Morgunblaðið - 04.11.2007, Side 2

2 SUNNUDAGUR 4. NÓVEMBER 2007 MORGUNBLAÐIÐ
FRÉTTIR
fyrir alla sem hafa
verið í fyrsta bekk
– eða ætla einhvern
tímann að fara í
fyrsta bekk!
Brádskemmtileg
bók
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
Eftir Andra Karl
andri@mbl.is
Á UNDANFÖRNUM árum hefur
tilkynningum til barnaverndar-
nefnda fjölgað um u.þ.b. 50%. Á sama
tíma hefur starfsmönnum hvorki
fjölgað né fjármagn aukist og veldur
þessi þróun forstjóra Barnaverndar-
stofu áhyggjum. Tilkynningum
fyrstu sex mánuði ársins fjölgaði um
tæp 32% miðað við sama tíma í fyrra.
Nokkrar ástæður eru fyrir svo
mikilli fjölgun tilkynninga, að sögn
Braga Guðbrandsonar forstjóra
Barnaverndarstofu. Fyrst og fremst
koma þar til nýjar starfsvenjur
lögreglu en á undanförnum árum
hefur lögregla sent mun fleiri mál til
meðferðar hjá barnaverndar-
yfirvöldum en áður þekktist. „En það
er ekki eina skýringin. Einnig er
hægt að segja að samfélagsvitund í
barnavernd hafi batnað,“ segir Bragi.
„Menn átta sig á því að þetta er ekki
refsikerfi og í tilkynningum felst ekki
ávirðing. Menn eru farnir að skynja
barnaverndarkerfið öðruvísi; sem
hjálpar- og þjónustukerfi.“
Með fleiri tilkynningum fjölgar
verkefnum barnaverndarnefnda og
hefur álag á nefndirnar aukist jafnt
og þétt á umliðnum árum. Bragi segir
það nokkuð sem hann reyni að vekja
athygli á. „Þessi þróun veldur manni
áhyggjum, því eðli máls samkvæmt
felur hún í sér fleiri mál á hvern
starfsmann og þá er alltaf sú hætta
fyrir hendi að mönnum yfirsjáist al-
varlegri mál.“
Bragi bendir á að þrátt fyrir að
aukningin sé mest í svonefndum auð-
veldari málum er auðséð að minni
tími gefst í alvarlegri mál. „Við höf-
um því hvatt til þess að sveitarfélögin
fari yfir stöðuna hjá sér, með tilliti til
fjölgunar mála og starfsmannahalds
á þessum vettvangi.“
Meira um vanrækslu?
Á fyrstu sex mánuðum ársins voru
tilkynningar til barnaverndarnefnda
4.383 en á sama tíma í fyrra voru þær
3.321 og segir Bragi að aukninguna
megi einkum skýra með fjölda lög-
regluskýrslna. Af þeim tilkynningum
sem bárust fyrstu sex mánuðina í ár
voru 2.568 frá lögreglu en í fyrra voru
þær 1.813.
Ástæður tilkynninga eru jafnan
mismunandi og á fyrstu sex mánuð-
um ársins bárust flestar tilkynning-
ar, eða 1.125, vegna vanrækslu varð-
andi umsjón og eftirlit. Hefur nokkur
aukning orðið í þessum málaflokki en
á sama tíma í fyrra bárust 784 til-
kynningar.
Einnig kemur fram í gögnum
Barnaverndarstofu að tilkynningum
vegna barna sem beita ofbeldi hafi
fjölgað um 664 milli ára, en Bragi
segir þar ekki um stökkbreytingu á
hegðun barna að ræða, fremur breyt-
ingu í flokkunarkerfi.
Áhyggjur af auknu álagi
á barnaverndaryfirvöld
   
 



 
 



!!"
 



#!$!
 
 


 

 




 



     


  


