Morgunblaðið - 27.09.2008, Page 14

14 LAUGARDAGUR 27. SEPTEMBER 2008 MORGUNBLAÐIÐ
FRÉTTIR
DANSKA varðskipið Knud Rasm-
ussen kom til Reykjavíkur í gær.
Skipið er nýjasta skip danska flot-
ans og er sérstaklega ætlað til sigl-
inga á hafísslóðum. Varðskipið
verður opið almenningi í dag, laug-
ardag, milli kl. 13 og 16 þar sem
það liggur við bryggju á Miðbakka.
Skipið var nefnt eftir danska
landkönnuðinum Knud Rasmussen
(1879-1933). Skrokkur og yfirbygg-
ing skipsins voru smíðuð í Póllandi
en gengið var frá innréttingum og
tækjabúnaði í Danmörku. Skipið er
ætlað til eftirlits- og björg-
unarstarfa á hafinu umhverfis
Grænland og sérútbúið sem slíkt.
Um borð er 12 m langt björg-
unarskip sem sjósett er úr skut-
rennu skipsins. Varðskipið er 71,8
metrar að lengd og breidd þess er
14,6 m. Í áhöfn skipsins eru að jafn-
aði 18 manns en aðstaða er fyrir 43
um borð. Talsverð endurnýjun
danska flotans stendur nú yfir en
tvö skip af sömu tegund bætast
brátt við og verða öll skipin á
Grænlandi og leysa þar með af
hólmi skip sem þjónað hafa svæðinu
síðastliðin 40 ár.
Nýtt danskt varðskip verður
til sýnis í Reykjavíkurhöfn
Varðskip Knud Rasmussen við Grænland.
Á FIMMTUDAGINN nk. hefst
þriðja fræðslukvöld haustsins á
vegum fullorðinsfræðslu Hafn-
arfjarðarkirkju í
umsjá sr. Þór-
halls Heim-
issonar.
Að þessu sinni
verður skoðaður
hinn heillandi
heimur krist-
innar táknafræði
og talnaspeki
sem fáir vita af.
Þannig vita fæstir að skjaldarmerki
Íslands er upprunnið í Opinber-
unarbókinni en ekki hjá Snorra
Sturlusyni eins og þó stendur á vef
forsætisráðuneytisins.
Þessi Biblíutákn og fjölmörg önn-
ur verða rýnd og rædd á námskeið-
inu. Auk þess verður fjallað um
hakakrossinn og fleiri krossa, upp-
runa þeirra og merkingu og önnur
trúartákn og talnaspeki úr ýmsum
áttum sem sýna samruna kristni og
annarra trúarhugmynda.
Námskeiðið hefst kl. 20 og er
ókeypis og öllum opið.
Fræðslukvöld
um trúartákn
Í DAG, laug-
ardag, mun
Ragnheiður
Laufdal verða
vígð til embættis
safnaðarprests
Boðunarkirkj-
unnar.
Ragnheiður
stundaði guð-
fræðinám til M.A. in Pastoral Min-
istry við Andrews University í
Michigan í Bandaríkjunum. Vígsla
og hátíð hefst kl. 11 að Hlíða-
smára 9 í Kópavogi. Allir eru vel-
komnir.
Prestvígsla í
Boðunarkirkjunni
Í TILEFNI af 20 ára afmæli fjöl-
skylduráðgjafar HAK efnir Heilsu-
gæslustöðin á Akureyri til málþings
föstudaginn 3. október, en hún er
ætluð fagfólki og stjórnendum á heil-
brigðis- og félagssviði. Málþingið er
haldið undir yfirskriftinni „Máttur
tengslanna“. Á málþinginu verður
kynnt það nýjasta í samskiptafræð-
um, í samspili erfða og aðstæðna og
hvað skapar heilbrigði og hvað sjúkleika. Ennfremur verður horft til þeirr-
ar reynslu sem við höfum öðlast. „Samfélagsþróunin er slík í dag að mikil
og vaxandi þörf er fyrir margvíslega þjónustu og stuðning við fjölskyldur
og einstaklinga sem eru að takast á við afleiðingar áfalla, mikillar streitu,
sjúkdóma eða vanrækslu,“ segir í fréttatilkynningu. Bent er á að mikilvægt
sé að foreldrum bjóðist aðgengileg aðstoð til að takast á við streitu, áföll,
erfið samskipti eða vanlíðan innan fjölskyldunnar.
