Morgunblaðið - 04.11.2007, Side 61

og Fríðu lá sterkur strengur sem
aldrei slitnaði, ofinn á björtum
bernskuárum. Það reyndi oft á hann
þau ár sem nú fóru í hönd. Við fráfall
Kaju missti Sammi kjölfestuna í lífi
sínu. Allt varð erfiðara fyrir við-
kvæma sál, og sem fyrr slógu hjörtu
þeirra Nolla sjaldan í takt. Sammi
vildi svo gjarnan gera pabba til geðs
en tókst það einhvern veginn aldrei
sem skyldi. Það skildi eftir sár sem
seint vildu gróa. Þá verður lífið erfitt
og menn leita huggunar þar sem síst
skyldi. Og enn varð óhamingjunni
allt að vopni. Tíu árum eftir dauða
Kaju var Nolli einnig liðið lík. Eftir
það varð engu breytt, ekkert lag-
fært, engum gert til geðs. Það var
líka erfitt.
Mannkostir Samma, dugnaður og
ljúfmennska nutu sín á góðu tímabil-
unum í lífi hans. En veginum hallaði,
fótfestan var léleg, skriðið of mikið.
Að lokum varð engu breytt. Þessi
yndislegi frændi minn valdi sér leið
sem enginn gat fylgt honum á. Fríða
og Þórir stóðu með honum meðan
stætt var, studdu hann og elskuðu,
vonuðu og báðu meðan einhver von
var, og til þeirra ásamt Fríðu ömmu
leitaði hann þegar élin voru sem
dimmust og eins þegar upp stytti.
Nú er hann horfinn á braut til ei-
lífðarlandsins. Vonandi er gæfunni
ekki jafnmisskipt þar og á okkar
tilverusviði. Ég vil trúa því að Kaja
frænka mín hafi tekið drenginn sinn
í faðm sér og að Nolli elski hann nú á
hans eigin forsendum. Því hann
Sammi frændi minn var góður
drengur. Ég ætla að minnast hans
bjarts og brosandi með brúnu augun
sín á vori lífsins.
Guðfinna Ragnarsdóttir.
Það var þriðjudagsmorguninn 11.
september að ég fékk hringingu og
mér var tjáð að Sammi vinur minn
hefði látist í bílslysi. Slysið átti sér
stað nærri heimili hans í Danmörku,
þar sem hann hafði verið búsettur
síðustu 11 árin. Fréttin um lát
Samma tók verulega á mig og minn-
ingarnar streymdu fram í hugann,
um allt sem við brölluðum saman frá
því við kynntumst í kringum ferm-
ingu. En eftir stendur að horfinn er á
braut einn minn albesti vinur. Á milli
okkar ríkti alltaf gagnkvæmt traust
og aldrei varð okkur sundurorða.
Það er með söknuði að ég kveð þig,
kæri vinur.
Guð blessi þig og varðveiti.
Björn Sæbjörnsson.
Kveðja frá Danmörku
Hér í Danmörku hafði vinátta
Samúels mikla þýðingu fyrir mig og
fjölskyldu mína. Það var mikið ör-
yggi fyrir okkur að hafa hann á
sveitabænum okkar og hann var allt-
af boðinn og búinn að rétta okkur
hjálparhönd þegar þurfti.
Á jólum, páskum og afmælum var
Samúel alltaf með okkur og við
glöddumst yfir samverunni við hann.
Hann var sérstaklega góður syni
mínum Jesper en hann hefur talað
mikið um Samúel frá því að hann dó.
Nú þegar veturinn og myrkrið
leggst yfir söknum við Samúels mik-
ið og viljum að fjölskylda hans á Ís-
landi viti hvað hann var okkur kær.
Ég sendi mínar hlýjustu kveðjur
til fjölskyldu Samúels.
Takk fyrir allt, Samúel.
Þinn vinur
Helge.
MORGUNBLAÐIÐ SUNNUDAGUR 4. NÓVEMBER 2007 61
✝ Systir AnnePauline (skírn-
arnafn: Magdalena
Schnase) fæddist í
Flötenstein, þorpi í
Vestur-Prússlandi
17. febrúar 1911.
Hún lést á heimili
St. Jósefssystra,
Strandvejen 91 í
Kaupmannahöfn,
24. okt. síðastlið-
inn. Foreldrar
hennar voru hjón-
in: María Schnase,
fædd Selke og Jo-
hann Schnase. Hún átti níu
systkini, sem öll eru látin. Með-
al þeirra var systir Lioba, sem
um árabil var príorinna við St.
