Morgunblaðið - 08.05.2008, Blaðsíða 6

6 FIMMTUDAGUR 8. MAÍ 2008 MORGUNBLAÐIÐ
FRÉTTIR
KANNAÐIR verða kostir þess
að setja á stofn nýja stofnun vel-
ferðar- og vinnumála með því að
samþætta starfsemi Trygginga-
stofnunar ríkisins og Vinnumála-
stofnunar. Þetta kom fram í
setningarávarpi Jóhönnu Sigurð-
ardóttur félagsmálaráðherra á
fjölþjóðlegri ráðstefnu um lífeyr-
iskerfi framtíðarinnar í gærdag.
Ráðherra hefur sett á laggirnar
vinnuhóp sem skoða á möguleika
á uppbyggingu slíkrar nýrrar
velferðarstofnunar „þar sem
horft verður til framtíðar og
meðal annars litið til þess sem
best hefur verið gert í öðrum
löndum á þessu sviði eins og til
dæmis í Noregi“.
Jóhann sagði það mat sitt að
grundvallarumræða um al-
mannatryggingar og uppbygg-
ingu lífeyriskerfisins og velferð-
arkerfisins í
heild hefði ver-
ið allt of lítil
hér á landi
undanfarna
áratugi. Til-
raunir til þess
að einfalda
kerfið hefðu
runnið út í
sandinn.
„Ég lít svo á
að ábyrgð okkar stjórnmála-
mannanna og þeirra sem stýra
lífeyrissjóðum og hagsmunasam-
tökum lífeyrisþega sé mikil og að
framtíðarverkefni okkar sé um-
fangsmikið. Við blasir að öldr-
uðum mun fjölga verulega á
næstu áratugum hér á landi sem
og annars staðar og við því verð-
ur að bregðast. Við verðum að
ræða opinskátt um samspil okkar
öfluga lífeyriskerfis og almanna-
tryggingakerfisins,“ sagði Jó-
hanna.
Hún sagði að markmiðum rík-
isstjórnar um styrkingu stöðu
aldraðra og öryrkja og einföldun
almannatryggingakerfisins hefði
þegar verið hrint í framkvæmd
að hluta. „En umtalsverð og afar
mikilvæg vinna er fram undan
við einföldun kerfisins og lít ég
þar mjög til samspils við lífeyr-
issjóðakerfið, sem getur ráðið úr-
slitum um bætt kjör lífeyrisþega
til lengri og skemmri tíma litið.“
Óviðunandi væri að þessi kerfi
spiluðu hvort gegn öðru. „Það
sér hver maður, og þær endur-
kröfur sem lífeyrisþegar hafa
fengið eru fullkomlega óásætt-
anlegar, þjóðfélaginu til skamm-
ar og hafa skapað óöryggi meðal
þeirra sem eru lakast settir. Það
gengur auðvitað ekki að kjarabót
sem stjórnvöld færa lífeyrisþeg-
um sé umsvifalaust tekin aftur
með skerðingu á lífeyri úr lífeyr-
issjóðum og að sama skapi að líf-
eyrisgreiðslur úr lífeyrissjóðum
skerði svo harkalega lífeyri al-
mannatrygginga. Við höfum
dæmi um það nýverið hve harka-
lega þetta hefur bitnað til dæmis
á fátækustu öryrkjunum. Það er
skilyrðislaus skylda stjórnvalda
og forsvarsmanna lífeyrissjóða
að breyta þessu.“
Ný stofnun í uppsiglingu?
 Kanna á kosti þess að koma á laggirnar stofnun velferðar- og vinnumála
 Nefnd skoðar möguleikana á að samþætta starf TR og VMST
Jóhanna
Sigurðardóttir
Í HNOTSKURN
»Jóhanna sagði að meðstofnuninni yrði hægt að
koma fyrir á einum og sama
stað allri þeirri velferðarþjón-
ustu sem er á sviði vinnumála
og tryggingamála.
HVÍTASUNNUHELGIN er á
næsta leiti og leggja þá margir í
ferðalag innanlands. Eflaust
munu margir halda á vit sum-
arbústaðanna en gangi spár Veð-
urstofu Íslands eftir er hyggilegt
að taka með sér regnhlífar og
góðan hlífðarfatnað.
Spáð er rigningu og hvassviðri
víða um land á morgun og á laug-
ardag og má gera ráð fyrir slyddu
eða snjókomu fyrir norðan. Á
sunnudag og mánudag er spáð
mildu veðri en víða vætu.