Málþingið er haldið á Hótel KEA og stendur frá kl. 8.30 til 16.30.
Málþing um mátt tengslanna
VELFERÐARNEFND Norður-
landaráðs leggur til að Norræn
barnavog eða samræmingarstofnun
sem fjalli um
málefni barna og
unglinga, sem
sætt hafa ofbeldi,
verði sett á lagg-
irnar, svo og
barnahús í öllum
norrænu ríkj-
unum og á sjálf-
stjórnarsvæð-
unum. Tillögur
nefndarinnar miða að því að bæta
stöðu barna sem sætt hafa ofbeldi á
Norðurlöndum. Tillaga er gerð um
að vogin fylgist með þróuninni og
miðli upplýsingum og þekkingu á
Norðurlöndum og á alþjóðavett-
vangi um ofbeldi og þær aðgerðir
sem tiltækar eru hverju sinni.
„Við höfum fengið betri og ít-
arlegri upplýsingar um samhengið
milli ofbeldis gegn börnum og
heilsufars þeirra á fullorðinsaldri.
Mjög algengt er að börn sem hafa
verið beitt ofbeldi verði sjúklingar
þegar þau fullorðnast,“ segir Siv
Friðleifsdóttir, formaður velferð-
arnefndarinnar.
Tillagan verður tekin fyrir á
Norðurlandaráðsþinginu í Helsinki
í lok október.
Velferðarnefndin vill setja á
stofn norræna barnavog
Siv Friðleifsdóttir
RJÚPNAVEIÐAR verða með sama
fyrirkomulagi í haust og í fyrra-
haust, samkvæmt ákvörðun Þórunn-
ar Sveinbjarnardóttur umhverfis-
ráðherra. Veiðitímabilið verður frá 1.
til 30. nóvember. Leyft verður að
veiða á fimmtudögum, föstudögum,
laugardögum og sunnudögum.
Áfram verður sölubann á rjúpum og
rjúpnaafurðum. Svæði á Suðvestur-
landi verður áfram friðað fyrir veiði.
Mælst er til þess að hver veiðimaður
veiði ekki fleiri en tíu fugla. Eftirlit
verður með veiðunum á landi og úr
lofti eftir því sem kostur er.
„Þetta er það sem við lögðum til,“
sagði Sigmar B. Hauksson, formað-
ur Skotveiðifélags Íslands. „Við telj-
um að takmarkanir sem verið hafa á
rjúpnaveiðum séu loksins að skila
sér.“ Skotveiðifélagið lagði til í fyrra
að sami veiðitími yrði 2007, 2008 og
2009. Í byrjun desember ætlar félag-
ið að halda ráðstefnu til að ræða hvað
taka eigi við. Sigmar sagði að Skot-
veiðifélagið hefði viljað viðhalda
rjúpnaveiðum en takmarka þær við
þol stofnsins. Reynslan sýndi að
skotveiðimenn væru löghlýðnir ein-
staklingar og virtu friðunardagana.
Veiðin hefði verið mjög hófleg.
Í fréttatilkynningu frá umhverfis-
ráðuneytinu segir að ákvörðunin
byggist á mati Náttúrufræðistofnun-
ar Íslands á veiðiþoli rjúpnastofnsins
og mati Umhverfisstofnunar á heild-
arveiði í fyrra.
„Óvænt þróun hefur orðið í
rjúpnastofninum að mati Náttúru-
fræðistofnunar. Fækkunarskeið er
afstaðið eftir aðeins tvö ár, kyrrstaða
er um landið vestanvert en á austari
hluta lands er fjölgun í stofninum.
Að mati stofnunarinnar gætir hér
hugsanlega áhrifa af þeirri miklu
sóknarskerðingu sem ákveðin var
síðastliðið haust en veiðidögum var
þá fækkað í átján. Einnig er talið að
veiðimenn hafi hlýtt hvatningu um
að sýna hófsemi í veiðum,“ segir m.a.
í tilkynningu ráðuneytisins.
