Morgunblaðið - 18.07.2008, Blaðsíða 12

12 FÖSTUDAGUR 18. JÚLÍ 2008 MORGUNBLAÐIÐ
FRÉTTIR
NÝ reglugerð hefur tekið gildi um
bann við markaðssetningu, dreif-
ingu og sölu kveikjara án barnalæs-
ingar og kveikjara með óhefð-
bundið útlit sem höfða sérstaklega
til barna.
Tilgangur bannnsins er að fækka
slysum af völdum kveikjara. Talið
er að á milli 1.500-1.900 ein-
staklingar slasist og 30-40 láti lífið
árlega í ríkjum EES vegna fikts og
leiks barna með kveikjara.
Kveikjarabann
Morgunblaðið/Arnaldur
Eftir Líneyju Sigurðardóttur
Þórshöfn | Það er ekki hægt að segja að íbúar á norðausturhorninu hafi ver-
ið sólarmegin í lífinu það sem af er sumri því norðanátt og kuldi hafa ráðið
ríkjum. Þokan fylgir þessari hafátt með lágu hitastigi og tíðri úrkomu eða
súld. Maímánuður var þó venju fremur góður, svo bændur fengu ágæta tíð
í sauðburðinum. Þokukúfurinn hefur legið yfir byggðarlaginu svo allt
verður grátt og kalt, ekki beint upplífgandi fyrir sólarsvelt sálartetrið.
Meðalhiti frá miðjum júní hefur kannski náð því að hanga í 10 stigum.
Einstaka dagpartur hefur náð þokkalegum sumarhita, trúlega teljandi á
fingrum annarrar handar. Kaldara hefur oft verið hér á Langanesinu en
veðurspár gefa til kynna þar sem norðanáttin af hafinu en naprari en gert
var ráð fyrir við sjávarsíðuna.
Árla morguns er hitinn oft um 7°C og fer gjarnan niður fyrir það um
nætur. Á heiðum gerði jafnvel haglél í júní svo ekki er hlýindunum þar fyr-
ir að fara.
Morgunblaðið/Líney
Slyngir sláttumenn Þau María Jónsdóttir og Haukur Þórðarson eru hér
að verða sér úti um dropann dýra en þau sjá um sláttinn á Þórshöfn.
Haustleg veðrátta fyrir norðan
FYRIRTÆKI innan Icelandic Bus-
iness Forum (IBF) hafa safnað rúm-
lega 5 milljónum króna til að
byggja nýjan grunnskóla fyrir börn
í Sichuan-héraði í Kína þar sem
mikill jarðskjálfti reið yfir í maí sl.
Jarðskjálftinn sem var á bilinu
7,8-8 á Richter olli gífurlegun
skemmdum og er talið að 69 þúsund
manns hafi látið lífið í skjálftanum.
Innan vébanda IBF eru 24 íslensk
fyrirtæki sem eru með starfsemi í
Kína. Sendiráð Íslands í Beijing að-
stoðaði við fjársöfnunina og stofn-
unin China Youth Development Fo-
undation hefur einnig starfað að
verkefninu.
Talið er að framlag íslensku fyr-
irtækjanna og sendiráðsins muni
getað kostað stöndugan grunnskóla
á svæðinu og mun skólinn bera
nafnið Binghua Hope Primary
School. Bing er kínverska hljóð-
táknið fyrir ís og er táknrænt fyrir
Ísland en Hua er táknrænt fyrir
Kína, samkvæmt upplýsingum frá
íslenska utanríkisráðuneytinu.
Reuters
Skjálftar Margir Kínverjar hafa átt
erfitt frá því að skjálftinn reið yfir.
Íslendingar
kosta skóla
ÞJÓNUSTUMIÐSTÖÐ vegna Suðurlandsskjálftans er
starfrækt í Tryggvaskála á Selfossi. Þeir sem orðið hafa
fyrir tjóni vegna jarðskjálftans sem ekki fæst bætt með
tryggingum eða telja sig ekki hafa fengið fullnægjandi
úrlausn mála geta snúið sér þangað. Þar verður tekið á
móti öllum erindum og þau flokkuð og skráð. Af-
greiðslutími hvers erindis veltur á umfangi þess og er
ljóst að mörg flókin verkefni bíða úrlausnar og má búast
við talsverðri bið þar til afgreiðslu allra mála er lokið.