Eins og ætla má um vinsæla
ferðahelgi sem þessa mun lög-
regla víða um land auka viðbúnað
sinn. Á Selfossi og í Borgarnesi
verður t.d. meiri löggæsla líkt og
áður þrátt fyrir að hvítasunnu-
helgin sé ekki jafnmikil ferða-
mannahelgi og hún var.
Þeir Vöggur Jensson og Sveinn
Sigurbjörnsson á Eskifirði taka
því eflaust fagnandi að fá þriggja
daga helgi en þeir brostu sínu
blíðasta þegar ljósmyndari lagði
leið sína framhjá þeim. Morgunblaðið/Helgi Garðarsson
Víða spáð
rigningu og
hvassviðri
Hvítasunnuhelgin gengur senn í garð með tilheyrandi ferðalögum
MORGUNBLAÐINU
hefur borist eftirfarandi
yfirlýsing frá Valdimar
Harðarsyni arkitekt:
„Morgunblaðið hefur
birt leiðréttingu og beð-
ist afsökunar á því að
hafa í ógáti birt ljósmynd
af mér með grein, sem al-
nafni minn og að auki
eins og ég úr hópi arki-
tekta, skrifaði. Það er því
auðvelt að skilja mistök Morgunblaðsins en
því miður hefur það komið berlega í ljós, og
væntanlega ekki í fyrsta sinn þegar slík
mistök eiga sér stað, að öllu erfiðara er að
leiðrétta þau svo vel sé. Það virðist sem sagt
mega betur ef duga skuli, til þess að þeim
lesendum Morgunblaðsins sem til mín
þekkja, og e.t.v. öðrum sem lesa Morgun-
blaðið vandlega, verði það öllum ljóst að ég
kom hvergi nærri grein undir fyrirsögninni
„Ó,Ó óperuhús“ sem birtist í Morgun-
blaðinu sl. mánudag, nema með því að verða
fórnarlamb mistaka í vinnslu blaðsins. Þau
mistök voru reyndar sérlega óheppileg þar
sem ég er ásamt félögum mínum hjá ASK
arkitektum tengdur samkeppni sem efnt
var til um hönnun óperuhússins í Kópavogi.
Þess vegna vil ég með þessum línum árétta
að Valdimar Harðarson landslagsarkitekt
er annar maður en Valdimar Harðarson
arkitekt.“
Betur má
ef duga skal
Valdimar
Harðarson
24,5 MILLJÓNUM króna hefur verið út-
hlutað úr hinum nýstofnaða Bókmennta-
sjóði, en hlutverk hans er að efla íslenskar
bókmenntir og bókaútgáfu. Veitir sjóð-
urinn styrki til útgáfu bókmennta og bók-
menntaþýðinga, auk þes að veita íslensk-
um höfundum ferðastyrki og standa að
kynningu á íslenskum bókmenntum er-
lendis.
Alls bárust 104 umsóknir um útgáfu-
styrki frá 59 aðilum. Samþykkt var að veita
32 styrki til útgáfu, að upphæð 13 milljónir
kr. Þá bárust 68 umsóknir um þýðingar-
styrki frá 23 aðilum. Samþykkt var að veita
30 styrki til þýðinga, að upphæð 8.150.000
kr. Tólf umsóknir um ferðastyrki bárust og
hlutu tíu styrk, alls upp á 580.000 kr.
Þá var úthlutað styrk vegna tíu þýðing-
arverkefna af íslenskri tungu, samtals
2.770.000 kr. Lista yfir styrkþega má sjá á
vef bókmenntastofnunar, www.bok.is.
Úthlutað úr
Bókmenntasjóði
Á
hverju ári er miklum fjár-
munum varið til uppbygg-
ingar samgöngukerfisins í
landinu. Í fjárlögum fyrir
árið 2008 er yfir 30 millj-
örðum króna ráðstafað til þessa mála-
flokks og hefur fé til hans aukist jafnt
og þétt. Það verður þó aldrei hægt að
gera svo öllum líki þegar horft er til
þessara verka og án efa hafa allir lands-
menn skoðun á því hvar og hvenær rétt
sé að framkvæma.
Það dylst engum hversu mikilvægar
samgöngur eru í samfélagi okkar og
mikilvægi þeirra fer síst þverrandi. Það
var lengi unnið að þeim áfanga að klára
hringveginn um landið. Um leið og hon-
um lauk blöstu ný verkefni við, að mal-
bika þjóðveginn, stytta leiðir milli
áfangastaða með þverun fjarða, bæta
brúarsmíð og bora jarðgöng svo fátt
eitt sé nefnt. Sama á við í gerð hafn-
armannvirkja, með dýpkun hafna og
bættum skilyrðum í hafnargerð; og með
bættum aðbúnaði við flugsamgöngur,
svo ekki sé minnst á fjarskiptin. Allir
þessir þættir hafa tekið stórstígum
framförum þótt enn sé margt ógert.