Rjúpnaveiðar með sama
sniði og á síðasta ári
Áfram sölubann á rjúpum og veitt fjóra daga í viku
Karri Mælst er til þess að veiðimenn
veiði ekki meira en tíu fugla hver.
Eftir Sigrúnu Birnu Birnisdóttur
sibb@mbl.is
TIL stendur að
gera heimild-
armynd um það
er íslensk stjórn-
völd, nokkur fyr-
irtæki og athafna-
menn gerðu
tilraun til að opna
og reka veit-
ingastað í London
árið 1965.
Sólveig Ólafsdóttir sagnfræðingur
mun gera myndina ásamt Þorsteini J.
Vilhjálmssyni en hún heldur fyr-
irlestur á ráðstefnunni Af hlaðborði
aldarinnar í dag.
Markmiðið með opnun veitinga-
staðarins var að sögn Sólveigar land-
kynning og tilraun til að auka sölu á
íslenskum matvælum í Bretlandi.
Sólveig segir það skondið í ljósi þess
að þetta hafi verið á millistríðsárum
þorskastríðanna. Bretar hafi þá ný-
lega klárað takmarkaðan veiðirétt
sem þeir hafi fengið í kjölfar fyrra
þorskastríðsins og þeim hafi því í
raun verið úthýst af Íslandsmiðum.
Það skjóti því skökku við að sjá ís-
lenskan fisk kynntan á matseðli þar
sem m.a. sé fjallað um áferð og bragð
fisksins og hann sagður veiddur á
frægustu fiskimiðum í heimi. Á mat-
seðlinum er því einnig haldið fram að
Polar-bjórinn sé þjóðardrykkur Ís-
lendinga ásamt brennivíninu en Sól-
veig bendir á að á þessum tíma hafi
sala á bjór verið ólögleg á Íslandi.
Hlutafé aukið
Kostnaður við verkefnið var gríð-
arlegur enda var ekkert til sparað.
Gerður var 14 ára húsaleigusamn-
ingur og innréttingar sérsmíðaðar í
Hafnarfirði og fluttar til London. Allt
starfsfólk staðarins var einnig ís-
lenskt og voru þjónustustúlkurnar í
sérsaumuðum hnésíðum upphlutum
með appelsínugulum skyrtum og
svuntum.
Vegna mikils kostnaðar kom til
þriggja milljóna króna hlutafjáraukn-
ingar strax haustið 1965. Veitinga-
staðurinn var opnaður formlega 16.
desember það ár en honum var lokað
strax aftur þar sem húsnæðið var
ekki tilbúið. Hann var síðan opnaður
fyrir áramót og rekinn undir nafninu
Iceland Food Center fram í júlí 1967.
Þá var honum lokað tímabundið en í
mars árið 1968 var hann opnaður að
nýju í samvinnu við Angus Steak-
house. Nokkrum árum síðar drógu
Íslendingar sig út úr rekstrinum.
Kynntu fisk sem Bretar
máttu ekki veiða
Ríkisrekins veitingahúss í London minnst á sýningunni
Reykvíska eldhúsið – matur og mannlíf í hundrað ár
Ljósmynd/Þjóðskjalasafn Íslands
Glæsileg opnun Menn voru bjartsýnir við opnun veitingastaðarins Iceland Food Center í London árið 1965. Fyrir
miðri mynd er Ingólfur Jónsson, þáverandi landbúnaðarráðherra. Ríkið lagði fram helming hlutafjár.
Í HNOTSKURN
»Hlutafélagið Iceland FoodCenter var stofnað í Ráð-
herrabústaðnum í mars árið
1965.
»Hlutaféð var 5 milljónirkr.
»Ríkissjóður átti 50% hluta-fjár, SÍS 20%, Framleiðslu-
ráð landbúnaðarins 20% og
Loftleiðir hf. 10%. Þá áttu 12
stjórnarmenn einnig 500 kr.
hlut hver.
Sólveig Ólafsdóttir
ÓLAFUR Ísleifs-
son hagfræð-
ingur og lektor
við HR verður
gestur á súpu-
fundi Lands-
sambands
kvenna í Frjáls-
lynda flokknum í
dag kl. 12 til 14 í
félagsheimili flokksins að Skúlatúni
4, 2. hæð. Allir eru velkomnir.
Fundur Frjálslyndra