Morgunblaðið - 14.10.2008, Blaðsíða 36

Eftir Jóhann Bjarna Kolbeinsson
jbk@mbl.is
„ÞETTA er bara svona „back to basics“ hjá mér, það er að segja
umboðsmennska og kynningarstarf. Og Atli sér bara um fyr-
irtækið,“ segir Einar Bárðarson, eigandi Concerts, sem hefur
ráðið Atla Rúnar Hermannsson, betur þekktan sem Atla
skemmtanalöggu, sem framkvæmdastjóra fyrirtækisins. „Sjálf-
ur er ég í fæðingarorlofi og ákvað að setja þetta í þennan farveg
núna. Ég mun kannski ekki þora að skilja Atla einan eftir á
skrifstofunni alveg strax, þannig að ég er með skrifborð
á nýju skrifstofunni okkar í Keflavík, ég verð honum
alveg til halds og trausts. Hann hefur annars alltaf
gengið undir nafninu skemmtanalögga, en nú er
hann ekki óbreytt lögga lengur þannig að við
köllum hann skemmtanasýslumann. Enda veitir
ekki af síðan sá stóri fór – Jóhann R. Benediktsson.“
Fyrsta verkefni Atla verður Sunnlendingaball sem haldið
verður á Players um helgina, en þar koma meðal annars
fram Skítamórall, Ingó veðurguð og Hreimur úr Landi
og sonum.
„Við stýrum kynningarmálum, en svo hlaupum við
undir bagga með Skítamóral í umboðs- og kynning-
armálum. En þetta er allt að fara í gang og við erum að
fara í samstarf við ýmsa aðila. Við ætlum hins vegar að
vera með færri listamenn en gengur og gerist á svona um-
boðsskrifstofum, en við ætlum okkur stærra hlutverk
fyrir hvern og einn,“ útskýrir Einar.
Skemmtanasýslumaðurinn í Keflavík
36 ÞRIÐJUDAGUR 14. OKTÓBER 2008 MORGUNBLAÐIÐ
MENNING
 Eins og fram kemur í pistli hér
að ofan hefur Atli Rúnar Her-
mannsson verið ráðinn nýr fram-
kvæmdastjóri Concerts. Það var
nóg að gera hjá Atla fyrsta vinnu-
daginn, en í lok dags skrifaði hann
undir samning við Jakob Frímann
Magnússon, miðborgarstjóra og
Stuðmann með meiru, þess efnis að
Concert tæki yfir umboðs- og kynn-
ingarmál fyrir Stuðmenn. Jakob
hefur séð um umboðsmálin sjálfur
að undanförnu, en með nýja samn-
ingnum fær hann meiri tíma til að
einbeita sér að því sem fram fer á
sviðinu. Sumum finnst eflaust ekki
veita af, enda mega Stuðmenn
muna sinn fífil fegri, og skemmst er
að minnast orða Egils Ólafssonar
sem sagði að sveitin væri í rauninni
hætt. Það er þó vonandi að Concert
takist að endurvekja forna frægð
Stuðmanna, því ekki veitir af stuð-
inu á þessum síðustu og verstu.
Endurreisn Stuðmanna
hafin hjá Concert
Fólk
 Söngkonan Birgitta Haukdal
gekk að eiga unnusta sinn, Bene-
dikt Einarsson, á laugardaginn.
Athöfnin fór fram í Dómkirkjunni
í Reykjavík og var það séra Jón
Dalbú Hróbjartsson sem gaf þau
saman.
Í kjölfarið var svo slegið upp
mikilli veislu á 20. hæðinni í Turn-
inum í Kópavogi. Margt var um
manninn og var ekkert til sparað
til að gera veisluna sem glæsileg-
asta úr garði, en veislustjóri var
sjónvarpskonan Ragnhildur Stein-
unn Jónsdóttir.
Á meðal skemmtiatriða má
nefna að Jakob Frímann Magn-
ússon tók tvö lög, auk þess sem
Magni Ásgeirsson söng tvö lög
með hljómsveit Birgittu – Írafári.
Það var svo Bogomil Font og
hljómsveit hans sem lék fyrir
dansi í lok kvölds.
Birgitta Haukdal gekk í
það heilaga um helgina
Eftir Jóhann Bjarna Kolbeinsson
jbk@mbl.is
FYRSTU myndirnar af hlutverki
Höllu Vilhjálmsdóttur í hlutverki
afturgöngu í bresku stórmyndinni
Ghost Machine hafa nú verið gerðar
opinberar. Eins og greint var frá í
Morgunblaðinu fyrir nokkru leikur
Halla eitt af stærstu hlutverkunum í
myndinni, en tökur hafa staðið yfir í
gömlu fangelsi í Belfast undanfarnar
vikur. „Ég leik konu sem hefur feng-
ið mikla þjálfun í bardagalistum og
er svona hryðjuverka-súperheili,“
segir Halla um hlutverk sitt, en
myndin hefst á því að karakter
hennar er tekinn af lífi og gengur
svo aftur og hefnir sín á óvinum sín-
um. „Ég er í förðun í fjóra til fimm
tíma á dag og verð mjög ógeðsleg.
Þannig að ég þarf alltaf að mæta
fyrst á svæðið og fara síðust,“ segir
Halla.
Halla er svalur draugur
Helen Sloan/Generator Entertainment
Afturganga Það er ekki létt verk að láta Höllu líta út eins og hræðilega aft-
urgöngu. Förðunarmeistarar hafa þó greinilega gert sitt allra besta.
