Morgunblaðið - 27.09.2008, Blaðsíða 4

4 LAUGARDAGUR 27. SEPTEMBER 2008 MORGUNBLAÐIÐ
FRÉTTIR
Eftir Birnu Önnu Björnsdóttur
í New York
bab@mbl.is
FRAMFARIR í tækni, þar á meðal
tækni til samskipta, ásamt skilvirkari
stjórnunarháttum, eru atriði sem
Sameinuðu þjóðirnar geta nýtt sér
svo þær séu betur búnar undir verk-
efni 21. aldarinnar. Þetta sagði Geir
H. Haarde forsætisráðherra í ræðu
sinni á allsherjarþingi Sameinuðu
þjóðanna í New York síðdegis í gær.
„Sameinuðu þjóðirnar eru langt frá
því að vera fullkomnar en hlutverk
þeirra í alþjóðlega kerfinu er óum-
deilt og ómissandi,“ sagði hann.
Forsætisráðherra sagði fara vel á
því að þau sem þarna væru saman
komin nú hefðu framsýni og hugrekki
til að taka skref í þá átt að hægt yrði
að tala um 21. öldina sem öld Samein-
uðu þjóðanna.
Hann vakti máls á loftslagsbreyt-
ingum og tengdi þá umræðu orku-
málum.
„Það þarf sameiginlegt átak al-
þjóðasamfélagsins til að vinna gegn
þeim ógnum sem blasa við vegna
loftslagsbreytinga. Starfsystkin mín
frá litlum eyríkjum í þróunarlönd-
unum og mörgum fátækum þróun-
arríkjum hafa oft bent á hve hættan
er mikil. Þau eru í fremstu víglínu,
berskjölduð og viðkvæm fyrir vax-
andi afleiðingum loftslagsbreytinga.
En að lokum munum við öll verða fyr-
ir áhrifum þessa. […] Aðeins með því
að bjóða upp á aðra orkugjafa, sem
eru skilvirkir og hagkvæmir, verður
hægt að losa þjóðir heims undan því
að vera háðar jarðefnaeldsneyti. Ís-
land nýtur þeirrar gæfu að eiga
gnægð af vatnsorku og jarðhita og
hefur þegar náð því marki að 80%
orkuneysla þjóðarinnar kemur frá
hreinum, endurnýjanlegum orkugjöf-
um. Þeirri þekkingu og tækni sem við
eigum í þessum efnum hefur verið
deilt með þróunarríkjum og Íslend-
ingar eru hreyknir af því að hýsa
Jarðhitaskóla Sameinuðu þjóðanna.“
Þá sagði forsætisráðherra að ís-
lensk stjórnvöld myndu halda áfram
að boða jafnrétti kynjanna á al-
þjóðavettvangi. Hann sagði að heim-
urinn í dag hefði hafnað misrétti í
garð ólíkra kynþátta og að tími væri
kominn til að kynbundið misrétti yrði
einnig talið óviðunandi um allan heim.
Reynir á tækifæri smærri ríkja
Að lokum vék hann máls á fram-
boði Íslands til öryggisráðs SÞ. Hann
tók fram að framboðið hefði fullan
stuðning hinna Norðurlandanna og
hét því að næði Ísland kjöri, yrði unn-
ið samkvæmt því fordæmi og þeirri
sterku hefð sem Norðurlöndin hefðu
sett með setu sinni í ráðinu.
„Við sækjumst eftir þessu sæti
sem lýðræðisríki sem á ekki í deilum
við önnur ríki; ríki sem hefur í gegn-
um tíðina leyst deilur sínar með frið-
sömum hætti; ríki sem virðir mann-
réttindi; ríki sem hefur enga verulega
geópólitíska hagsmuni og getur því
nálgast málefni með ákveðinni hlut-
lægni. Hér reynir líka á hvort smærri
ríki innan vébanda okkar, frá hvaða
heimshluta sem er, fái tækifæri til að
sitja í öryggisráðinu, og það er nokk-
uð sem styrkir lögmæti þess.“
SÞ eru ekki fullkomnar en ómissandi
Funduðu Geir H. Haarde og Ban Ki-
moon, aðalframkvæmdastjóri SÞ.
Eftir Ágúst I. Jónsson
aij@mbl.is
SKIPULAGSRÁÐ er með til með-
ferðar breytingar á deiliskipulagi á
svokölluðum Hljómalindarreit, sem
afmarkast af Laugavegi, Klappar-
stíg, Hverfisgötu og Smiðjustíg. Í
greinargerð kemur fram að á svæð-
inu verða verslanir, skrifstofur, veit-
ingastaðir og sjö hæða hótel. Einnig
er gert ráð fyrir stóru torgi eða
garði inn á milli húsanna. Það er
fasteignafyrirtækið Festar sem
vinnur að uppbyggingu á reitnum.
Ætlunin er að gera upp að hluta til
Laugaveg 17. Laugavegur 21, þar
sem verslunin Hljómalind var áður,
verður einnig gerður upp og látinn
halda hlutverki sínu. Á milli þeirra
húsa verður reist nýbygging með
gömlum formum við Laugaveg 19.
Nýtt hús verður byggt við Klapp-
arstíg þar sem áður voru Sirkus og
skrifstofur Eve Online við Klapp-
arstíg 28 og 30.
