn
á hljóðri stund.
Ég veit að gengur góður þegn
á guðs síns fund.
(Sveinn A. Sæmundsson.)
Mér var brugðið þegar mér var
tilkynnt lát Steinars bróður míns
en hann var aðeins 60 ára gamall.
Fyrir tuttugu árum fékk hann al-
varlegt hjartaáfall og þá héldum
við að við værum að missa hann, en
hann lifði það af. Við megum því
þakka fyrir þessi 20 ár sem við
fengum að hafa Steinar hjá okkur
eftir það.
Fjölskyldan átti heima í Skafta-
hlíðinni þegar Steinar var 3 ára. Á
þessum árum var leikvöllur Stein-
ars óbyggt svæði á milli Skaftahlíð-
ar og Miklubrautar. Á þessu svæði
var bæði gras og stórir njólar og
krökkunum þótti gaman að nota
njólana sem sverð. Þar sem nú er
Stakkahlíð voru garðlönd borgar-
búa og þar var hægt að gæða sér á
rófum og radísum. Oftar en ekki
síðla dags fór mamma að leita að
Steinari og þóttist ég vita hvar
hann væri. Það var hægt að ganga
að honum vísum í görðunum að
gæða sér á grænmetinu sem rækt-
að var þar.
Þegar Steinar var 7 ára fluttum
við í Hátröðina í Kópavogi, í nýtt
einbýlishús sem foreldrar okkar
byggðu. Þetta voru spennandi
tímar hjá honum.
Hann byrjaði þar sína skóla-
göngu, í nýju umhverfi og kynntist
þar nýjum vinum. Tíu mánuðum
eftir að við fluttum varð fjölskyld-
an fyrir miklum missi þar sem
pabbi okkar dó aðeins fertugur að
aldri. Mamma var þar með orðin
ein með þrjá unga stráka. Ásamt
því að hugsa um heimilið rak
mamma áfram matvöruverslunina
sem fjölskyldan átti í Samtúni í
Reykjavík. Steinar fór þá í eitt ár
til Ingu móðursystur og Gunnars
manns hennar sem þá var skóla-
stjóri á Neskaupstað. Dvaldi Stein-
ar einnig hjá þeim tvö sumur þar á
eftir. Hann hafði oft orð á því hvað
honum hefði liðið vel hjá þeim góðu
hjónum fyrir austan.
Steinar fór í iðnnám og lærði
prentiðn. Hann var vandvirkur og
góður starfsmaður og vann m.a.
lengi hjá Vísi og DV. Steinar og ég
fengum það frá foreldrum okkar að
hafa gaman af að spila bridge og
við bræðurnir áttum saman
ógleymanlegar stundir við spila-
borðið, bæði í keppni og heima.
Steinar var góður bridgespilari.
Fyrir nokkrum árum fórum við
strákarnir í fjölskyldunni, þ.e.a.s.
við bræðurnir, synir og tengdasyn-
ir, í fótboltaferð til Anfield í Liver-
pool þar sem við sáum Liverpool
spila á móti Leeds. Steinar hélt
oftast með liðinu sem vann og var
við öllu búinn með trefla um háls-
inn frá báðum liðum. Var það góð
ákvörðun þar sem leikurinn fór
jafntefli og var hann sáttari en
flestir aðrir í hópnum með þessi
úrslit.
Við Steinar áttum margar góðar
stundir saman og vorum góðir vin-
ir. Þessar minningar eru mér dýr-
mætar nú þegar leiðir skilja um
stund.
Elsku Kata mín, börn og barna-
börn kveðja góðan eiginmann og
föður. Við hjónin, börnin okkar og
fjölskyldur sendum ykkur innileg-
ustu samúðarkveðjur og biðjum
góðan Guð að styrkja ykkur.
Jón Ingi.
Minning um Steinar Ragnarsson
þann góða dreng.
Steinar, við hittumst fyrst á heit
um sumardegi uppi á Hálsi í
Dairy Queen, þú tveimur árum
eldri en ég með próf, búinn að
kaupa flottasta bíl í bænum, átta
gata Dodge Dart með vökvastýri,
árgerð 1955. Ég farþeginn þú
King of the Road! Fórum Rúntinn
í Reykjavík á rauðum kagga með
hvítum toppi með prins og kók
pylsustopp í hverri sjoppu, uppá
Geitháls og suður í Hafnarfjörð
á fjörur við fjörugu skvísurnar þar
í Hlégarð og suðrí Stapa. Hlupum
um húsaþök í Reykjavík settum
rennur og niðurföll á átta hæða
blokkir og tvílyft hús hjá
Borgarblikki voru sjaldan borguð
laun og búskapurinn eftir því. Ég
fór norður í nám og þú í prentið,
þið sóttuð mig um vorið, veltumst
í loftköstum suður. Byggðum loft
kastala? Svo kom Stína og sonur
og dóttir. Svo kom samband við
stjörnur og Helga Pje og Nýal.
