Morgunblaðið - 14.10.2008, Blaðsíða 16

16 ÞRIÐJUDAGUR 14. OKTÓBER 2008 MORGUNBLAÐIÐ
Bankakreppa
Hlíðasmára 14
sími 588 2122
www.eltak.is
Eltak sérhæfir sig
í sölu og þjónustu
á vogum
Bjóðum mesta úrval
á Íslandi af smáum
og stórum vogum
Hafðu samband
líðas ára 14
Sí i 588 2122
.eltak.is
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins  - viðurkenning frá matur úr héraði - localfood
GJALDEYRISVIÐSKIPTI gengu mjög hægt, illa
eða ekki í gær. Seðlabankinn sendi frá sér tilkynn-
ingu þess efnis að á meðan viðskiptabankarnir þrír
væru að hefja starfsemi eftir breytingar á eign-
arhaldi þeirra hefðu orðið tafir á gjaldeyrisviðskipt-
um. Hnökrarnir hefðu þó farið minnkandi. Lands-
bankinn hefði sinnt hluta gjaldeyrisviðskipta í gær.
Þegar formbreytingu annarra viðskiptabanka væri
lokið hæfu þeir einnig gjaldeyrisviðskipti.
Gjaldeyrisviðskipti í Nýja Landsbankanum
gengu hægt í gær, en gengu þó, að sögn Önnu
Bjarneyjar Sigurðardóttur, framkvæmdastjóra úti-
búasviðs bankans. Hún kvaðst vona að það færi að
batna. Anna sagði að afgreiðsla bankans í Leifsstöð
hefði verið opin í gær til gjaldeyrisviðskipta fyrir
ferðamenn og hún verði það áfram.
„Allar símgreiðslur til útlanda eru í bið meðan
unnið er að lausn málsins í samvinnu við Seðlabank-
ann. Menn vona að það leysist á næstu dögum,“
sagði Már Másson, upplýsingafulltrúi Glitnis. Hann
sagði að Glitnir hefði gefið út yfirlýsingu þar sem
staða mála væri útskýrð. Viðskiptavinir sem ekki
hafa fengið yfirfærslu til að greiða erlenda reikn-
inga hefðu getað framvísað yfirlýsingunni til er-
lendra lánardrottna. Varðandi ferðamannagjald-
eyri fer Glitnir að tilmælum Seðlabankans og þarf
fólk að framvísa farseðli til að kaupa gjaldeyri.
Hver ferðamaður fær að hámarki sem samsvarar
50.000 krónum og er það samkvæmt tilmælum
skilanefndar bankans.
„Ég trúi að þetta mjakist allt í rétta átt hjá okkur
öllum,“ sagði Agnar Hansson, bankastjóri Icebank.
Bankinn annast m.a. gjaldeyrisviðskipti fyrir spari-
sjóðina. Agnar sagði að þeir hefðu opnað á ein-
hverja seðlasölu í gær. Þeir keyptu allan gjaldeyri
sem fólk kemur með og gætu millifært hann.
„Það skortir meiri gjaldeyri og við hvetjum út-
flytjendur til að losa um þann gjaldeyri sem þeir
eiga,“ sagði Agnar. Hann sagði að bankinn myndi
fylgja tilmælum Seðlabankans. Lyf og annað slíkt
hefði fengið forgang við gjaldeyrisyfirfærslur og
aðstoðar Seðlabankans verið leitað við gjaldeyris-
kaupin.
Í tilkynningunni frá Seðlabankanum sagði að til-
mæli um temprun viðskipta með gjaldeyri væru
enn í gildi en þau væru leiðbeinandi. gudni@mbl.is
Gjaldeyrisviðskipti gengu illa
 Seðlabankinn segir að hnökrar á gjaldeyrisviðskiptum fari minnkandi  Nýi Landsbankinn sinnti
hluta gjaldeyrisviðskipta í gær  Hinir bankarnir fylgja á eftir þegar formbreytingu er lokið
Í HNOTSKURN
»Til að tempra útflæðigjaldeyris var m.a. dregið
úr útlendum úttektarheimild-
um á kreditkortum.
»Ferðamenn skulu framvísafarseðli eða ígildi hans til
að fá gjaldeyri.
»Beiðnum vegna gjaldeyristil innflutnings verði for-
gangsraðað. Bent var á að lið-
ir á borð við matvöru, lyf, olíu-
vörur og opinberan kostnað
erlendis gætu farið í forgangs-
flokk.
Tregða Mörgum hefur reynst erfitt eða ókleift
að borga útlenda reikninga undanfarið.
Eftir Rúnar Pálmason
runarp@mbl.is
FYRIRTÆKI sem hafa veitt bílalán
finna fyrir því að fleiri eiga í vand-
ræðum með að borga af þeim. Fram
kom í samtölum við forsvarsmenn
SP fjármögnunar og Avant að reynt
er að koma til móts við lántakendur
eins og frekast er kostur, t.d. með
því að semja um að þeir borgi aðeins
vextina í tiltekinn tíma eða samið er
um að vanskilafjárhæðinni sé bætt
við höfuðstól lánsins og lánstíminn
lengdur. Í sumum tilfellum dugar
það ekki og staða sumra er svo
slæm að samningar myndu engu
skila.
