Morgunblaðið - 15.05.2008, Side 30

30 FIMMTUDAGUR 15. MAÍ 2008 MORGUNBLAÐIÐ
UMRÆÐAN
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Benidorm
4. eða 11. júní
frá kr. 44.990
Aðeins örfáar íbúðir í boði
Heimsferðir bjóða frábært tilboð til Benidorm 4. eða 11. júní. Njóttu lífsins
á þessum vinsæla áfangastað við góðan aðbúnað. Bjóðum örfáar íbúðir á
Viña del Mar, einum af okkar vinsælustu gististöðum, með frábæra
staðsetningu í hjarta Benidorm. Skelltu þér til Benidorm og njóttu lífsins á
einum af vinsælustu gististöðum Heimsferða.
M
bl
10
03
29
3
Verð kr. 54.990
Netverð á mann, m.v. 2 í íbúð á Viña del
Mar í viku. Aukavika kr 15.000.
Verð kr. 44.990
Netverð á mann, m.v. 2 fullorðna og 2
börn, 2-11 ára í íbúð á Viña del Mar í
viku. Aukavika kr. 15.000.
Frábært sértilboð - Viña del Mar
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
EINN þáttur lýðræðis er að reglu-
lega fer fram framsal milli kynslóða á
ákvörðunarvaldi þjóðarinnar. Því
fylgir að þeir sem taka við valdinu
skuli vernda sameiginlegan rétt okk-
ar og fullveldi. Grunnur friðar meðal
þjóðarinnar felst í þessu framsali og
lögræði til að tryggja rétt ein-
staklinga og hagsmunahópa. En hér
verður á stundum sá misbrestur, að
hávaðasamt fólk, sem þykist vera að
gera rétt, krefst mjög mikils hluta
ráðstöfunarfjár, til að halda fram
víkjandi hagsmunum. Þar fyrir utan
gerir hávaðasamt fólk, án skýr-
greindra tillagna um aðra valkosti,
kröfu um að banna og ekki megi eða
eigi að gera. Þetta fólk segist vera að
gera vel, en ef á er hlustað, þá er um
að ræða hrottalegar aðfarir að hags-
munum almennings. Sem dæmi má
taka, að krafa er uppi um að grafa
göng við milljarða aukakostnað undir
sundin frá Reykjavík, í staðinn fyrir
að gera miklu ódýrari brú. Ætluð
góðforsenda er að sjónmengun verði
af þeirri brú. En við skulum setja
upp aðra góðforsendu, miklum meiri-
hluta fólks er vitsmunalega misboðið,
að eyða vegafé vegna viðkvæmni í
sjóntúlkun. Og það svo miklu, að nær
dugar til að tvöfalda leiðina austur
fyrir fjall eða greiða Vaðlaheið-
argöng, þar sem samgöngubætur eru
brýnar. Í annan stað, þá segja góð-
hrottar það eigi að færa Reykjavík-
urflugvöll, sem sé gera að engu
ágæta fjárfestingu og byggja fram-
tíðarslúmm í staðinn, sem eyðir virði
miðbæjar, Þingholta og nálægs aust-
ur- og vesturbæjar. Fín plön segja
ekki alla söguna, lóðir yrðu dýrar, til
að ná peningum til baka verður að
byggja mjög margar íbúðir. Það ger-
ir allt svæðið að slúmmi í framtíðinni.
Síðan á að stækka Landspítalann, en
aðgengi að honum utan að landi
mundi mjög versna, því þyrfti helst
að færa hann einnig að nýju flugvall-
arstæði. Vegna þessa, þá er Vatns-
mýrin sem byggingarland í stað flug-
vallar ekki bara einskis virði, heldur
á margföldu neikvæðu virði. Slúmm-
myndun í Vatnsmýrinni mundi rústa
fasteignaverði í nágrenninu. Ráða-
menn ættu að taka eftir, að til þess að
greiða ægilegt lóðaverð í Vatnsmýri,
þá þarf tekjumikla starfsemi að
hluta, það þýðir aukningu skrílvæð-
ingar, sem miðbærinn varð fyrir
vegna fíkniefna og fjölda nætur-
skemmtistaða. Þessu fylgir einnig að
veðbærni eigna í nágrenni flugvall-
arins lækkar, því ætti fólk sem þar á
eignir að gæta hagsmuna sinna og
gefa skýr skilaboð um að flugvöll-
urinn verði áfram. Og helst með sér
flugafgreiðslu beint inn á Landspít-
alann. Ráðamönnum ber að skoða
heildaráhrifin fyrst, að góðhrottar
gargi, það er aukaatriði.