Síðan kom hún Katrín og börnin
öll stór og smá. Úr fjarlægð dáð-
umst að dirfsku ykkar og dug með
vinarhug. Allar götur eru þér nú
færar. Aktu guðsvegi. Þakka þér
allar góðar minningar af vegunum
sem við ókum saman. Það var oft
gaman!
Þinn vinur,
Hrafn Andrés.
Steinar Ragnarsson
✝ Gunnar Sigur-björn Karlsson
fæddist á Húsavík 2.
ágúst 1927. Hann
andaðist á líknar-
deild Landspítalans
í Landakoti 11. júní
síðastliðinn. For-
eldrar hans voru
Karl Emil Gunn-
arsson, skrifstofu-
maður á Húsavík, f.
22.2. 1900, d. 13.2.
1979, og kona hans,
Dagrún Jónsdóttir,
f. 17.11. 1901, d.
22.1. 1987. Systkini Gunnars eru:
Aðalbjörg Vilfríður, f. 29.8. 1925,
d. 3.3. 1998, gift Ólafi Halldórs-
syni, og Georg Jón, f. 17.9. 1937,
kvæntur Jónínu Málmfríði Sig-
tryggsdóttur.
Gunnar kvæntist hinn 3.7. 1954
Kolbrúnu Karlsdóttur, f. 19.10.
1932, d. 20.2. 1987. Börn þeirra
Gunnar Sigurbjörn nam kjötiðn
og gegndi starfi deildarstjóra
kjötiðju Kaupfélags Þingeyinga á
Húsavík í tvo áratugi eða til 1977
er þau Kolbrún fluttu til Reykja-
víkur. Þar vann Gunnar við iðn
sína, fyrst hjá Goða, síðan í Breið-
holtskjöri og síðast Hagkaupum.
Gunnar sinnti ýmsum félags-
málum meðan hann bjó á Húsavík,
var félagi í karlakórnum Þrym og
Rótarýklúbbi Húsavíkur, sat í
stjórn björgunarsveitar Slysa-
varnafélagsins á Húsavík og var
félagsforingi Skátafélags Húsa-
víkur um skeið. Hann sat einnig í
stjórn Félags íslenskra kjötiðn-
aðarmanna um árabil og var heið-
ursfélagi þess.
Gunnar tók kaþólska trú á efri
árum og var trúin honum mikill
styrkur í erfiðum veikindum.
Gunnari verður sungin sálu-
messa í Maríukirkju í Breiðholti í
dag og hefst athöfnin klukkan 13.
eru: 1) Karl Emil, f.
20.12. 1952, kvæntur
Þóru Sigríði Ingólfs-
dóttur, f. 14.6. 1966.
Þeirra börn eru
Rannveig, f. 29.3.
1999, og Kormákur,
f. 6.2. 2001; fyrir átti
Karl soninn Gunnar
Jökul, f. 26.6. 1978,
sem kvæntur er
Tinnu Jóhönnudótt-
ur, f. 9.1. 1980.
Þeirra sonur er
Darri Jökull, f. 19.10.
2004. 2) Helga, f.
30.5. 1954, gift Jóni Hermanns-
syni, f. 9.6. 1951. Þau eiga synina
Ævar, f. 12.5. 1978, og Örvar, f.
6.10. 1981. 3) Kristjana Dögg, f.
30.4. 1971, gift Haraldi Haralds-
syni, f. 28. desember 1959. Sonur
þeirra er Haraldur Daði, f. 14.10.
2001, en fyrir átti Dögg soninn Jón
Gauta Samúelsson, f. 15.6. 1994.
Elsku pabbi minn.
Ég á engin orð til að lýsa hversu
sárt það er að þú skulir vera farinn frá
okkur og að ég eigi aldrei eftir að sjá
þig aftur.
Þú hefur alltaf verið stór hluti af lífi
mínu enda höfum við búið saman frá
því að ég fæddist og alltaf verið mjög
náin.
Ég vil þakka þér fyrir hvað þú
varst mér góður faðir og drengjunum
mínum góður afi. Það er ómetanlegt
og betri föður og afa hefðum við ekki
getað fengið. Ég veit að nú ert þú á
betri stað og laus við þjáningar og erf-
ið veikindi.
