Morgunblaðið - 08.05.2008, Blaðsíða 2

Eftir Örlyg Stein Sigurjónsson
orsi@mbl.is
RAKEL Árnadóttir, 28 ára Grafar-
vogsbúi, fékk langþráðan draum
sinn uppfylltan á mánudaginn þeg-
ar hún hitti Friðrik krónprins og
átti spjall við hann í Náttúrugripa-
safni Íslands. Rakel hefur um árabil
heillast af dönsku konungsfjölskyld-
unni, þó sérstaklega krónprinshjón-
unum. Dönsku talar hún vel og jafn-
vel af slíkri kunnáttu að Danir
héldu hana danska í einni Danmerk-
urheimsókn hennar um árið.
Sveif heim til sín
Bréfaskipti höfðu átt sér stað
milli Rakelar og krónprinsins í að-
draganda fundar þeirra og hafði
hún haft samband við danska sendi-
ráðið til að kanna möguleikana á því
að sjá krónprinsinn á meðan hann
væri hér í heimsókn sinni. Hún
gerði þó ekki kröfu um að eiga
spjall við hann, en þegar til kast-
anna kom, fékk hún ekki aðeins að
sjá hann heldur einnig að tala við
hann og það á alþýðlegum nótum.
Haft var á orði að Rakel hefði að því
loknu ekki farið akandi heim til sín,
heldur svifið, enda ánægjan engu
lík.
„Mér fannst mjög skemmtilegt að
hitta hann. Ég reyndi að gæta mín á
því að fara ekki yfir í ensku þegar
ég talaði við hann, heldur halda mig
við dönskuna,“ segir hún. „En ég
var dálítið pirruð yfir því að Mary
væri ekki með,“ segir hún og hlær
innilega.
„Ég fór að fylgjast með Friðriki
og Mary þegar þau kynntust árið
2000 en fylgist reyndar með allri
konungsfjölskyldunni. En aðal-
áherslan er á Friðrik, Mary og börn-
in þeirra.“
Á ensku eða dönsku?
Rakel segir að hún hafi hugsað
töluvert um hvort samtalið við
krónprinsinn myndi fara fram á
dönsku eða ensku en hún hafði gert
sér ákveðna hernaðaráætlun í því
sambandi. Ef hann yrti á hana á
dönsku gæti hún svarað strax á
dönsku og stjórnað framhaldinu, en
verra væri ef hann byrjaði á ensku,
því þá ætti hún á hættu að falla í þá
gryfju að svara á ensku, nokkuð
sem hún hafði lítinn áhuga á. Og úr
varð að samtalið fór fram á dönsku.
Sýndi Rakel prinsinum húðflúr,
danska þjóðfánann, á hendi sér og
vakti það athygli hans. „Ég ávarp-
aði hann með fornafni sínu en sagði
ekki „prins“ og hann virtist ekkert
pirraður yfir því,“ segir hún. Sögðu
vitni að spjalli þeirra að krónprins-
inn hefði verið afar alúðlegur á
fundinum.
Aðspurð segist Rakel vilja hitta
alla krónprinsfjölskylduna ef hún
ætti þess kost. Um hina áströlsku
Mary krónprinsessu fer Rakel fögr-
um orðum og er hún þeirrar skoð-
unar að hún sé nauðalík konu Jóa-
kims prins, bróður Friðriks, hvort
sem makaval bræðranna sé með-
vitað að þessu leyti eður ei.
Heimsækir Vorrar frúar kirkju
Á Danmerkurferðum sínum hef-
ur Rakel þann sið að heimsækja
Vorrar frúar kirkju þar sem brúð-
kaup Friðriks og Mary fór fram og
varla þarf að taka fram að hún kann
fæðingardaga hjónanna og barna
þeirra utan að.
Til stendur að Rakel fari til Dan-
merkur í lok júlí og hefur hún stofn-
að ferðasjóð sem öllum er heimilt að
styrkja. Reikningsnúmerið er 515-
14-611114 kt.: 1106805629.
Langþráður draumur Rakelar Árnadóttur um að hitta Friðrik krónprins rættist
„Fannst mjög
skemmtilegt að
hitta hann“
Morgunblaðið/Golli
Rakel „Ég ávarpaði hann með fornafni sínu en sagði ekki „prins“ og hann virtist ekkert pirraður yfir því,“ segir
Rakel Árnadóttir, mikil áhugakona um dönsku konungsfjölskylduna, einkum krónprinshjónin Friðrik og Mary.
Konunglegur fundur Vel fór á með Rakel og Friðriki krónprinsi.
