Morgunblaðið - 08.05.2008, Blaðsíða 15

MORGUNBLAÐIÐ FIMMTUDAGUR 8. MAÍ 2008 15
MENNING
STYRKUR TIL
TÓNLISTARNÁMS
Minningarsjóður um Jean Pierre Jacquillat mun á þessu
ári veita tónlistarfólki styrk til framhaldsnáms erlendis
á næsta skólaári 2008-2009.
Veittur er styrkur að upphæð kr. 600 000.
Umsóknir, með upplýsingum um námsferil og
framtíðaráform, sendist fyrir 1. júní nk.
til formanns sjóðsins:
Arnar Jóhannssonar,
pósthólf 8620,
128 Reykjavík.
Umsóknum fylgi hljóðritanir, raddskrár frumsaminna
verka og/eða önnur gögn sem sýna hæfni umsækjenda.
KÓMEDÍULEIKHÚSIÐ set-
ur á svið leikverkið Búlúlala –
Öldin hans Steins til að minn-
ast aldarafmælis Steins Stein-
ars. Verkið verður frumsýnt í
Tjöruhúsinu á Ísafirði í kvöld
klukkan átta. Þar verða flutt
mörg af þekktustu ljóðum
Steins í bland við minna þekkt
kvæði.
Elfar Logi Hannesson leik-
ari fer með ljóð Steins og
Þröstur Jóhannesson tónlistarmaður flytur frum-
samda tónlist við þau. Marsibil G. Kristjánsdóttir
hefur gert portrett af skáldinu sem gegnir hlut-
verki leikmyndar í sýningunni.
Leiklist
Ljóð Steins
leikin og sungin
Úr leikmynd
sýningarinnar.
SINFÓNÍUHLJÓMSVEIT
Íslands fagnar áttræðisafmæli
fyrrverandi stjórnanda síns,
Páls P. Pálssonar tónskálds, á
tónleikum sínum í Háskólabíói
kl. 19.30 í kvöld. Á efnisskránni
eru fimmta sinfónía Mahlers
sem margir þekkja úr kvik-
myndinni Dauðanum í Fen-
eyjum, Sellókonsert Roberts
Schumanns og Heiðursgjall,
eftir Pál. Hljómsveitarstjóri er
aðalstjórnandi SÍ, Rumon Gamba.
Súpufundur hjá Vinafélagi hljómsveitarinnar
með kynningu á verkunum á efnisskránni verður
fyrir tónleika, og hefst hann kl. 18 á Hótel Sögu.
Tónlist
Sinfónían heiðrar
Pál Pampichler
Páll Pampichler
Pálsson
DÓMKÓRINN í Bodø ásamt
Jan Gunnar Hoff og íslenskum
djasstónlistarmönnum úr
fremstu röð heldur tónleika í
Langholtskirkju í kvöld kl. 20.
Flutt verður djassmessan
Meditatus eftir Jan Gunnar
Hoff sem hann samdi sér-
staklega fyrir kórinn, en verkið
fékk Edvard-verðlaunin árið
2005. Hljóðfæraleikarar með
höfundi eru: Sigurður Flosason, Andrés Þór
Gunnlaugsson, Valdimar Kolbeinn Sigurjónsson
og Einar Valur Scheving. Kórinn heldur aðra tón-
leika í Skálholti laugardaginn 10. maí kl. 12.
Stjórnandi er Ragnhild Strauman.
Tónlist
Dómkórinn í Bodø
syngur djassmessu
Jan Gunnar Hoff
Eftir Bergþóru Jónsdóttur
begga@mbl.is
SEX hönnuðir og myndlistarmenn hafa verið
tilnefndir til Sjónlistaverðlaunanna í ár. Til-
nefningarnar voru kynntar við athöfn í Nor-
ræna húsinu í gær. Hönnuðirnir þrír eru Hjalti
Geir Kristjánsson húsgagnahönnuður, Sigurður
Eggertsson grafískur hönnuður og Guðbjörg
Kristín Ingvarsdóttir skartgripahönnuður.