Kjartan Georg Gunnarsson, fram-
kvæmdastjóri SP fjármögnunar,
segir fyrirtækið leita allra leiða til
að auðvelda fólki að standa skil á
lánunum. „Við erum allir af vilja
gerðir að semja,“ segir hann. „Og nú
sem aldrei fyrr.“ Hafi fólk staðið í
skilum með lán, sé með góða
greiðslusögu eins og það er kallað,
sé slíkt auðveldara en ella. Hvert til-
vik sé metið fyrir sig. Sé lántakandi
í svo slæmri stöðu að útséð sé um að
hann muni standa undir láninu sé á
hinn bóginn enginn tilgangur í að
lengja í því og láta vextina hlaðast
upp. Það gagnist hvorki fyrirtækinu
né þeim sem hafa tekið lánið.
Lánstíminn lengdur
Helga Hermannsdóttir, deild-
arstjóri einstaklingsþjónustu hjá
Avant, segir að þessi mál séu öll í
vinnslu hjá fyrirtækinu. „Það sem
við erum að gera í dag er að skuld-
breyta fyrir þá sem eru þegar í van-
skilum. Við erum að taka vanskilin
og bæta þeim aftan við. Síðan erum
við að lengja í lánum hjá þeim sem
eru í skilum og létta þannig
greiðslubyrðina,“ segir hún. Lengsti
lánstími á bílum er 84 mánuðir eða
sjö ár. „Annars höfum við verið að
ráðleggja okkur kúnnum að bíða að-
eins og sjá til hvernig gengið þróast
og hvaða ákvarðanir verða teknar
[af stjórnvöldum],“ segir hún.
Morgunblaðið/Ómar
Bílalán Tugþúsundir bíleigenda eru með ökutæki sín á bílalánum, í allt að sjö ár. Margir eiga nú erfitt með að standa í skilum með greiðslur á lánunum.
Ekki nægir að skila lyklunum
til að losna undan bílaláninu
 Reynt að koma til móts við lántakendur  Greiða aðeins vextina um tíma
ÍSLENSKIR námsmenn í útlöndum
hafa orðið fyrir óþægindum og
sumir erfiðleikum vegna þess að
þeir hafa ekki fengið peninga yf-
irfærða að heiman upp á síðkastið.
Séra Sigurður Arnarson prestur
í London kvaðst geta staðfest þetta.
Hann vissi t.d. af pari í framhalds-
námi sem fór í banka á föstudaginn
var og bað um fyrirgreiðslu, lítið
lán fyrir mat, en fékk ekki. „Við
þurfum að reyna að finna þau sem
þurfa hjálp,“ sagði sr. Sigurður.
Hann sagði að námsfólkið kæmi yf-
irleitt ekki að fyrra bragði að leita
aðstoðar. Fólk hefur einnig hringt
og boðið aðstoð sína. „Ég veit um
breskan námsmann sem hafði sam-
band við bresk námsmannasamtök
og kannaði með hvaða hætti þau
gætu hjálpað íslenskum náms-
mönnum,“ sagði Sigurður. „Það er
ýmislegt gott að gerast.“
Séra Ágúst Einarsson prestur í
Gautaborg kvaðst hafa orðið var
við áhyggjur hjá námsmönnum í
Svíþjóð. Fólk hefði haldið í vonina
um að allt færi aftur í gang í byrjun
þessarar viku. Hann sagði að þótt
hægt yrði að yfirfæra peninga
kæmi þetta þungt niður á öllum
vegna þeirrar skerðingar sem orðið
hefur vegna gengisbreytinga.
gudni@mbl.is
Leitað til
prestanna
Þegar fólk stendur ekki skil á bíla-
lánum getur lánafyrirtækið leyst
til sín bílana. Bílanir eru þrifnir,
farið yfir ástand þeirra og gert við
eftir þörfum. Síðan eru þeir boðnir
til sölu. Ef söluverðið dugar ekki til
lendir mismunurinn á skuldaran-
um.
Þótt sumum þyki það freistandi
er ekki hægt að skila bílnum ein-
faldlega til lánafyrirtækisins og
ætlast til þess að þar með sé búið
að gera upp lánið. Í slíku er engin
lausn fólgin og breytir í raun engu
nema því að lántakandinn hefur
ekki lengur yfirráð yfir bílnum en
verður eftir sem áður að borga af
láninu.
Bíllinn seldur upp í skuldina
VEGNA erfiðleikanna á Íslandi hefur Íslendingafélagið í
Ósló boðað til fundar þar í borg næstkomandi fimmtudags-
kvöld. Sendiherra Íslands í Noregi, Sigríður Dúna Krist-
mundsdóttir, hefur boðað komu sína og hyggst svara mörg-
um þeim spurningum sem brenna á Íslendingum erlendis
um þessar mundir. Fundurinn fer fram í Miljøhúsinu, Gren-
sen 9B, á 6. hæð og hefst kl. 18.30. Einnig er bent á ýmsar
upplýsingar á netsíðu sendiráðsins, www.iceland.org/no.
Boða til fundar í Ósló