Eftir Ingveldi Geirsdóttur
ingveldur@mbl.is
„HANN er fulltrúi hins hefðbundna, gagnkyn-
hneigða, vestræna karlmanns sem er í þessu til-
felli netdólgur, rekur vefsíðu og græðir á þess-
um strákastelpum frá Filippseyjum því hann veit
að það er stór markaður fyrir þær á Vest-
urlöndum.“ Þannig lýsir Ameríkaninn Stefan
Schaefer persónunni Michael sem hann leikur í
kvikmyndinni The Amazing truth about Queen
Raquela sem kom nýverið í bíó hérlendis. Í
myndinni, sem er eftir Ólaf Jóhannesson, segir
af átakasömu lífi stelpustráksins Raquelu frá
Filippseyjum sem lætur sig dreyma um að kom-
ast til Vesturlanda og leita hamingjunnar.
Ekki draumahlutverkið
Ólafur og Stefan hittust fyrst á kvikmyndahá-
tíðinni í Berlín árið 2003 og segir Stefan þá hafa
tengst strax sterkum böndum.
„Nokkuð löngu eftir þau kynni skrapp ég til
Parísar til að hitta Ólaf vegna handrits sem við
vorum að vinna saman. Á þeim tíma var hann að
vinna að Queen Raquela og bað mig að leika
hlutverk Michaels. Þá var hann byrjaður að taka
myndina upp sem heimildarmynd og hafði tekið
viðtal við hinn raunverulega netdólg en sá vildi
ekki koma fram í mynd svo ég ákvað að taka
hlutverkið að mér. Í kjölfarið var ákveðið að
hafa þetta blöndu af heimildarmynd og leikinni
mynd.“
Stefan segir að það hafi ekki verið drauma-
hlutverkið að leika netdólg sem er í þokkabót al-
gjör skíthæll. „En það var áhugavert fyrir mig
að skoða þetta og sjá hvernig sá veruleiki gæti
verið. Það frábæra við að leika og skrifa er að þú
færð að skoða hugsunarhátt annars fólks án þess
að þurfa að vera það.“
Wolfi í Stóra planinu
Eftir vinnuna við Queen Raquela bað Ólafur
Stefan að vinna að Stóra planinu með sér en í
þeirri mynd leikur hann persónuna Wolfi.
„Ég lærði leiklist í háskóla en seinustu tíu ár
hef ég einbeitt mér að vinnu í kringum kvik-
myndaframleiðslufyrirtæki sem ég á í New
York. Ég nýt þess að leika og sérstaklega þegar
ég vinn með Ólafi en hann kveikti leiklistarbakt-
eríuna í mér aftur.“ Spurður hvort meira sam-
starf sé í deiglunni þeirra á milli svarar Stefan
játandi. „Við erum með nokkur önnur verkefni í
vinnslu og vonandi munum við vinna mörgum
sinnum saman aftur,“ segir hann en von er á
myndinni Diary of a Circledrawer frá þeim á
næsta ári samkvæmt IMDb.
Eitt leiðir til annars
The Amazing Truth About Queen Raquela
hefur átt góðu gengi að fagna og hlaut m.a.
Teddy-verðlaunin á kvikmyndahátíðinni í Berlín
og tvenn verðlaun á NewFest hátíðinni í New
York. Stefan segir velgengni myndarinnar ekki
koma sér á óvart. „Það er erfitt að segja til um
hvernig mynd í vinnslu á eftir að koma út en
Ólafur er mjög hæfileikaríkur og frábær í að
segja sögur. Ég sá strax að þetta yrði öflug
mynd.“
Stefan hefur í nægu að snúast í framleiðslu
kvikmynda og nú nýverið lauk hann við mynd
með Michael Imperioli sem er þekktastur fyrir
hlutverk sitt í Sopranos-sjónvarpsþáttunum.
„Imperioli er nokkuð stór stjarna hér. Ég hitti
hann þegar ég vann að Stóra planinu og út frá
þeim kynnum fékk ég hann í þessa mynd. Það er
alltaf áhugavert hvernig eitt verkefni leiðir oft
til annars.“
Leikur algjöran skíthæl
 Stefan Schaefer fer með hlutverk netdólgs í The Amazing Truth about Queen
Raquela  Samstarfið við leikstjórann kveikti leiklistarbakteríuna
Leikari Stefan Schaefer er mikill Íslandsvinur og fór m.a með hlutverk í annarri mynd Ólafs, Stóra
planinu. Hér er Stefan með syni sínum Cyrusi í New York þar sem hann býr.
Miðasala
S. 545 2500
www.sinfonia.is
■ 16.-18. október
Sibeliushringurinn
Sinfóníuhljómsveit Íslands leikur allar sinfóníur Sibeliusar og fiðlukonsertinn að
auki á þrennum tónleikum. Einstakt tækifæri til að heyra allar sinfóníur Sibeliusar í
einum rykk og fá þannig heildarmynd af einum fremsta sinfóníuhöfundi allra tíma.
Stjórnandi: Petri Sakari
Einleikari: Sigrún Eðvaldsdóttir
16.-18. október
Þjóðinni boðið
Sinfóníuhljómsveitin hefur ákveðið að bjóða Íslendingum á tónleika sína á
föstudagskvöld 17. október og laugardag 18. október.
Fimmtudaginn 16. október kl. 19.30
Sinfónía nr. 1
Fiðlukonsert
Sinfónía nr. 3
Föstudaginn 17. október kl. 19.30 – þjóðinni boðið
Sinfónía nr. 2
Sinfónía nr. 4
Laugardaginn 18. október kl. 17.00 – þjóðinni boðið
Sinfónía nr. 5
Sinfónía nr. 6
Sinfónía nr. 7
STOÐIR ERU AÐALSTYRKTARAÐILI
SINFÓNÍUHLJÓMSVEITAR ÍSLANDS
Víðförull Atli hefur komið nálægt rekstri á
fjölmörgum skemmtistöðum á landinu.