Myndlistarmennirnir þrír eru Steingrímur Ey-
fjörð, Ragnar Kjartansson og Margrét Blöndal.
Sýning á verkum listamannanna tilnefndu
verður opnuð í Listasafninu á Akureyri laug-
ardaginn 30.ágúst en verðlaunaafhending fer
fram föstudaginn 19. september í Flugsafni Ís-
lands á Akureyri og verður sýnt frá henni í
beinni útsendingu Sjónvarpsins.
Sigrún Björk Jakobsdóttir, bæjarstjóri á Ak-
ureyri og stjórnarformaður Sjónlistar, ávarpaði
gesti við athöfnina í gær og sagði meðal ann-
ars:
„Hver listsýning er ný og skemmtileg áskor-
un til okkar að skoða og skilgreina og taka við
heimi sem hefur fleiri hliðar en teningurinn.
Ég veit að sýning tilnefndra listamanna verður
engin undantekning þar á. Sjónlistasýningin á
Listasafninu hefur fengið margan gestinn til að
endurmeta viðhorf sín gagnvart listum og
kannski ekki síst gagnvart hönnun. [...] Þannig
hefur sýningin ýtt við fólki, opnað nýja sýn og
breytt viðhorfum.“
Þrír hönnuðir og þrír myndlistarmenn tilnefndir til Sjónlistaverðlaunanna í ár
Opna sýn og breyta viðhorfum
Í HNOTSKURN
» Sjónlist er samstarfsverkefni Akureyr-arbæjar, Forms Íslands – samtaka hönn-
uða og Sambands íslenskra myndlistarmanna.
» Markmið verkefnisins er að veita verð-laun á sviði sjónlista árlega og beina sjón-
um að framlagi myndlistarmanna og hönnuða
og stuðla að aukinni þekkingu á sjónlistum.
» Tveir hljóta Sjónlistaorðuna, auk pen-ingaverðlauna að upphæð 2.000.000 kr.
hvor. Heiðursorðu Sjónlistar hlýtur myndlist-
armaður eða hönnuður ár hvert fyrir einstakt
æviframlag til sjónlistanna.
ÞEIR voru með sérkennilegra lagi,
tónleikarnir sem haldnir voru á
þriðjudaginn við leigubílaröðina á
Newark Liberty-alþjóðaflugvell-
inum í Bandaríkjunum. Þetta voru
einkatónleikar fyrir leigubílstjóra
að nafni Mohamed Khalil, og ein-
leikshljóðfærið var 285 ára Stradiv-
arius-fiðla og einleikarinn heitir
Philippe Quint.
Tilefni tónleikanna var líka sér-
stakt því með þeim vildi Quint
launa leigubílstjóranum heiðarleik-
ann sem hann sýndi, þegar Quint
gleymdi fiðlunni sinni í aftursæti
leigubílsins í apríl. Quint gerði um-
svifalaust ráðstafanir til að finna
fiðluna, en það var bílstjórinn, sem
er af egypskum uppruna, sem fann
eigandann og skilaði honum gripn-
um næsta dag. Hann fékk fund-
arlaun, miða á næstu tónleika fiðlu-
leikarans í Carnegie Hall og
einkatónleikana fyrrnefndu.
Fiðluna smíðaði Stradivarius árið
1723 og gengur hún undir nafninu
Kieswetter. Hún er í eigu Clements
og Karenar Arrison, en þau höfðu
lánað Quint fiðluna. Verðmæti fiðl-
unnar er metið að andvirði um 270
milljóna króna.
Philippe Quint er rússneskur að
uppruna en er nú bandarískur
þegn. Hann hefur vakið mikla at-
hygli fyrir framúrskarandi túlkun á
amerískri fiðlutónlist og hefur í tví-
gang verið tilefndur til Grammy-
verðlaunanna.
Gleymdi
Stradivarius
í leigubíl
Leigubílstjórinn
fann eigandann
Verðmæti Philippe Quint og fiðlan.
MYNDLISTARKONAN Gunn-
hildur Hauksdóttir og rithöfund-
urinn Kristín Ómarsdóttir unnu
saman að innsetningu sem ber nafnið
Auditions og opnuð verður í Winni-
peg á laugardaginn.