Festar eiga ekki húsin við Lauga-
veg 13 og 15, þar sem m.a. eru til
húsa skartgripaverslun og úrsmíða-
meistari og Spilabúð Magna var áð-
ur, og Klapparstíg 26, þar sem Hótel
Klöpp er.
Verslanir og þjónusta á
jarðhæð allra bygginga
Verslanir og þjónusta eru á jarð-
hæð allra bygginga í tillögunni.
Heimilt er einnig að hafa verslanir í
kjallara og á annarri hæð bygginga.
Lagt er til að inni á reitnum verði
torg í skjóli fyrir vindum og bílaum-
ferð með kaffihúsum, veitingastöð-
um og verslunum. Á torginu er mikil
áhersla lögð á skjólgott og sólríkt
útirými. Möguleiki er á upphitun í
þessu rými þannig að gestir og
gangandi geti notið miðbæjarlífsins
allt árið um kring.
Stór inngangur verður inn á torg-
ið frá Laugaveginum, við hliðina á
Hljómalind, en lögð er áhersla á gott
aðgengi og verða alls fimm inn-
gönguleiðir á torgið.
Við Hverfisgötu og Smiðjustíg er
gert ráð fyrir hótelbyggingu og
verður gestamóttakan á horni
Hverfisgötu og Smiðjustígs. Á þessu
horni er byggingin gerð eins gegnsæ
og kostur er til að sjónlínur haldist
upp nálægar götur og í gegnum
hana að torginu. Sjötta og sjöunda
hæð eru dregnar nokkuð inn frá
götu sem gerir það að verkum að
gangandi vegfarendur skynja bygg-
inguna lægri. Á sjöundu hæð er
hugsaður veitingastaður með þak-
garði og útsýni yfir að nýju menn-
ingarhúsi og höfninni.
Fjárfest til framtíðar
Markmið Festa er að eiga og reka
nýbyggingarnar á reitnum og í ljósi
þeirrar stefnu er fjárfest til fram-
tíðar en ekki til skamms tíma, segir í
greinargerð með tillögunni.
Gert er ráð fyrir að framkvæmdir
geti hafist á næsta ári og að fram-
kvæmdatími verði um 3 ár.
Árið 2007 voru þrjár arkitekta-
stofur fengnar til að vinna hönn-
unarhugmyndir að uppbyggingu á
reitnum og síðastliðið vor tók skipu-
lagsráð Reykjavíkurborgar afstöðu
til þess hver þeirra félli ráðinu best
til áframhaldandi vinnu við þróun
nýs deiliskipulags fyrir reitinn. Til-
laga að breytingu á deiliskipulagi á
reitnum var lögð inn sem erindi til
skipulagsyfirvalda fyrr í þessum
mánuði og er það arkitektastofan
arkitektur.is sem vann tillöguna.
Laugavegur Sérhannaður gróðurveggur setur svip á gaflana við aðalinnganginn á torgið.
Upphitað torg og sjö hæða hótel
 Skipulagsráð fjallar um tillögur að Hljómalindarreitnum  Áhersla á gott aðgengi inn á torgið
 Uppbygging Festa á reitnum taki 3 ár  Hljómalindarhúsið og húsið við Laugaveg 17 standa áfram
Tillaga Hljómalindarreiturinn afmarkast af Laugavegi, Klapparstíg, Hverfisgötu og Smiðjustíg. Fremst á myndinni
er Hljómalindarhúsið, sem verður áfram á sínum stað og sömuleiðis húsið við Laugaveg 17. Efst er hótelið.
Festar ehf. er fasteignafélag
sem sérhæfir sig í þróun fast-
eignaverkefna og útleigu með
áherslu á miðborg Reykjavíkur.
Félagið á allan Hljómalind-
arreitinn að frátöldum Lauga-
vegi 13 og 15 og Klapparstíg 26.
Einnig eiga og reka Festar
fasteignir á stórum hluta á
reitnum á milli Klapparstígs og
Vatnsstígs.
Fyrirtækið var með uppbygg-
ingu á Ölgerðarreitnum, sem
var tilnefnd til íslensku bygg-
ingalistaverðlaunanna í fyrra.
Markmið Festa er að taka
þátt í því að marka nýtt upphaf
fjölbreyttrar verslunar, þjón-
ustu og mannlífs í miðborginni í
sátt við umhverfið sem fyrir er.
Áhersla er lögð á að öll upp-
bygging, bæði endurbætur á
húsum og nýbyggingar, verði
eins vönduð og kostur er.
Áhersla Festa
á miðborgina
Torgið Kaffihús, veitingastaðir, verslanir og gott aðgengi einkenna garðinn á milli húsanna.
Teikning/arkitektur.is
Geir H. Haarde forsætisráð-
herra átti í gær fund með Ban
Ki-moon, aðalframkvæmda-
stjóra SÞ, í New York. Þeir
ræddu m.a. um alþjóðleg við-
brögð við afleiðingum loftlags-
breytinga og framboð Íslands til
setu í öryggisráðið. Ban Ki-
moon þáði boð forsætisráð-
herra um að heimsækja Ísland
þegar tækifæri gæfist.
Þáði heimboðiðForsætisráðherra hélt ræðu á allsherjarþingi SÞ í New York í gær