Þjónustumiðstöðin byrjar að taka á móti erindum á
mánudaginn nk. og verður hún opin mánudaga til
fimmtudaga kl. 13 til 16. Sími þjónustumiðstöðvarinnar
er 486 8638, verkefnisstjóri er Ólafur Örn Haraldsson og er sími hans 861
6744. Netfang þjónustumiðstöðvarinnar er olafurhar@tmd.is. Þeir sem
telja sig þurfa fyrirgreiðslu er bent á að panta tíma í síma þjónustu-
miðstöðvarinnnar eða með tölvupósti til Ólafs.
Þjónusta vegna jarðskjálftans
Ólafur Örn
Haraldsson
NÝR og uppfærður vefur ganga.is
hefur verið tekinn í notkun. Vef-
urinn hefur að geyma meiri og ít-
arlegri upplýsingar um gönguleiðir
vítt og breitt um landið. Á heima-
síðunni er að finna upplýsingar um
800 gönguleiðir á Íslandi ásamt
áhugaverðum fróðleik fyrir göngu-
og útivistarfólk. Ný göngukort eru
á síðunni auk upplýsinga um veður.
Vefurinn er samstarfsverkefni
Ungmennafélags Íslands, Ferða-
málastofu og Landmælinga Íslands.
Auk þess liggur leiðabókin Göngum
um Ísland frammi á sölustöðum Olís
um land allt. Bókin inniheldur lýs-
ingar á 300 gönguleiðum um landið
og er áhersla lögð á stuttar, stik-
aðar og aðgengilegar gönguleiðir.
Nýr gönguvefur
og leiðabók
STUTT
Eftir Steinþór Guðbjartsson
steinthor@mbl.is
FORNLEIFAVERND ríkisins er að
safna gögnum vegna hugsanlegra
skemmda á tröðum Jófríðarstaða í
Hafnarfirði, sem talið er að hafi orðið
þegar settar voru niður tvær færan-
legar kennslustofur við leikskólann
Hvamm. Íbúar við Suðurhvamm hafa
mótmælt þessari bráðabirgðastækk-
un þar sem botnlanginn beri ekki
aukna umferð og kært aðgerðirnar til
úrskurðarnefndar skipulags- og
byggingarmála í Hafnarfirði.
Jónatan Garðarsson, sem hefur lát-
ið sig varða örnefni, kennileiti og forn-
minjar í Hafnarfirði, segir að farið
hafi verið í gegnum tvo forna garða,
traðirnar heim að Jófríðarstöðum,
einni elstu jörð við Hafnarfjörð, og
þær eyðilagðar. Þarna sé talsvert af
minjum, sem m.a. sé getið um í ör-
nefnaskráningu, og eyðileggingin
nokkur. Þegar leikskólinn hafi verið
byggður hafi þar verið gamalt gerði,
Þinggerði, en talið sé að Leiðarþing
Kjalarnessþings hafi verið haldið þar
til forna. Jónatan óttast að verkinu sé
ekki lokið og fleiri minjar verði eyði-
lagðar verði framkvæmdir ekki stöðv-
aðar. „Það er mjög ljótt hvernig þetta
hefur verið gert,“ segir hann. „Þetta
er eins ruddaleg aðgerð og hægt er.“
Agnes Stefánsdóttir, fornleifafræð-
ingur og deildarstjóri hjá Fornleifa-
vernd ríkisins, segir að málið sé í
skoðun. Hún hafi kannað svæðið en
þurfi frekari gögn. Það varðar við
þjóðminjalög að skemma fornleifar.
Of mikið fyrir botnlangann
Eins og fyrr segir var tveimur fær-
anlegum kennslustofum komið fyrir
við leikskólann Hvamm. Áður en til
þess kom mótmæltu íbúar við Stað-
arhvamm stjórnsýslunni og þeim að-
ferðum sem notaðar voru við aðgerð-
irnar. Þeir fóru fram á að
framkvæmdum yrði hætt þar til leyst
yrði úr vandamálum vegna umferðar
við skólann.