Það þarf að losna við einbreiðar brýr á
þjóðvegum landsins. Við hönnun nýrra
vega þarf að færa vegi úr mikilli hæð á
láglendi þar sem skilyrði eru betri. Það
þarf að stækka atvinnusvæði með því
að efla byggðarkjarna víða um land.
Það þarf að bæta samgöngur í þéttbýli
og það verður að taka á vaxandi vanda í
höfuðborginni og nágrenni hennar.
Á síðasta þingi var lögð fram tillaga
um langtímaáætlun í samgöngum sem
náði reyndar ekki fram að ganga. Þar
var reynt að skipuleggja fjármuni til
samgöngumála til lengri tíma og slík
áætlanagerð er mjög af hinu góða. Það
er þó þannig, þegar eldri samgöngu-
áætlanir eru skoðaðar, að sömu verk-
efnin koma þar fram aftur og aftur.
Margar ástæður kunna að vera fyrir því
að af verkefnum hefur ekki orðið sem
er ekki ástæða til að tíunda hér. Þar er
þó athyglisvert að í sumum tilvikum
hafa framkvæmdir beinlínis orðið
óþarfar, þegar önnur og hentugri verk-
efni hafa komið í staðinn. Það hefur líka
gerst, að ráðist hafi verið í verkefni
hratt, t.d. vegna slysahættu eða byggð-
arsjónarmiða af ýmsum toga.
Í þessu eins og svo mörgu öðru skipt-
ir máli að setja fram skýra sýn til fram-
tíðar, móta stefnu og reyna að fram-
fylgja henni eins og kostur er. Þótt
alltaf verði að gera ráð fyrir einhverjum
ófyrirsjáanlegum breytingum verða að
vera skýrar línur um það hvert beri að
stefna. Í því efni verður að líta til hags-
muna allra landsmanna eins og kostur
er. Það má ekki stilla íbúum í landinu
upp sem andstæðum pólum eftir því
hvar þeir búa. Ég er viss um að allir
landsmenn styðja byggingu Sunda-
brautar og brýnar samgöngubætur á
höfuðborgarsvæðinu. Sú framkvæmd
hefur beðið afar lengi og það er ófært
annað en að ráðist verði í hana sem
allra fyrst. En það eru fleiri flösku-
hálsar í kringum höfuðborgina. Hvern-
ig á að takast á við vaxandi byggð allt í
kringum Reykjavík, hvernig á að takast
á við uppbyggingu Landspítalans niðri í
bæ, á sama stað og Háskólinn í Reykja-
vík er að byggjast upp, þar sem Háskóli
Íslands er og þar sem jafnvel er von á
nýju íbúðahverfi? Íbúar úthverfa
Reykjavíkur þurfa að komast á spít-
alann. Íbúar nágrannasveitarfélaganna
þurfa að komast þangað fyrir utan að
það verður að vera hægt að koma sjúk-
um utan að landi greiðlega á spítalann.
Þar skipta greiðar flugsamgöngur
verulegu máli.
Þessi uppbygging kallar á brýn úr-
lausnarefni í samgöngumálum höf-
uðborgarinnar. Þar verða samgöngu-
yfirvöld allra sveitarfélaga á
höfuðborgarsvæðinu að vinna saman og
náið með samgönguyfirvöldum í land-
inu.
Sama á við víðar á landinu. Fram-
undan eru fjárfestingar í jarðgöngum á
austurlandi, Vaðlaheiðargöng eru fram-
undan auk mikilla fjárfestinga á Suður-
landi. Hvernig viljum við sjá samgöngu-
kerfi þjóðarinnar þróast á næstu 50
árum? Hvernig vilja menn að borgin líti
út eftir 50 ár? Hvernig sjáum við þróun
byggðar á þeim tíma?
Við verðum að horfa fram langt fram
í tímann. Samgöngukerfið á að fylgja
þörfum okkar. Við verðum að gæta þess
að það dragist ekki aftur úr.
Núna og næst
»Ég er viss um að allirlandsmenn styðja
byggingu Sundabrautar
og brýnar samgöngu-
bætur á höfuðborgar-
svæðinu.
PISTILL
Ólöf
Nordal
Hljóðpistlar Morgunblaðsins,
Ólöf Nordal les pistilinn
HLJÓÐVARP mbl.is
♦♦♦