Ég elska þig pabbi minn og þú
verður alltaf fyrirmyndin mín.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir)
Döggin þín.
Elsku besti afi. Ég vil þakka þér
fyrir þessi þrettán ár sem ég hef feng-
ið að búa með þér. Fyrir allt það
skemmtilega sem þú hefur gert fyrir
mig. Þú hvattir mig alltaf til þess að
gera það sem mig langaði til og kennd-
ir mér mikilvægi guðstrúar, sem þú
sóttir styrk þinn í. Þú varst aldrei í
vondu skapi og varst alltaf í góðu skapi
og brosandi. Þakka þér fyrir alla
föstudagana sem ég fékk að gista hjá
þér og fá ís. Þú barðist við krabbamein
fyrir tuttugu og einu ári og svo aftur
seinustu árin þín. Þú kvartaðir aldrei
og barðist eins og hetja. Þú ert hetjan
okkar allra. Það er bara tæpt ár í
ferminguna mína sem þú hlakkaðir
svo til að sjá og fimm dagar í afmælið
mitt. Þú varst heiðarlegur og besti afi
sem til hefur verið. Ég get ekki lýst
með orðum hvað ég elska þig mikið og
ég sakna þín mjög mikið.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Þinn afastrákur
Jón Gauti.
Elsku afi minn.
Mér fannst svo gaman að koma í
heimsókn til þín á neðri hæðina. Þú
gafst mér alltaf ís eða sleikjó eða kúlur
eða bara eitthvað sem mér fannst gott.
Ég vildi óska þess að þú ættir ennþá
heima hjá okkur því ég sakna þín svo
mikið. Ég elska þig alveg út af lífinu.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Þinn
Haraldur Daði.
Gunnar Sigurbjörn Karlsson
✝
Hjartans þakkir til allra þeirra sem sýndu okkur
samúð og hlýhug við andlát og útför eiginmanns,
föður, tengdaföður, afa og langafa,
EINARS SIGURVINSSONAR
flugvélstjóra,
Vogatungu 65,
Kópavogi.
Sérstakar þakkir og kveðjur fá læknar og
hjúkrunarfólk deildar 14G LHS fyrir veittan
stuðning.
Sigrún Jóna Lárusdóttir,
Lárus Einarsson, Sólveig Þórhallsdóttir,
Sigurvin Einarsson, Kristín Reimarsdóttir,
Magnús Geir Einarsson, Friðbjörg Einarsdóttir,
Kristján Einar Einarsson,
Auður Einarsdóttir, Gunnar Þór Grétarsson,
Arnar Einarsson,
barnabörn og langafabarn.
✝
HRAFNKELL THORLACIUS
arkitekt,
lést á heimili sínu að morgni sunnudagsins 17. júní.
Útförin fer fram í kyrrþey en minningarathöfn
verður haldin í Dómkirkjunni, þriðjudaginn 26. júní
klukkan 15.00.
Vinsamlega látið Heimahlynningu Krabbameins-
félagsins njóta minningargjafa. Sími 540 1990.
Kristín Bjarnadóttir, Áslaug Thorlacius
Halla Thorlacius, Sveinbjörn Þórkelsson
Ragnhildur Thorlacius, Björn Ægir Hjörleifsson
Steinunn Thorlacius, Guðjón Ingi Eggertsson,
Gunnlaug Thorlacius, Sigurjón Halldórsson,
Eggert Thorlacius, Stefanía Guðmundsdóttir,
Hrafnkell, Anna, Kristín Lilja, Þórunn Edda,
Vilhjálmur Atli og Halldór Hrafnkell.
Minningarkort
535 1825
www.hjarta.is 5351800
✝
Elskulegur maðurinn minn, faðir okkar, stjúpfaðir,
tengdafaðir og afi,
JÓN P. ANDRÉSSON,
Klapparstíg 1a,
Reykjavík,
andaðist á Vífilstöðum 15. júni.
Jarðarförin auglýst síðar.
Sveinsína Ásdís Jónsdóttir,
Kristrún Ólöf Jónsdóttir,
Valgerður Jónsdóttir, Jónas Lúðvíksson,
Bryndís Jónsdóttir, Guðjón Einarsson,
Ólafur H. Jónsson, Guðrún Árnadóttir,
Jón Pétur Jónsson, Jónína Rútsdóttir,
Olga Björk Ómarsdóttir,
Sigurður Ingimar Ómarsson, Berglind Gísladóttir
og afabörn.