Morgunblaðið - 27.09.2008, Side 15

MORGUNBLAÐIÐ LAUGARDAGUR 27. SEPTEMBER 2008 15
FRÉTTIR
HAFÐU SAMBAND VIÐ VERÐBRÉFARÁÐGJÖF GLITNIS Í SÍMA 440 4920
EÐA FARÐU Á WWW.GLITNIR.IS TIL AÐ FÁ NÁNARI UPPLÝSINGAR.
ÖRUGG OG HÁ ÁVÖXTUN
Í RÍKISSKULDABRÉFUM
Sjóður 5 - íslensk ríkisskuldabréf - hentar öllum þeim sem leita að öruggri ávöxtun þar
sem sjóðurinn fjárfestir eingöngu í skuldabréfum með ríkisábyrgð. Sjóðurinn hefur náð
bestum árangri sambærilegra verðbréfasjóða á markaðnum síðustu 5 ár samkvæmt
opinberum gögnum og er því frábær kostur fyrir þá sem vilja örugga og góða ávöxtun.
Ávöxtun skv. www.sjodir.is tímabilið 31.8.2007 - 31.8.2008. Ávöxtun í fortíð er ekki ávísun á ávöxtun í framtíð. Sjóður 5 er verð-
bréfasjóður skv. lögum nr. 30/2003 um verðbréfa- og fjárfestingasjóði. Rekstrarfélag sjóðsins er Glitnir Sjóðir hf. Allar nánari upp-
lýsingar um sjóðinn er hægt að nálgast á www.glitnir.is/sjodir.
*
21,4%*
Verðtryggður ríkisskuldabréfasjóður
með mjög góðri ávöxtun.
Sjóður 5
Eftir Unu Sighvatsdóttur
una@mbl.is
„ÉG UPPLIFÐI þetta í raun sem
bjargvætt og hugsa að ég hefði ekki
haldið áfram í námi ef ekki hefði verið
fyrir þetta,“ segir
Atli Þór Fanndal
sem hlaut verð-
laun fyrir þátttöku
sína í Nýsköp-
unarkeppni
grunnskólanem-
enda árið 1995, þá
12 ára gamall. Eft-
irmyndir af upp-
finningu Atla hafa
nú verið smíðaðar
sem verðlaunagripir fyrir sigurvegara
keppninnar í ár.
„Þetta var mikið snilldartól sem
kallaðist kökuklemman,“ útskýrir
Atli. „Ég glímdi við það vandamál sem
barn að geta ekki skorið rúllutertur
jafnbeint og aðrir og þetta fór mjög í
taugarnar á mér.“ Hann hannaði því
verkfæri sem virkar sem hnífur og kö-
kuspaði í senn og tryggði honum ný-
sköpunarverðlaunin.
Kökuklemman var framleidd í 50
eintökum fyrir Reykjavíkurborg sem
notaði þær til gjafa fyrir opinbera
gesti. „Já, já, þetta fór í framleiðslu en
náði víst aldrei sömu markaðs-
hlutdeild og ostaskerinn,“ segir Atli
og hlær. Hann segir hins vegar að ný-
sköpunarnámið sem var undanfari
keppninnar hafi verið ómetanlegur í
raun breytt lífi hans að ýmsu leyti.
„Svona eftir á að hyggja, eftir að
hafa lokið námi, finnst mér að besta
menntun sem þú getir gefið nokkru
barni sé að geta hugsað sjálfstætt. Við
erum að mennta núna fólk sem sest í
helgan stein 2070 og við höfum enga
hugmynd um hvernig tíðarandinn
verður þá, en það er góður grunnur til
framtíðar að kenna krökkum að hugsa
aðeins út fyrir rammann og finna að ef
það er vandamál þá er enginn betri til
að leysa það en þú sjálfur.“
Atli átti sjálfur erfitt uppdráttar
þegar hann var í grunnskóla, varð fyr-
ir einelti og fann sig ekki í náminu.
Hann var hins vegar svo heppinn að
ganga í Foldaskóla sem var leiðandi í
nýsköpunarkeppninni fyrstu árin og
þátttaka í henni breytti í raun við-
horfi Atla til lífsins. „Þegar fólk fellur
illa inn í hópinn þá eyðileggst það í
rauninni að hluta, svo það er nóg að fá
eitthvert svona viðfangsefni að dunda
við til að fá þá tilfinningu að einhvers
staðar í skólakerfinu sé þó ekki búið
að afskrifa þig.
Ég er ekki að segja að þetta geti
bjargað öllum en þetta er sannarlega
nám fyrir alla því þetta er ákveðinn
hugsunarháttur sem þú temur þér og
notar í öllum þáttum lífsins.“
Eftir grunnskóla fór Atli í fram-
haldsskóla, sem hann þakkar m.a.
hvatningu nýsköpunarkeppninnar,
og hefur síðan búið í Noregi við nám í
kvikmyndun, í Danmörku, Indlandi
og nú Bretlandi. Hann skynjar
ákveðin einkenni hjá Íslendingum
eftir samanburð við aðrar þjóðir.