Jósefsspítalann og skólastjóri
barnaskóla St. Jósefssystra í
Hafnarfirði.
Systir Anna gekk í St. Jós-
efsregluna 17 ára
að aldri. Lauk
hjúkrunarnámi við
St. Jósefsspítalann
í Kaupmannahöfn
1934, og starfaði á
honum fram á árið
1935. Síðan á spít-
ala systranna í
Randers til 1936,
en kom þá til Ís-
lands. Starfaði við
hjúkrun á Landa-
kotsspítala til 1979
eða í 43 ár. Eftir
starfslok dvaldist
systir Anna á heimili St. Jós-
efssystra við Holtsbúð í Garða-
bæ uns hún fluttist til Danmerk-
ur á miðju ári 1998.
Systur Anne Pauline var
sungin sálumessa í Immaculata-
kirkju í Kaupmannahöfn þriðju-
daginn 30. október.
Aldrei verður fullþakkað hið
merka framtak og frumkvæði St.
Jósefssystra í heilbrigðismálum
þjóðarinnar. Með byggingu fyrsta
almenningssjúkrahússins, Landa-
kotsspítala, árið 1902 og St. Jós-
efsspítalans í Hafnarfirði 1926
bætti St. Jósefsreglan úr brýnni
þörf fyrir sjúkrahús og aðstöðu
hér á landi til hjúkrunar. Hvatinn
að þessu stórátaki var viljinn til að
veita hinum sjúku kærleiksríka
þjónustu með kristinn anda að
leiðarljósi.
Á þetta er minnt, þegar nú er
látin 96 ára að aldri systir Anna,
sem hvað lengstan starfsferil átti
við hjúkrun á Landakotsspítala,
eða í 43 ár, lengst sem deildar-
hjúkrunarkona. En margir sjúk-
lingar og aðrir eiga góðar minn-
ingar um systur Önnu, sem með
nærgætni, góðvild og hlýju lagði
sig fram með óeigingjörnu starfi
við að sinna þeim sjúku. Hún lifði
fyrir það að líkna öðrum.
Vinnudagur systranna var lang-
ur og strangur. Eftir bænastund
snemma morguns hófu þær störfin
á spítalanum fyrir kl. 7 og unnu
yfirleitt til kl. 8 á kvöldin. Og hver
systir hafði oftast störf sem marg-
ir sinna í dag, enda mikil hagsýni í
öllum rekstri spítalans.
Ég átti því láni að fagna að
kynnast vel systur Önnu og henn-
ar miklu mannkostum, en hún var
móðursystir eiginkonu minnar.
Varð á milli okkar einlæg og
traust vinátta. Öll bréfin frá henni
eftir að hún fluttist til Kaup-
mannahafnar á heimili St. Jósefs-
systra í júlí 1998 eru mér dýr-
mætur sjóður. En allt fram á þetta
ár skrifaði hún bréfin sín með eig-
in rithönd.
Systir Anna var aðeins 17 ára er
hún gekk í St. Jósefsregluna, og
kvað það hafa verið sína mestu
lífsins gæfu. Og af trúmennsku
fylgdi hún alla tíð því hlutskipti að
helga líf sitt þeirri köllun að lifa
fyrir Guð og sýna í verki fátækt og
hljóðláta undirgefni í kærleiksríkri
þjónustu við náungann.
Systir Anna var mjög þakklát
fyrir árin hér á landi eins og fram
kemur í eftirfarandi þakkarorðum
hennar í Morgunblaðinu eftir 90
ára afmæli hennar: „Það er mér
mikil gleði að hafa mátt sinna
sjúklingum á Íslandi í rúma fjóra
áratugi og eignast vináttu margra
Íslendinga og fengið að njóta í 63
ár fegurðar landsins. Mun ég ætíð
í bænum mínum minnast ykkar,
kæru vinir, með þakklátum hug“.
Með bæn og einlægri þökk fyrir
vináttu og göfug líknarstörf er
systir Anna kvödd.
Guð blessi minningu hennar.
Árni Gunnlaugsson.
Systir Anne Pauline
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri
S. 892 8947 / 565 6511
✝
Okkar innilegustu þakkir til allra þeirra er auðsýndu
okkur samúð og hlýju við andlát og útför elsku-
legrar eiginkonu minnar, móður okkar, tengda-
móður, ömmu og langömmu,
GÍSLÍNU TORFADÓTTUR,
Silfurtúni 14B,
Garði.