„Þetta er samþætting myndlistar
og leikhúss,“ segir Hannes Lárusson
sýningarstjóri. Verkið samanstendur
af ljósmyndum, vídeóverkum og
textum sem gerð hefur verið sviðs-
mynd utan um. „Kristín er nátt-
úrulega leikritaskáld líka. Það má
segja að hennar textar og hennar
verk séu mjög myndræn. Þetta er
ekki stórt stökk fyrir þær þarna á
milli. Þessi munur á milli listgreina,
hann er líka ekki á dagskrá lengur,
það eru svo margir listamenn að
vinna með marga miðla.“
Auditions er hluti af menningarhá-
tíðinni Núna sem stendur nú yfir í
Winnipeg þar sem íslenskir lista-
menn kynna verk sín. Hannes segir
að íslensk myndlist njóti talsverðrar
virðingar í Winnipeg, en þetta er
fjórða sýningin á íslenskri sam-
tímalist sem hann stýrir í borginni á
síðustu árum. „Þeir sem eru inni í
þessum geira og hafa áhuga á þessu
sjá að það eru hér góðir og meðvit-
aðir listamenn. Meðan áherslan er á
að sýna þann þátt, þá hefur fólk
áhuga. Það má ekki gleyma því að
þetta er umhverfi sem gerir miklar
kröfur, Winnipeg og Kanada al-
mennt. Það er mikil hefð þar fyrir
framsækinni list, tónlist, ballett og
arkitektúr. Það hefur komið mikið af
myndlist þarna í gegn og oft hafa til
dæmis listamennirnir sem taka þátt í
Feneyja-tvíæringnum komið frá
Winnipeg.“
Listamenn sýna á Íslendingaslóðum í Kanada
Stutt stökk á milli
Hjalti Geir Kristjánsson
er tilnefndur fyrir sýn-
inguna Stólar. Dóm-
nefnd: „Stílhrein og yf-
irlætislaus hönnun
hans átti þátt í því að
móta íslenska hönn-
unarsýn sem hefur í
senn skandinavískt og
evrópskt yfirbragð.“
Sigurður Eggertsson
er tilnefndur fyrir
verk sín frá árinu
2007. Dómnefnd:
„Verk Sigurðar eru
einkennandi fyrir tíð-
arandann; þau fela í
sér sterka upp-
runakennd og róm-
antík en viðfangsefni
hans eru hefðbundin á
nýstárlegan hátt.“
Guðbjörg Ingvarsdóttir
er tilnefnd fyrir
skartgripalínurnar:
Agla, Brynja, Fold,
Salka og Gerður. Dóm-
nefnd: „Hönnuðurinn
hefur „sprungið út“ í
listsköpun sinni. Hver
skartgripalína er ein-
stök […] en persónu-
leg og listræn efnistök
eru sterk í þeim öll-
um.“
Steingrímur Eyfjörð er
tilnefndur fyrir sýn-
inguna Lóan er komin.
Dómnefnd: „Samtal
Steingríms við sjálfs-
mynd þjóðarinnar
birtist okkur með
skýrum og gam-
ansömum hætti í verk-
um sem fjalla um sam-
skipti okkar við hina
íbúa landsins, álfa og
huldufólk.“
Ragnar Kjartansson er
tilnefndur fyrir inn-
setninguna Guð á sam-
nefndri sýningu í Ný-
listasafninu.
Dómnefnd: „Ragnar
hefur komið með nýj-
ar áherslur inn í
myndlistina, ekki síst
gjörningalistina, með
því að tengja hana
bæði leikhúsi og tón-
list.“
Margrét H. Blöndal er
tilnefnd fyrir sýn-
inguna Þreifað á
himnunni í Hafnarhúsi
Listasafns Reykjavík-
ur. Dómnefnd: „Hún
nýtir sér einstaklega
sterka rýmistilfinn-
ingu og ofurnæma
skynjun á fínleg form
og efnisáferð af hóg-
værð og látleysi.“
Víravirki Brot úr myndbandi sem er hluti af verkinu Auditions.