Vandamálin eru til að leysa þau
„Það sem aðskilur t.d. Breta og Ís-
lendinga algjörlega er að það er allt
rosalegt vandamál fyrir Bretum og
maður hugsar með sér hvað það væri
nú gott ef þeir hefðu lært að það er
enginn betri til að leysa þessi vanda-
mál en einmitt þú sjálfur. Þú finnur
alveg muninn og að það er ótrúlega
mikið sem fylgir því að vera Íslend-
ingur og sérstaklega Íslendingur sem
hefur hlotið nýsköpunarnám.“
Keppnin breytti lífinu
Nýsköpunarkeppni grunnskóla er
ómetanleg að sögn gamals sigurvegara
1995 Atli skrifaði undir samning við
borgina um kaup á 50 kökuklemmum.
Atli Þór Fanndal
Hagnýtur Verðlaunagripurinn er
hnífur og kökuspaði í senn.
Nýsköpunarkeppni grunnskóla-
nemenda er nú haldin í 18. sinn
og var metþátttaka í ár með
3.600 hugmyndum frá 65 grunn-
skólum. Í tengslum við keppnina
eru haldin nýsköpunarnámskeið í
skólunum sem ætluð eru til að
leiðbeina nemendum í hug-
myndavinnu.
Keppnisflokkarnir í ár voru
fjórir; almennt, slysavarnir, orka
og umhverfi og hugbúnaður og
tölvuleikir. Þær uppfinningar
sem krakkarnir skapa eru svo
metnar út frá hagnýti, nýnæmi
og markaðshæfi. 50 tillögur
komast í úrslit og eru uppfinn-
ingamennirnir boðaðir í vinnu-
smiðju þar sem 14 vinnings-
hugmyndir voru valdar í ár.
Lokahóf nýsköpunarkeppn-
innar verður haldið á morgun í
húsnæði Marels. Þar mun Atli
Þór Fanndal segja frá áhrifum
keppninnar á líf sitt og loks vera
Ólafi Ragnari Grímssyni, forseta
Íslands, innan handar við að
veita verðlaunin, en eins og áður
segir verður verðlaunagripurinn
byggður á uppfinningu hans frá
árinu 1995.
Einnig verður sýning á hug-
myndum barnanna opnuð í loka-
hófinu og stendur hún í 3 daga.
Sköpunargáfan er ræktuð
hjá íslenskum börnum á hverju ári
NÝR fréttavefur
hóf göngu sína í
gær, feykir.is, og
er stofnaður af
eigendum sam-
nefnds héraðs-
fréttablaðs á
Norðurlandi
vestra, Feyki,
sem komið hefur
út í nærri þrjá
áratugi. Var vef-
urinn opnaður með formlegri at-
höfn í Reiðhöllinni Svaðastöðum á
Sauðárkróki í gærkvöldi, í
tengslum við Laufskálaréttarhelg-
ina. Guðný Jóhannesdóttir, ritstjóri
Feykis, stýrir einnig fréttavefnum.
Nýprent hefur frá árinu 2006 séð
um rekstur blaðsins og einnig rekið
fréttavefinn skagafjordur.com, sem
nú verður undirvefur feykir.is.
Feykir.is
stofnaður
Guðný
Jóhannesdóttir
STUTT
KVENRÉTTINDAFÉLAG Íslands
stóð fyrir málþingi í fyrradag þar
sem rætt var um ábyrgð stjórn-
málaflokka um uppröðun fram-
boðslista með tilliti til jafnréttis.
Það var samróma álit málþings-
ins að hvetja stjórnmálaflokkana til
að hafa kynjajafnrétti að leiðarljósi
við uppröðun framboðslista fyrir
næstu sveitarstjórnarkosningar,
auk þess að hvetja Alþingi til að
bregðast við því misræmi sem gætir
í hlutfalli kynjanna á framboðs-
listum með því að taka til umfjöll-
unar þingsályktunartillögu Sivjar
Friðleifsdóttur um aðgerðir til að
auka hlut kvenna í stjórnmálum
sem og önnur mál sem geta aukið
þátttöku kvenna í stjórnmálum.
Vilja fleiri
konur á lista
Á MÁNUDAG sl. um kl. 12.30 varð
umferðaróhapp á Vesturlandsvegi
(Ártúnsbrekku) í Reykjavík. Lenti
þar fólksbíll að af Opel Corsa
Swing gerð, gul að lit, utan vegar
með þeim afleiðingum að bíllinn
valt. Þeir sem kunna að hafa orðið
vitni að óhappinu eru beðnir um að
hafa samband við lögreglu í síma
444 1000.
Lýst eftir vitnum