Halldór Halldórsson, íbúi við Stað-
arhvamm, segir að með stækkuninni
verði rúmlega 100 börn í leikskólan-
um. Það þýði miklu meiri umferð en
botnlanginn þoli. Huga þurfi að bíla-
stæðismálum áður en lengra sé hald-
ið. Yfirvöldum hafi verið kunnugt um
hug íbúa í apríl en ekki hafi verið
hlustað á þá og engin grenndarkynn-
ing farið fram. Stofunum hafi síðan
verið komið fyrir í skjóli nætur.
Varað við eyðilegg-
ingu merkra minja
Íbúar mótmæla stækkun leikskólans Hvamms í Hafnarfirði
Morgunblaðið/Árni Sæberg
Mótmæli Færanlegu stofurnar komnar á sinn stað. Íbúar sætta sig ekki við bráðabirgðastækkun leikskólans.
Ljósmynd/Halldór Halldórsson
Framkvæmdir Hluta suðurtraða Jófríðarstaða mokað í burtu af stórvirkum
vinnuvélum. Áður höfðu íbúar óskað eftir frestun framkvæmda.
Í HNOTSKURN
» Halldór Halldórsson segir að allir íbúar 18 ára og eldri við botn-langagötuna Staðarhvamm í Hafnrfirði séu á móti aðgerðunum
og það hafi bæjaryfirvöldum verið ljóst daginn áður en byrjað hafi
verið að grafa.
» Nú eru 38 bílastæði til almenningsnota við Staðarhvamm. Íbú-arnir telja að a.m.k. 170 bílar verði í götunni kvölds og morgna
vegna stækkunar leikskólans auk þess sem starfsmönnum fjölgi.
Eftir Unu Sigvhatsdóttur
unas@mbl.is
BÍLSTÓLAR og bílbelti eru gríð-
armikilvæg öryggistæki þegar
ferðast er með börn í bílum, en samt
sem áður er allt of algengt að for-
eldrar vanræki að tryggja þannig ör-
yggi barna sinna, samkvæmt könnun
sem framkvæmd var af Umferðar-
stofu, Forvarnahúsinu og Slysa-
varnafélaginu Landsbjörgu í maí síð-
astliðnum.
Góðu fréttirnar eru þær að ástand-
ið hefur batnað mjög á síðustu 13 ár-
um, en þegar könnunin var fram-
kvæmd fyrst árið 1996 voru
niðurstöðurnar vægast sagt óásætt-
anlegar að því er segir í fréttatilkynn-
ingu. Síðan þá virðist hafa orðið hug-
arfarsbreyting og Íslendingar eru nú
mun meðvitaðari um aðbúnað barna
sinna í bílum, en þrátt fyrir það eru
enn of margir sem nota rangan bún-
að.
Áberandi þykir hversu snemma
börn eru sett á bílpúða þegar þau eigi
enn að vera í barnabílstól, en alls voru
14,2% barnanna í öryggisbúnaði sem
ekki hæfði stærð þeirra og þyngd. Þá
sátu 20 börn fyrir framan virkan ör-
yggispúða, en það er stranglega
bannað þar sem hann getur verið
þeim banvænn ef hann springur út.
Fram kemur í niðurstöðum könn-
unarinnar að fylgni er á milli þess
hvort ökumenn noti bílbelti og hvort
börn séu í öryggisbúnaði. 14,5%
þeirra ökumanna sem ekki notuðu
bílbelti höfðu börn sín ekki í örygg-
isbúnaði, en aðeins 1,7% þeirra bíl-
stjóra sem sjálfir notuðu bílbelti. Þá
hefur verulega dregið úr því að börn
séu laus í bílunum. Árið 1997 voru
32% af heildinni laus, en í ár aðeins
3% og er þróunin því til betri vegar.
Öryggi barna vanrækt
Íslendingar virðast orðnir meðvitaðri um öryggi barna
sinna í bílum en enn tíðkast þó að aðbúnaður sé ekki réttur
Í HNOTSKURN
»Umferðarstofa, Forvarna-húsið og Slysavarnafélagið
Landsbjörg hafa kannað öryggi
barna í bílum árlega frá árinu
1996.
»Farið var í 58 leikskóla og ör-yggisbúnaður 1886 barna
skoðaður
»10 þúsund króna sekt bíðurökumanns sem ekki tryggir
öryggi barns í akstri.