!  MIKILL viðbúnaður var hjá
slökkviliði höfuðborgarsvæðisins
eftir að tilkynnt var um eld í kjall-
ara nýbyggingar í Mörkinni í
Reykjavík aðfaranótt laugardags.
Um er að ræða húsnæði í bygg-
ingu fyrir eldri borgara.
Þrír dælubílar voru sendir á
vettvang og kom fljótlega í ljós að
eldurinn var staðbundinn en
kviknað hafði í stórri rafmagns-
töflu í kjallaranum. Samkvæmt
upplýsingum frá slökkviliðinu
voru tveir reykkafarar sendir til
að slökkva eldinn og gekk það
greiðlega enda enginn eldsmatur í
grennd við töfluna.
Mikinn reyk lagði frá eldinum
og megn lykt lá yfir Mörkinni
fram eftir nóttu.
Eldur
kviknaði í
Mörkinni
Morgunblaðið/Júlíus
LÖGREGLAN á Selfossi handtók
sex manns í tengslum við húsleit
sem gerð var aðfaranótt laugar-
dags. Um er að ræða ungmenni af
báðum kynjum, flest í kringum tví-
tugt. Þau voru yfirheyrð í gærdag.
Að sögn lögreglu vaknaði grunur
um að fíkniefni væru höfð um hönd
í samkvæmi fólksins og réðst hún
því til atlögu. Í húsinu fundust ætl-
uð fíkniefni, m.a. amfetamín, en
enginn vildi kannast við að eiga
efnin. Voru samkvæmisgestir því
handteknir og látnir sofa úr sér í
fangaklefa. Þegar Morgunblaðið
fór í prentun voru yfirheyrslur
ekki hafnar.
Önnur húsleit var gerð í um-
dæmi lögreglunnar á Selfossi sömu
nótt og fundust jafnframt ætluð
fíkniefni þar. Einn maður gekkst
við að eiga efnin og var tekin af
honum skýrsla en hann var ekki
handtekinn – enda fangageymslur
lögreglunnar fullar vegna fyrra
málsins.
Þá komu upp hópslagsmál á
skemmtistað rétt utan við bæinn.
Þau leystust upp og ekki er vitað
um meiðsli fólks. Eitt líkamsárás-
armál kom upp á sama stað og var
maður laminn með glasi eða flösku.
Hann hefur ekki kært árásina.
Sex tekin
höndum
ÁTTA meðlimum norrænu bifhjóla-
samtakanna Vítisengla (e. Hell’s
Angels) var í gærmorgun vísað úr
landi. Með þeim í för voru eiginkon-
ur tveggja meðlima. Fólkinu var
haldið í Flugstöð Leifs Eiríkssonar
yfir nótt og stóð lögregla vakt yfir
því. Í morgunsárið var fólkinu svo
fylgt úr landi og fyrir hvern meðlim
fóru tveir lögreglumenn. Sjö mann-
anna fóru til Óslóar og einn til Kaup-
mannahafnar.
Mikill viðbúnaður er enn í flug-
stöðinni þótt ekki sé staðfest að fleiri
meðlimir samtakanna komi til lands-
ins í dag. Verði svo munu þeir fá
sömu meðferð og hinir, þ.e. verða
vísað úr landi og skiptir engu hvort
sakaskrá þeirra er hrein eður ei.
Meðlimir Vítisengla eru í vina-
tengslum við bifhjólasamtökin Fáfni
sem starfa hér á landi. Þau eru með
alræmdustu bifhjólasamtökum
heims, og eru meðlimir þeirra marg-
ir hverjir dæmdir glæpamenn.
Vítisenglar
sendir heim
Eftir Silju Björk Huldudóttur
silja@mbl.is
„HEILBRIGÐISKERFIÐ þarf að
auka sjálfstæði notenda þess með því
að treysta á ábyrgð þeirra fyrir eigin
heilsu. Slíkt traust endurspeglar
sanna þjónustu og virðingu fyrir fólki,
auk þess sem slíkt traust færir not-
endum vald sem virkar batahvetj-
andi.“
Þetta sagði Guðlaugur Þór Þórð-
arson, heilbrigðisráðherra, í ræðu
sem hann flutti á ráðstefnu Samtak-
anna 78 um lýðheilsu í gær.
Ráðherra sagðist líta á forvarnir og
heilsueflingu sem tvær hliðar á sama
peningi. Sagðist hann kjósa að nota
hugtakið heilsuefling yfir hvort
tveggja þar sem það væri jákvæðara
og endurspeglaði betur þá vinnu í
stefnumótun í heilsueflingu sem hann
hefði hrundið af stað í heilbrigðis-
ráðuneytinu, en
þá vinnu leiða
Inga Dóra Sigfús-
dóttir og Héðinn
Unnsteinsson.
„Færa þarf
áhersluna í aukn-
um mæli yfir á
umræðu um heil-
brigði og þá þætti
sem stuðla að því,
í stað þess að
horfa fyrst til afleiðinga vanheilsu,“
sagði Guðlaugur Þór meðal annars.
Á ráðstefnunni kynnti Guðlaugur
Þór niðurstöður nýrrar rannsóknar
frá Rannsóknum & greiningu þar
sem könnuð var líkamleg og andleg
heilsa 10 þúsund íslenskra framhalds-
skólanema. Sagði ráðherra niðurstöð-
urnar gefa til kynna að huga þyrfti
sérstaklega að samkynhneigðum þeg-
ar kæmi að lýðheilsumálum.
Heilsustefna í stað forvarna
 Huga þarf sérstaklega að lýðheilsumálum samkynhneigðra
 Efla þarf sjálfstæði notenda innan heilbrigðiskerfisins
Guðlaugur Þór
Þórðarson
Í HNOTSKURN
»Þegar spurt var um lík-amlega heilsu svöruðu 76,2%
gagnkynhneigðra að hún væri
góð eða mjög góð, en 64,3%
samkynhneigðra töldu svo vera.
»Þegar spurt var um andlegaheilsu svöruðu 79,1% gagn-
kynhneigðra að hún væri góð
eða mjög góð, en aðeins 63,3%
samkynhneigðra sögðu svo
vera.
»Þegar spurt var hversu oftá sl. 12 mánuðum ungmenn-
in hefðu leitað til geðlæknis eða
sálfræðings sögðust tvöfalt
fleiri samkynhneigðir hafa leit-
að sér aðstoðar en gagnkyn-
hneigðir. Alls 29,6% meðal sam-
kynhneigðra en 14,6% meðal
gagnkynhneigðra.