Morgunblaðið - 18.07.2008, Blaðsíða 11

MORGUNBLAÐIÐ FÖSTUDAGUR 18. JÚLÍ 2008 11
FRÉTTIR
Eftir Þorbjörn Þórðarson
thorbjorn@mbl.is
RANNSÓKNIR sýna að aukin,
sýnileg löggæsla, að fólk sjái lög-
reglu við eftirlit og störf, eykur
bæði öryggi og öryggistilfinn-
ingu. Sýnileg löggæsla fækkar
bæði afbrotum og dregur úr
áhættuhegðun. Þetta kemur fram
í nýrri grundvallarstefnu og
langtímaáætlun lögreglunnar á
höfuðborgarsvæðinu fyrir árin
2008-2011.
Lögreglan stefnir að því að
fækka afbrotum og slysum á veg-
farendum um fimm prósent á
árinu 2008 og um fimm prósent
milli ára næstu þrjú ár.
Framtíðarsýn lögreglunnar er
að lögreglan verði á innlendum
vettvangi meðal bestu ríkisstofn-
ana, bæði þegar horft er til faglegra
þátta og fjárhagslegs rekstrar og á
alþjóðlegum vettvangi verði horft til
hennar sem fyrirmyndarstofnunar á
sviði löggæslu.
Málsmeðferð stytt
Í áætluninni kemur fram að mik-
ilvægt sé að stytta málsmeðferð-
artíma sakamála. Stefnir embættið
á að stytta biðtíma eftir gögnum og
upplýsingum eftir því sem kostur er
og hafa í þeim tilgangi virkt eftirlit
með málshraða í hverju máli. Einn-
ig er stefnt að því að þróa leið til að
mæla hlutfall upplýstra mála svo
það liggi alltaf fyrir hve hátt hlutfall
kærðra mála er upplýst. Brotastarf-
semi hér á landi tengist í auknum
mæli skipulagðri glæpastarfsemi á
alþjóðlegum vettvangi. Er stefnt að
því að auka upplýsingamiðlun til al-
mennings um birtingarmyndir og
afleiðingar skipulagðrar glæpastarf-
semi. Á sérstaklega að huga að inn-
flutningi, sölu og dreifingu fíkniefna
með það að markmiði að draga úr
framboði, svo og markaðssetningu
fíkniefnasala gagnvart nýjum neyt-
endum.
Háleit markmið lögreglu
 Sýnileg löggæsla eykur bæði öryggi og öryggistilfinningu  Lögreglan hyggst fækka afbrotum og
slysum um fimm prósent  Mikilvægt að stytta málsmeðferðartíma í sakamálum
Í HNOTSKURN
»Á fjárlögum 2008 færlögreglan á höfuðborgar-
svæðinu um 2,9 milljarða til
rekstrar.
»Flestir íbúar telja inn-brot mesta vandamálið í
sínu hverfi eða 30%. 25%
segja það um umferð-
arlagabrot og 20% um
eignaspjöll.
» Í júní á þessu ári voruskráð hegningarlagabrot
hjá lögreglunni á höfuðborg-
arsvæðinu 755 talsins en 801
á sama tíma í fyrra. Skráð
umferðarlagabrot voru 2347
en 3021 í fyrra.
Morgunblaðið/Júlíus
Sýnileiki Sýnileg löggæsla fækkar afbrotum og dregur úr áhættuhegðun.
FRÉTTASKÝRING
Eftir Halldór Armand Ásgeirsson
haa@mbl.is
JAKOB Frímann Magnússon,
framkvæmdastjóri miðborg-
arinnar, segir borgina nú vera í
viðræðum við aðila um að gera
vegg einn rétt fyrir utan miðborg-
ina að vettvangi fyrir veggja-
listamenn. „Það er mikilvægt að
þetta sé gert í samráði við þá sem
eiga veggina og skipulags- og
byggingasvið borgarinnar,“ segir
Jakob.
„Við erum í sambandi við fólk
innan veggjalistar-greinarinnar og
aðila sem vilja ljá veggi sína undir
vegglistaverk. Það eru dæmi um
að slíkt samstarf hafi gefist mjög
vel og yfirvöld sýna listgreininni
fulla virðingu.“ Jakob segir hins
vegar tilefnislaus skemmdarverk
mæta litlum skilningi.
„Þeim sýnum við enga þol-
inmæði. Ef ekkert samráð er haft
við eigendur og yfirvöld, þá er
sama hvort menn byggja, múra,
mála eða kasta eggjum – það er
afmáð eins og skot. Þú tekur ekki
bara hús eða bíl einhvers manns
og byrjar að mála hann án sam-
ráðs. Spurningin er hvort þú
myndir ekki bara mála manninn
sjálfan næst – án leyfis frá hon-
um,“ segir hann.
Listin og krotið
Veggjalist er þó töluvert sjald-
gæfari en veggjakrot, sem löngum
hefur þótt mikið lýti á miðborg
Reykjavíkur og vart getur talist
til listsköpunar. Stefnt var að
markvissri upprætingu þess með
hreinsunarátaki í borginni í vor.