Sérstakar þakkir færum við læknum og hjúkrunar-
fólki á Landspítalanum við Hringbraut fyrir góða
umönnun og hlýju.
Ágúst F. Friðgeirsson,
Torfi Gunnþórsson, Fjóla Svavarsdóttir,
Guðmundur Guðmundsson,
barnabörn og barnabarnabörn.
✝
Innilegar þakkir til allra sem sýndu okkur samúð og
hlýhug vegna andláts og útfarar elskulegs bróður
okkar, mágs og frænda,
KARLS ÚLFARSSONAR
frá Seyðisfirði,
Grandavegi 47,
Reykjavík.
Guðrún Eva Úlfarsdóttir,
Ágústa Ú. Edwald, Jón O. Edwald,
Steindór Úlfarsson, Sigríður Jóna Jónsdóttir,
Margrét A. Úlfarsdóttir, Guðbjartur I. Gunnarsson,
Emelía D. Petersen, Vagner Petersen
og frændsystkini.
✝
Innilegar þakkir til allra þeirra sem sýndu okkur
samúð og hlýhug við andlát og útför elskulegs
eiginmanns míns, föður, tengdaföður, afa og lang-
afa,
PÉTURS ÞORGRÍMS KRISTJÁNSSONAR.
Gunnur Samúelsdóttir,
Pétur Pétursson, Sigríður Lovísa Sigurðardóttir,
Ragnar Örn Pétursson, Sigríður Sigurðardóttir,
Ólafur Bjarni Pétursson, Lára Ólafsdóttir,
Gunnar Pétursson, Ragnheiður Regína Hansen,
Samúel Bjarki Pétursson, Júlía Rós Júlíusdóttir,
barnabörn og barnabarnabörn.
✝
Innilegar þakkir til allra þeirra fjölmörgu sem sýndu
okkur samúð og hlýhug við andlát og útför ástkærs
eiginmanns míns, föður, tengdaföður, afa og
langafa,
KRISTINS R. SIGURJÓNSSONAR,
Ásbraut 7,
Kópavogi.
Ragna Halldórsdóttir,
Steinunn Kaldal Kristinsdóttir, Reidar J. Kolsöe,
Halldór Kristinsson,
Fríða S. Kristinsdóttir, Vilhjálmur H. Vilhjálmsson,
Guðbjörg K. Kristinsdóttir, Ingólfur Ragnar Ingólfsson,
Kristinn R. Sigurbergsson, Helga Guðrún Jónasdóttir,
barnabörn og barnabarnabörn.
✝
Hugheilar þakkir færum við öllum þeim sem
auðsýnt hafa samúð og hlýhug við andlát og
útför okkar ástkæru
LILJU GUÐRÚNAR HANNESDÓTTUR,
Skúlagötu 20,
Reykjavík.
Sérstakar þakkir til starfsfólks líknardeildar
Landspítala, Landakoti.
Systkin, fóstursystkin
og aðrir vandamenn.
✝
Við þökkum af alhug hlýju og vináttu við andlát og
útför okkar ástkæru dóttur, systur og barnabarns.
KRISTÍNAR ÖRNU ARNARDÓTTUR.
Sérstakar þakkir til sr. Hjálmars Jónssonar.
Kristín Gunnarsdóttir,
Örn Ármann Sigurðsson,
Wim Van der Aa,
Benedikt Ármann Arnarson,
Theodór Fannar Benediktsson,
Jónína G. Arnardóttir, Jacob Ohayon,
Daníel og Karen Lilja Ohayon,
Guðrún Lilja Halldórsdóttir.
✝
Móðir okkar, tengdamóðir, amma og langamma,
GRÓA JÓHANNA SALVARSDÓTTIR,
Flókagötu 12,
sem lést á líknardeildinni á Landakoti laugardaginn
27. október, verður jarðsungin frá Fossvogskirkju
mánudaginn 5. nóvember kl. 15.00.
Aðalheiður Auðunsdóttir, Guðmundur Lárusson,
Hákon Örn Halldórsson, Pálfríður Benjamínsdóttir,
Ragnar Jóhann Halldórsson, Karen Q. Halldórsson,
Björn Halldórsson, Árnína Sumarliðadóttir,
barnabörn og barnabarnabörn.