ÞORSTEINN HÁKONARSON,
öryrki.
Varist góðhrotta
Frá Þorsteini Hákonarsyni
AUGLÝSINGADEILD
netfang: augl@mbl.is eða sími 569 1111
NÚ ERU níu mánuðir liðnir frá
því að Nýsköpunarmiðstöð Íslands
kom í heiminn. Stjórnvöld hafa ekki
dregið dul á að henni er ætlað mik-
ilvægt hlutverk. Miðstöðin naut
þeirra forréttinda að erfa dýrmæta
þekkingu við samein-
ingu tveggja rótgró-
inna rannsóknastofn-
ana og er sá grunnur
nýrri stofnun mik-
ilvægt veganesti.
Fyrstu níu mánuðirnir
af æviskeiði Nýsköp-
unarmiðstöðvar Ís-
lands sýna hins vegar
og sanna að stundum
er heildin stærri en
summa hlutanna. Við
fæðingu Nýsköp-
unarmiðstöðvar, 1.
ágúst 2007, leystist úr læðingi mikill
sköpunarkraftur í fyrirtækjamenn-
ingu miðstöðvarinnar. Fyrsti árs-
fundurinn, sem haldinn verður í dag,
15. maí, endurspeglar þennan sköp-
unarkraft og er til vitnis um að nú eru
nýir tímar að hefjast í nýsköpun á Ís-
landi.
Hlutverk Nýsköpunarmiðstöðvar
Íslands er að styðja við nýsköpun og
efla framgang nýrra hugmynda í ís-
lensku atvinnulífi. „Nýsköpun“ er
ekki bara tískuorð. Nýsköpun er for-
senda fjölbreytni í atvinnulífinu og
undirstaða sterkrar samkeppn-
isstöðu þess. Og það sem meira er:
mótefni gegn efnahagserfiðleikum
sem herja á ef öll eggin eru sett í
sömu körfuna. Nú þegar ný lægð
skellur á íslensku atvinnulífi er enn
mikilvægara en áður að hlúa að ný-
sköpun og beina sjónum að nýjum
tækifærum.
En hvernig ætlar Nýsköp-
unarmiðstöð að sinna hlutverki sínu
og styðja við nýsköpun í orði og á
borði? Starfsemi Nýsköpunarmið-
stöðvar Íslands spannar allt frá nám-
skeiðum í stofnun og rekstri fyr-
irtækja til metnaðarfullra rannsókna
á sviði orkutækni. Kjarnasvið mið-
stöðvarinnar eru tvö:
NMÍ-Impra veitir öfl-
uga stuðningsþjónustu
fyrir frumkvöðla og
sprotafyrirtæki og
NMÍ-Tækni sinnir
rannsóknum og tækni-
ráðgjöf á sviði mann-
virkja, framleiðslu, líf-
og efnistækni, efna-
greininga og orku. Þetta
samspil tækniþekkingar
og viðskiptavits er ein-
mitt lykillinn að vel-
gengni Nýsköp-
unarmiðstöðvar Íslands á komandi
árum. Því fleiri snertifletir við at-
vinnulífið, þeim mun öflugri áhrif.
Sú flóra sem finnst á starfs-
stöðvum miðstöðvarinnar – Reykja-
vík, Akureyri, Ísafirði, Vest-
mannaeyjum og Höfn – er í raun
bara tvær hliðar á sama peningnum.
Ein hliðin snýst um það að tryggja að
einstaklingar og fyrirtæki fái stuðn-
ing til að hrinda hugmyndum sínum í
framkvæmd, hvort sem um er að
ræða nýjung innan starfandi fyr-
irtækis, nýja vöru eða nýtt fyrirtæki.
