Morgunblaðið - 19.06.2007, Blaðsíða 23

úr bæjarlífinu
MORGUNBLAÐIÐ ÞRIÐJUDAGUR 19. JÚNÍ 2007 23
Við höfum opnað í Leifsstöð nýjan og glæsilegan bar,
Panorama Bar, með útsýni yfir flugbrautirnar.
Byrjaðu ferðina með ljúfri hressingu í fallegu umhverfi.
Góða ferð!
ÞÆGILEG STUND
FYRIR FLUGTAK
Ég átti leið norður í land um helgina til að fagna
útskriftarafmæli frá Menntaskólanum á Ak-
ureyri. Það er merkilegur og góður siður sem
nemendur skólans hafa staðið fast við að við-
halda og er það ekki síst því að þakka að skólinn
stendur enn við þá gömlu hefð að útskrifa nem-
endur á 17. júní. Það er frábært að hitta gamla
vini og skólafélaga á fimm ára fresti og finna að
alltaf styrkjast vináttuböndin með árunum.
Umferðarmenningin vakti sérstaka athygli
mína í þessu ferðalagi. Í fyrsta lagi hversu miklu
meiri umferðarþungi er á Suðurlandsvegi en
vegunum norður og vestur um. Þrátt fyrir að
mikið væri um að vera fyrir norðan þessa helgi
komst umferðin ekki í hálfkvisti við það sem hún
er á Hellisheiðinni og enginn vafi er á þörfinni
fyrir að fjölga akgreinum á þeirri leið.
  
Fræðslunet Suðurlands sér um miðlun há-
skólakennslu á Suðurlandi og kveður nemendur
með athöfn á þjóðhátíðardaginn. Að þessu sinni
útskrifuðust 20 kandidatar frá Háskólanum á
Akureyri sem hafa notið þjónustu Fræðslunets-
ins. Allt voru þetta konur og af því að í dag er
kvenréttindadagurinn er sérstök ástæða til að
vekja athygli á að konur eru komnar í drjúgan
meirihluta þeirra sem ljúka háskólaprófi. Í þess-
um fríða kvennahópi voru konur á öllum aldri,
allstaðar af Suðurlandi. Ein þeirra er Svava
Helgadóttir sex barna móðir úr Austur-
Landeyjum. Var hún að ljúka kennaraprófi en
lauk á síðasta ári leikskólakennaraprófi og er því
komin með tvöfalt háskólapróf. Þessar konur
eiga það sameiginlegt að hafa með miklum
dugnaði lokið háskólaprófi og nýtt sér það að fá
tækifæri til að stunda háskólanám án þess að
þurfa að flytja búferlum í annað byggðarlag. Er
full ástæða til að óska þeim til hamingju með ár-
angurinn.Við þetta sama tilefni var undirrituð
viljayfirlýsing um samstarfsamning Árborgar
og Heilbrigðisstofnunar Suðurlands um að
Fræðslunetið sjái um endurmenntun starfs-
manna þeirra og verður það mikilvægur liður í
að styðja og styrkja starfsemi Fræðslunetsins.
Samningurinn tekur gildi um næstu áramót. Jón
Hjartarson fyrsti starfsmaður Fræðslunetsins
og einn aðal hvatamaður að stofnun þess var
kvaddur við þetta tilefni en hann lét af störfum
1. júní sl.
  
Rangárþing eystra hefur nú tekið í notkun nýja
heimasíðu sem er mun aðgengilegri en sú
gamla. Vonandi er að henni fylgi meiri frétta-
flutningur af málefnum sveitarfélagsins því
krafa íbúanna um fréttaflutining eykst í sífellu
og sveitarfélög sem ekki fylgjast með tímanum í
þessum efnum vekja óhjákvæmilega síður at-
hygli en hin sem standa sig.
  
Það hefur vakið athygli að Sögusetrið á Hvols-
velli og menningarmálanefnd Rangárþings
eystra hefur staðið fyrir fjölmörgum menning-
arviðburðum í setrinu nú í sumar. Haldnar hafa
verið ráðstefnur og sýningar af ýmsu tagi, í vik-
unni var einmitt boðið uppá sýningu á La Trav-
iata og sýningin á Njáluslóð hefur gengið í gegn-
um endurnýjun lífdaga. Flesta sunnudaga í
sumar verður síðan boðið upp á Njálufyrirlestra.
Það sannast að það þarf ekki nema örfáa dug-
lega einstaklinga til að standa fyrir því að efla
menningarlífið á stöðum eins og Hvolsvelli og
held ég að á engan sé hallað ef Katrín Ósk-
arsdóttir í Miðtúni er nefnd þar fremst í flokki.
HVOLSVÖLLUR
Steinunn Ósk Kolbeinsdóttir fréttaritari
Auðunn Bragi Sveinsson sendirkveðju til Vísnahornsins með
nokkrum stökum. Þegar Steinunn
Valdís Óskarsdóttir lýsti því yfir að
hún hygðist hætta í borgarstjórn
Reykjavíkur þar sem hún hefði
verið kjörin á Alþingi, en það teldi
hún fullt starf, orti hann:
Steinunn Valdís veg sinn fór,
víst ég hana kenni.
Enginn veit hvort Árni Þór
ætlar að fylgja henni.
Auðunn Bragi rifjar upp að Elías
Mar hafi sagt í viðtali í þættinum
„Maður er nefndur“ að hann hefði
ekkert skrifað um sveitalíf, en
aðallega um Reykjavík, því hann
hefði alið þar manninn lengst af:
Um höfuðstaðinn helst ánn reit;
hérna gerði slaga,
enda var hann ekki í sveit
ævi sinnar daga.
Auðunn Bragi segir að sumir
taki, er aldurinn færist yfir, að
huga að því, frá hvaða kirkju þeir
skuli kvaddir:
Þegar minnst skal minna virkja,
og maklegt er,
held ég minna en Hallgrímskirkja
hæfi mér.
Og þættinum barst önnur
kveðja:
„Sæll.
Í Vísnahorninu í Morgunblaðinu
í dag endar þú greinina þannig og
hefur það eftir Ragnari Árnasyni:
„… Þá er og kunnugt að
Suðurnesjamenn og Sunnlendingar
hafi um skeið (og e.t.v. enn) talað
um að fara „suður“, þegar þeir
fóru til Reykjavíkur.“
Þetta tel ég ekki rétt. Ég hef
verið Suðurnesjamaður, eða lengst
af Keflvíkingur, í ríflega 76 ár, en
fyrstu 6 ár ævi minnar var ég
Reykvíkingur, en ættaður að hluta
til af Suðurnesjum. Á þessum 82
árum hef ég aldrei heyrt talað um
að fara suður til Reykjavíkur,
heldur inn eftir eða inn í
Reykjavík, en flestir aðrir
landsmenn utan
stór-Reykjavíkursvæðisins fóru
suður til Reykjavíkur, meira að
segja Vestmannaeyingar. Aftur á
móti förum við suður í eða, eins og
venjulega er sagt, suð’rí Keflavík
frá Reykjavík, séum við stödd þar
– og það gera Reykvíkingar
raunar líka.
Með góðri kveðju,
Björn Stefánsson.“
VÍSNAHORNIÐ
Hvenær
fara menn
suður?
pebl@mbl.is
Fréttir á SMS