2 FIMMTUDAGUR 8. MAÍ 2008 MORGUNBLAÐIÐ
FRÉTTIR
Klapparstígur 33
101 Reykjavík
Iceland
t. +354 551 3666
f. +354 578 3667
info@i8.is
www.i8.is
BIRGIR ANDRÉSSON
in memoriam
Sýningunni lýkur laugardaginn 10. maí
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
BJÖRN Bjarnason, dóms- og kirkjumálaráðherra, og Guðlaugur Þór Þórð-
arson heilbrigðisráðherra undirrituðu í gær samning sem tryggir fé til að
standa undir rekstri meðferðargangs í fangelsinu á Litla-Hrauni þar sem
fangar sem það kjósa fá hjálp til að vinna sig út úr vítahring andfélagslegs
hugarfars, afbrotahegðunar og vímuefnamisnotkunar.
Fangar sem dvelja á ganginum fá víðtækan stuðning og einstaklingsmið-
aða ráðgjöf, segir í tilkynningu.
Leggur hvort ráðuneytanna fyrir sig fram 7,5 milljónir, alls 15 milljónir,
sem dugir fyrir rekstrinum út þetta ár.
Fá áfram meðferð
Eftir Örlyg Stein Sigurjónsson
orsi@mbl.is
FULL samstaða er um það í borgar-
stjórn að velja Sundagöng, þ.e. leið I,
þegar valið um Sundabraut stendur
á milli leiðar I og III. Vilhjálmur Þ.
Vilhjálmsson formaður borgarráðs
ítrekaði þetta á opnum fundi um
Sundabraut í ráðhúsinu í gær og
sagði leið I betri þótt hún væri dýrari
en leið III sem Vegagerðin mælti
með. Fjölmennt var á fundinum.
„Þegar þessar tvær tillögur eru
bornar saman hvað varðar þá fram-
tíðarsýn sem við viljum sjá í umferð-
armálum borgarinnar, þá finnst mér
leið I bera af,“ sagði Vilhjálmur.
„Hún er vissulega dýrari,“ bætti
hann við. „Það er auðvitað það, sem
ráðamenn eru að velta fyrir sér og
það er skiljanlegt. Auðvitað munar
um níu milljarða króna þegar horft
er til þeirrar miklu upphæðar sem
þetta kostar. Vegagerðin mælir með
leið III og ég skil það ósköp vel.
Vegagerðin horfir kannski þeim aug-
um á framkvæmdina að leið III dugi
og þess vegna mæla þeir með henni.
En þarna erum við ekki sammála.
Ég veit ekki af hverju við erum ekki
sammála.“
Í máli Jónasar Snæbjörnssonar
umdæmisstjóra Vegagerðarinnar
kom fram að leið I, Sundagöng, kosti
32 milljarða en leið III 23 milljarða.
Kostir leiðar I fram yfir leið III eru
minni heildarumhverfisáhrif og betri
landnýting. „Við vitum að jarðganga-
leiðin er í meiri sátt við íbúasamtök
og leiðir til minni umferðar á austur-
hluta Miklubrautar og mið- og norð-
urhluta Sæbrautar. Þá mun hún ekki
trufla siglingaleiðir.“
Um kosti leiðar III fram yfir leið I
sagði Jónas að fyrst og síðast fælust
þeir í minni kostnaði, þ.e. minni
stofn- og rekstrarkostnaði. „Þar með
er meiri arðsemi og við teljum að það
sé minni óvissa um stofnkostnaðinn.“
Leið III mun leiða til minni um-
ferðar á Ártúnsbrekku, Höfðabakka
og Gullinbrú og þá hefur verið reikn-
að út að minni heildarakstur verður á
gatnakerfi höfuðborgarsvæðisins.
„Þar með auðvitað minni útblástur
og slíkt. Á leið III er þá auðveldara
að vera með göngu- og hjólaleiðir.“
Kristján Möller samgönguráð-
herra sagði á fundinum að í gær
hefði verið haldinn fyrsti fundur
samráðshóps samgönguráðherra og
sveitarfélaga á höfuðborgarsvæðinu.
„Þessum hópi er ætlað að vinna að
framtíðarskipulagi á höfuðborgar-
svæðinu í víðum skilningi. Fundur-
inn var góður og gagnlegur og lofar
góðu,“ sagði hann.
Borgarstjórn vill leið
I þótt hún sé dýrari
Gangaleiðin kostar níu milljörðum meira en leið III
Morgunblaðið/Golli
Íbúafundur Dagur B. Eggertsson, Vilhjálmur Þ. Vilhjálmsson, Jónas
Snæbjörnsson og Kristján Möller samgönguráðherra í Tjarnarsalnum.