Skiptar skoðanir voru á umfangi
verkefnisins og þótti sumum nóg
um þegar starfsmenn borgarinnar
geystust á milli staða með pensil á
lofti. Vinstri grænir lögðu nýlega
fram bókun í borgarráði þess efnis
að of harkalega hefði verið gengið
fram og afraksturinn væri sá að
gömul listaverk í miðborginni
væru nú hulin málningu.
Staðreyndin er hins vegar sú að
eigendum húsa er ekki frjálst að
láta skapa listaverk utan á heimili
sín eða leyfa veggjakroti að
standa þar í friði. Leyfi þarf frá
byggingarfulltrúa til að breyta
„svipmóti“ eða formi húss og
skiptir þá engu hvort menn vilja
mála húsið sitt í fánalitum Belgíu
eða mála á það graffití-listaverk.
100 milljónir fóru í veggjakrot
og ófögnuð því tengdan í Reykja-
vík árið 2007. Sú tala verður vafa-
laust ekki lægri í ár.
Mikilvægt að mála strax
Jóhann Davíðsson lögreglumað-
ur segir mikilvægasta úrræðið
gegn veggjakroti vera að mála
strax aftur yfir það. Hann segir
jafnframt miklum erfiðleikum
bundið að góma skemmdarvarga.
Morgunblaðið/Valdís Thor
Krot Málað hefur verið yfir krot á þessum vegg á Skólavörðustíg. Einhver hefur skrifað á vegginn að leyfilegt sé að teikna þarna, en það er ekki rétt.
Sköpun og skemmdarverk
 Veggur fyrir utan miðborgina mögulega nýr vettvangur vegglistar  Tilefn-
islausu kroti engin miskunn sýnd  „Þú málar ekki hús eða bíl einhvers án leyfis“
Inga Ás-
grímsdóttir,
fyrrverandi
húsfreyja og
fréttaritari á
Borg í Mikl-
holtshreppi,
er látin, átt-
ræð að aldri.
Inga fæddist
24. nóv. 1927. Foreldrar hennar
voru Ásgrímur Gunnar Þor-
grímsson bóndi og Anna Stef-
ánsdóttir húsfreyja á Borg.
Eiginmaður Ingu var Páll
Pálsson, bóndi, hreppstjóri og
fréttaritari Morgunblaðsins í
Miklaholtshreppi, gjarnan
þekktur sem Páll á Borg. Páll og
Inga hófu búskap á Borg 1949
og bjuggu þar fram á elliár.
Páll andaðist á líknardeild
Landakotsspítala hinn 20. júní
síðastliðinn. Páll og Inga eign-
uðust fimm börn, 11 barnabörn
og eitt barnabarnabarn. Þau
áttu demantsbrúðkaupsafmæli
17. júní síðastliðinn.
Inga var ásamt Páli um ára-
tugi fréttaritari Morgunblaðsins
í sinni heimasveit og að leiðar-
lokum færir blaðið henni þakkir
fyrir störf hennar og sendir fjöl-
skyldunni jafnframt samúðar-
kveðjur.
Inga Ás-
grímsdóttir
Andlát
Ómar Ágústsson, áhugamaður um veggjalist, segir sárlega vanta
vettvang fyrir þá sem vilja skapa lögleg graffití-listaverk og stunda
listina án þess að vera stimplaðir glæpamenn um leið. „Það þarf að
viðurkenna hinar jákvæðu hliðar veggjalistar og rækta þær, ekki ein-
blína bara á neikvæðu hliðarnar,“ segir hann.
Hann segir skemmdarverk og krot hafa aukist mikið eftir að
veggjalist var bönnuð í undirgöngum við Miklubraut og við Austur-
bæjarskóla.„Það er auðvitað gott að málað sé yfir veggjakrotið en það
ætti að vera liður í að draga fram jákvæðar hliðar veggjalistar. Ekki
bara mála yfir allt saman eins og nú er gert.“
Jafnframt bætir hann við að líta ætti til Hafnarfjarðar þar sem
hægt sé að sækja um leyfi til listsköpunar í undirgöngum. Það fyr-
irkomulag hafi gefist mjög vel. haa@mbl.is
Vettvang vantar sárlega
GERT er ráð fyrir að reist verði
hótel og bankaútibú í nýbyggingu á
sameinaðri lóð Lækjargötu 12 og
Vonarstrætis 4 og 4b að því segir í
fréttatilkynningu frá Reykjavík-
urborg. Tillaga að breytingu á
deiliskipulagi Kvosarinnar vegna
lóðarinnar Lækjargötu 12 var sam-
þykkt á fundi borgarráðs í gær. Í
tillögunni er komið til móts við at-
hugasemdir frá íbúum í nágrenninu
m.a. með því að lækka bakhús til að
takmarka ekki birtu og útsýni íbúa
við Kirkjuhvol. Engir gluggar
verða á jarðhæð hótels í átt að íbúð-
arhúsum til að draga úr sjónrænum
tengslum millli íbúa og hótels. Í til-
kynningunni segir að verkefnið
samræmist stefnu borgaryfirvalda
um uppbyggingu í miðbænum sem
tengi menningarsögu og atvinnulíf.
jmv@mbl.is
Hótel rísi
í Kvosinni
Breytt deiliskipulag
samþykkt