Á Frumkvöðlasetri Nýsköp-
unarmiðstöðvar fá stórfyrirtæki
framtíðarinnar aðstöðu og faglega
þjónustu sem gefur þeim forskot í
erfiðum heimi. Mikilvægt er að virkja
frumkvöðlaeðli Íslendinga og nýta
mannauðinn til fullnustu því það hef-
ur ekki bara góð áhrif á hagvöxtinn
heldur einnig á hamingjuvísitöluna.
Hin hliðin á nýsköpunarpen-
ingnum snýr að framtíðinni. Að
bregðast við aðstæðum í núinu er
ekki nóg. Við verðum líka að hugsa
fram í tímann, greina aðsteðjandi
hættur og koma auga á sóknarfærin í
íslensku atvinnulífi. Þessi lang-
tímasýn á nýsköpun krefst örlítillar
fyrirhyggju og öflugra rannsókna.
Vísindamenn NMÍ-Tækni leggja lóð
á vogarskálarnar hvað þetta varðar
og hefur miðstöðin einsett sér að vera
leiðandi á völdum sviðum rannsókna
og þróunar á heimsvísu.
Eins og fram hefur komið teygir
Nýsköpunarmiðstöð Íslands anga
sína víða. Til að starf hennar verði
sem árangursríkast þarf miðstöðin að
vera í góðum tengslum við samstarf-
aðila úr atvinnulífinu, háskólasamfé-
laginu og öðrum rannsóknastofn-
unum víða um heim. Við kappkostum
að vera sveigjanleg og snögg að
bregðast við með nýjum lausnum.
Síðast en ekki síst er miðstöðin vett-
vangur fyrir frjóar hugmyndir.
Rúðustrikað hugarfar er eitur í bein-
um Nýsköpunarmiðstöðvar Íslands.
Nýir tímar
í nýsköpun á Íslandi
Rósa Signý Gísladóttir skrifar
um hlutverk Nýsköpunarmið-
stöðvar Íslands
Rósa Signý Gísladóttir
»Nú eru níu mánuðir
liðnir frá því að Ný-
sköpunarmiðstöð Ís-
lands kom í heiminn.
Stjórnvöld hafa ekki
dregið dul á að henni er
ætlað mikilvægt hlut-
verk.
Höfundur er markaðsstjóri
Nýsköpunarmiðstöðvar Íslands.
ÞESSA dagana er þess minnst að
60 ár eru liðin frá því að Ísraelsríki
var stofnað. Tilurð
hins nýja Gyðingaríkis
á sínum tíma naut al-
menns stuðnings í
Evrópu, en Palestínu-
menn upplifðu at-
burðina sem stór-
felldar hörmungar eða
Nakba á þeirra máli.
Ályktanir Allsherjar-
þings SÞ á hverju ári
allt frá árinu 1949, um
rétt flóttafólksins til að
snúa heim aftur og til
bóta fyrir sinni missi,
hafa engu um það breytt, heldur ekki
alþjóðlög, mannúðar- og mannrétt-
indasáttmálar sem kveða skýrt á um
rétt flóttafólks til að snúa heim aftur.
Þessi sextíu ár eru ár mikilla
hörmunga fyrir palestínsku þjóðina,
bæði á herteknu svæðunum og hjá
þeim sem hírast í flóttamannabúðum
og hafa gert kynslóð fram af kynslóð.
Á þessum árum hefur reynt á þol-
rifin hjá Palestínumönnum en þjóðin
hefur sýnt af sér ótrúlega þraut-
seigju og þolgæði. Andspyrnan gegn
hernáminu hefur tekið á sig ólík
form. Framan af virtust menn trúa á
að vopnuð barátta gæti skilað ár-
angri, en síðustu þrjá áratugina hef-
ur friðarstefna verið meginatriði hjá
forystu palestínsku þjóðarinnar og
fulltrúum hennar, PLO – Frels-
issamtökum Palestínu. Palestínu-
menn hafa lengi gert sér ljóst, að það
er einungis með friðarviðræðum að
réttlæt lausn næst sem tryggir báð-
um þjóðum frið og svæðinu öllu.
