Morgunblaðið - 03.11.2007, Síða 26

|laugardagur|3. 11. 2007| mbl.is
daglegtlíf
Fimmtíu ár eru frá andláti goð-
sagnakennda tískukóngsins
Christian Dior sem fann upp
stundaglasakonuna. » 30
Glamúr og glys
Fjallasýn og fögur hönnun heill-
aði unga parið sem flutti nýlega
inn í einbýlishús í Jónsgeisla í
Grafarholti. » 28
Mói og pláss
Já, ég kalla þá kuldakjóla,“segir GAGA Skorrdal sposká svipinn. ,,Mér finnst þaðbara nafn við hæfi á svona
hlýjum og notalegum kjólum. Ég
vinn að mestu leyti með íslensku
ullina sem ég kaupi prjónaða á
ströngum og út frá efninu fæ ég
svo oft hugmyndir og sauma í takt
við þær. Áður prjónaði ég allar flík-
ur sjálf en það hefur farið ansi illa
með axlirnar svo mér datt í hug að
breyta til og fara að sauma frekar
flíkur úr prjónaðri ullinni. Ég held
þó samt áfram að handprjóna húf-
urnar mínar sjálf en það er hluti af
því að viðhalda húmornum og per-
sónuleikanum í þeim.“
Sennilega eru þeir ekki margir
hönnuðirnir í dag sem sérhanna
hvern hlut og vinna hann frá
grunni. „Meginreglan virðist vera
orðin sú að flíkur eru hannaðar hér
heima og síðan sendar í fjöldafram-
leiðslu erlendis,“ segir GAGA.
„Kúnnahópurinn minn, sem fer
stækkandi og er að hluta í útlönd-
um, vill fá fréttir af því nýjasta sem
ég er að fást við hverju sinni. Mér
finnst hins vegar mjög mikilvægt
að styðja við íslenskan iðnað og
halda alla vega stórum hluta hans
innanlands.“
GAGA hefur prjónað frá unga
aldri. „Upphafið af fatahönnuninni
má rekja til þess þegar ég var barn
og hannaði föt á dúkkulísurnar
mínar. Til þess notaði ég pappír og
ýmsar tuskur. Og hugmyndaflugið!
Það var nú ekki mikið úrval af leik-
föngum á þessum tíma. Ég lék með
dúkkulísurnar, barna-bollastellið og
notaði vindlakassa undir þykj-
ustupeninga í búðarleikjum.
Móðuramma mín, Anna O. Sig-
urðardóttir, var kjólameistari og
rak stórt verkstæði í Hafnarfirði
svo ég hef kannski ekki langt að
sækja hönnunarhæfileikana enda
lærði ég afar mikið hjá henni
ömmu. Það var ómetanlegt að
hanga í pilsfaldinum hennar.“
Húfuskúlptúr
,,Það er gaman að segja frá því
að kona nokkur, sem hafði safnað
húfum sem ég geri, lét sérsmíða
statív sem hún hafði í forstofunni til
að hengja húfurnar á. Þetta varð
því eins og myndlistarverk eða
jafnvel skúlptúr. Svona geta flíkur
orðið að hálfgerðum söfnunar-
gripum.“
Hún segir að fólk kunni greini-
lega að meta einstakan hand-
verknað. „Ég er komin með tals-
vert af fastakúnnum. Það er líka
mjög skemmtilegt umhverfi fyrir
fatahönnun hér í StartArt; að vera
innan um alls kyns listmuni. Föt og
önnur list er hér í góðri sambúð þar
sem hver listgrein styður við aðra.
Ég var áður með hönnun mína í
litlu búðinni hérna á Laugaveginum
sem margir þekktu áður undir
nafninu Meyjarskemman. Þetta var
pínulítið pláss og ég fékk augastað
á húsinu við hliðina eða Laugavegi
12b. Ég var ekkert að tvínóna neitt
heldur stakk upp á við Önnu systur
Eyjólfsdóttur myndhöggvara að við
myndum slá til og opna stórt gallerí
í því húsnæði. Henni leist strax
ljómandi vel á það og fyrr en varði
vorum við orðnar sjö listakonurnar
sem lögðum saman krafta okkar og
stofnuðum Startart.“
Heimili í helli á hálendinu
Að sögn GAGA er hver flík ein-
stök, „rétt eins og í myndlistinni, og
hönnunin tengist mest mínum
stærstu áhugamálum eins og nátt-
úrunni, íslenska landslaginu og síð-
ast en ekki síst hálendinu. Á þeim
slóðum líður mér best og ég segi
stundum að helst vildi ég búa í helli
á hálendinu en mér líður alltaf best
á fjöllum og inni í dölum. Kannski
var ég bara Halla í fyrra lífi og oft
hef ég velt því fyrir mér hvar Ey-
vindur sé niðurkominn.
Ég er því heilluð af jarðlitum en
er samt frekar upptekin af rauðum
lit í dag, einhverra hluta vegna, og
reyndar einnig ljósum litum. Mér
finnst rauði liturinn vera svo mikið
í kringum mig núna …“ segir hönn-
uðurinn hugsandi.
Blaðamaður veitir því einmitt eft-
irtekt að GAGA er í rauðri úlpu,
með rauða leðurhanska, rauða gler-
augnaumgjörð og rautt hár. Og
rauðan varalit.
Er þetta uppáhaldsliturinn þinn?
,,Já, í augnablikinu er hann það,
greinilega! Kannski er ég bara
svona ástfangin, af lífinu,“ segir
listakonan og það er ekki laust við
að smávegis af umræddum lit fær-
ist í vanga hennar.
Morgunblaðið/Golli
Hönnuðurinn GAGA Skorrdal vildi helst búa í helli á hálendinu og líður best á fjöllum og inni í dölum.
Hlýtt Kápurnar hafa vakið lukku líkt og kuldakjólarnir.
Húmor Húfurnar halda hita á heilanum yfir veturinn.
Litríkt GAGA fær hugmyndir út frá prjónaströngunum.
Dúkkulísur
fyrstu kúnnarnir
Margar af sprellfjörugum hugmyndum hönnuðarins
GAGA Skorrdal eru sprottnar úr náttúrunni. Nú hann-
ar hún kjóla úr prjónaðri ull sem hún kýs að kalla „kul-
dakjóla“ en það er nokkuð sem Hrund Hauksdóttur
fannst spennandi að kynna sér í vetrarkuldanum.
,,Kannski var ég bara
Halla í fyrra lífi og oft
hef ég velt því fyrir mér
hvar Eyvindur sé nið-
urkominn.“
www.gaga.is