Íslensk stjórnvöld áttu sinn þátt í
skiptingu Palestínu en tillagan sem
samþykkt var á Allsherjarþingi
Sameinuðu þjóðanna 29. nóvember
1947 var lögð fram af sendiherra Ís-
lands. Hún gekk út á helmingaskipti
í stórum dráttum, en áður en langt
um leið var hlutur Gyðinga orðinn
fjórðungur landsins til
viðbótar. Í stríðsátökum
hafði stór hluti Palest-
ínumanna flúið frá
heimilum sínum og þeg-
ar vopnahlé komst á í
júní 1949 var skiptingin
orðin þannig að 78%
voru á valdi hins nýja
Ísraelsríkis en 22% eftir
handa Palest-
ínumönnum.
Það tók áratugi fyrir
Palestínumenn að sætta
sig við þessa skiptingu
og það gerðist ekki fyrr en Ísr-
aelsher hafði tekið landið allt í leift-
urstríði sem stóð í sex daga í júní-
byrjun 1967. Og þá áttu eftir að líða
20 ár til viðbótar þangað til Palest-
ínumenn viðurkenndu Ísraelsríki
innan þessara landamæra frá 1949.
Það gerðist með sjálfstæðisyfirlýs-
ingunni sem Yasser Arafat forseti
las upp á Þjóðþinginu 15. nóvember
1988. Þar með höfðu Palestínumenn
sæst á tveggja ríkja lausnina.
Hamas-samtökin sem voru þá ný-
stofnuð hafa ekki verið aðili að PLO
og ekki verið tilbúin að viðurkenna
tilvistarrétt Gyðingaríkisins Ísraels,
eins og það heitir formlega. Sam-
tökin hafa engu að síður verið
reiðubúin síðustu árin til friðar-
samninga við Ísrael á grundvelli
landamæranna eins og þau voru
1967, sem er sá grundvöllur sem al-
þjóðasamfélagið byggir á. For-
ystumenn Ísraelsríkis hafa hins veg-
ar aldrei verið reiðubúnir til að gefa
upp eða semja um ákveðin landa-
mæri. Í þeirri stöðu getur að sjálf-
sögðu verið erfitt að viðurkenna rík-
ið, ef menn vita ekki hvað er verið að
viðurkenna.
Deilurnar milli stærstu stjórn-
málafylkinganna í Palestínu, Fatah
og Hamas, spilla að sjálfsögðu mjög
fyrir baráttu þjóðarinnar. Stjórnir
Bandaríkjanna og Ísraels gera allt
sem þau geta til að ala á þessum
klofningi og þegar samningar hafa
náðst milli palestínsku fylkinganna
eins og gerðist nýverið á fundi í Jem-
en þá hótaði Ísraelsstjórn að slíta öll-
um friðarviðræðum.
Staðan er erfið en í grundvall-
aratriðum er palestínska þjóðin sam-
einuð í baráttu sinni fyrir friði, sjálfs-
ákvörðunarrétti, frelsi, fullveldi og
mannréttindum. Í þeirri baráttu er
palestínskt flóttafólk ekki gleymt.
Á þessum tímamótum efnir Félag-
ið Ísland-Palestína til opins fundar í
kvöld, fimmtudag 15. maí á Kaffí
Reykjavík, en þar hefst kl. 19:30 sýn-
ing á margverðlaunaðri heimild-
armynd eftir John Pilger, sem nefn-
ist Palestine is still the issue
(Palestína er enn málið). Þá flytja
ræður Jón Baldvin Hannibalsson
fyrrv. ráðherra og Salmann Tamimi
tölvunarfræðingur.
NAKBA 60 ára
hernám Palestínu
Sveinn Rúnar Hauksson skrifar
í tilefni af því að um þessar
mundir eru 60 ár liðin frá því
að Ísraelsríki var stofnað
Sveinn Rúnar Hauksson
»Um 750 þúsund
manns hröktust á
flótta frá heimilum sín-
um og í dag telja Sam-
einuðu þjóðirnar að
nærri fimm milljónir
Palestínumanna séu
landflótta
Höfundur er læknir og formaður
Félagsins Ísland-Palestína.