Fréttablaðið - 09.05.2009, Blaðsíða 8
8 9. maí 2009 LAUGARDAGUR
1 Hversu mikið voru stýrivext-
ir Seðlabankans lækkaðir á
fimmtudag?
2 Hvað heitir brasilíska
fangelsið sem Ragnar Erling
Hermannsson situr í?
3 Hvað heitir norski dómarinn
sem þurfti að smygla frá Bret-
landi í lögreglufylgd eftir leik
Chelsea og Barcelona?
SVÖRIN ERU Á SÍÐU 66
INDLAND, AP Tugir mótmælenda
lentu í átökum við lögreglu og
her í Srinagar, höfuðborg Kasm-
írhéraðs, þegar fjórða lota þing-
kosninganna á Indlandi var haldin
þar á fimmtudag.
Fyrir fram var búist við óeirð-
um. Þúsundir hermanna höfðu
verið sendar út á götur borgarinn-
ar. Aðskilnaðarsinnar, sem vilja
að héraðið fái sjálfstæði, höfðu
hvatt fólk til að sniðganga kosn-
ingarnar og efna til allsherjar-
verkfalls.
Mikil óvissa ríkir um stjórnar-
myndunarmöguleika að loknum
kosningum.
Skoðanakannanir benda til þess
að hvorki Kongressflokkurinn,
sem nú er stærsti flokkur sam-
steypustjórnar landsins, né þjóð-
ernisflokkur hindúa, BJP, sem er
stærsti stjórnarandstöðuflokkur-
inn, fari með sigur af hólmi.
Alls eru meira en 700 milljónir
á kjörskrá til þingkosninga á Ind-
landi. Framkvæmd kosninganna
er því þung í vöfum og var gripið
til þess ráðs að skipta þeim í fimm
lotur, bæði til að auðvelda taln-
ingu og til að tryggja betur öryggi.
Fyrsta lotan var haldin 16. apríl,
en sú síðasta verður á miðvikudag
í næstu viku. Búist er við úrslitum
þremur dögum síðar, en nýtt þing
á að koma saman 2. júní. - gb
Fjórðu og næstsíðustu lotu þingkosninganna á Indlandi lokið:
Átök og óeirðir í Kasmír
HERMAÐUR Á VERÐI Fyrir utan kjörstað í
Srinagar stóð hermaður á verði.
FRÉTTABLAÐIÐ/AP
HEILBRIGÐISMÁL Staðfest tilfelli
svínaflensu, eða inflúensu A
(H1N1), voru alls 2.489 í 24 ríkj-
um í heiminum í gærmorgun.
Þeim hafði þá fjölgað um 272
sólarhringinn þar á undan sam-
kvæmt upplýsingum Sóttvarna-
stofnunar ESB.
Í tilkynningu frá sóttvarna-
lækni og almannavarnadeild
kemur fram að flest ný staðfest
tilfelli séu í Bandaríkjunum,
Mexíkó og Kanada.
Tilfellin voru mun færri í gær-
morgun en í fyrradag, samkvæmt
daglegri skýrslu Sóttvarnastofn-
unar ESB.
Alþjóðaheilbrigðisvöld halda
óbreyttu viðbúnaðarstigi sínu
enn um sinn.
Viðbúnaði hérlendis er haldið
áfram á hættustigi.
- kg
Skýrsla um svínaflensu:
Tilfellunum
fjölgar hægar
HJÁLPARSTARF Frjáls félagasamtök
á Íslandi sem starfa að mannúð-
armálum í þróunarríkjum hafa
mörg hver neyðst til að grípa til
varasjóða til þess að halda starf-
seminni gangandi. Samtökin hafa
einnig dregið úr framkvæmd-
um eða leitað samstarfs við aðra
um verkefni. Þetta kemur fram í
Veftímariti um þróunarmál.
Þar kemur fram að samtök á
borð við Hjálparstarf kirkjunnar,
Samband íslenskra kristniboðs-
félaga og Rauða krossinn hafi öll
þurft að grípa til slíkra aðgerða
til að standa við áætlanir um
fjárframlög og verkefni í þróun-
arlöndum. - kg
Íslensk mannúðarsamtök:
Þurfa að grípa
til varasjóða
BANDARÍKIN, AP Reiðin var kannski
skiljanleg. Bandaríski herverk-
takinn Don Ayala varð vitni að því
þegar afganskur maður kveikti
í bandarískum mannfræðingi,
Paulu Loyd, sem hafði starfað með
hern um.
Afganinn, sem hét Abdul Salam,
hafði verið í samræðum við Loyd
um olíuverð þegar hann hellti
skyndilega úr bensíníláti yfir hana
og kveikti í. Hermenn reyndu að
slökkva eldinn.
Ayala tók þátt í að yfirbuga árás-
armanninn. Þegar í ljós kom að
Loyd myndi varla ná sér af bruna-
sárunum, og aldrei verða söm þótt
hún héldi lífi, þá greip Ayala byssu
sína og skaut Salam í höfuðið. Áður
en hann skaut sagði hann túlki að
segja Salam að hann teldi hann
vera djöfulinn sjálfan. Ayala, sem
er 46 ára, hafði lengi starfað fyrir
bandaríska herinn, meðal annars
sem lífvörður Hamids Karzai, for-
seta Afganistans, og Nouri al-Mal-
iki, forseta Íraks.
Atburður þessi gerðist 4. nóv-
ember síðastliðinn í bænum Che-
hel Geli í Afganistan. Loyd lá illa
haldin á sjúkrahúsi þar til hún lést
7. janúar síðastliðinn.
Heitar umræður áttu sér stað
í Bandaríkjunum um það, hvort
Ayala ætti skilið harðan dóm
fyrir að taka mann af lífi án dóms
og laga eða hvort viðbrögð hans
væru nægilega skiljanleg til þess
að réttlæta vægan dóm.
Ayala var fyrst ákærður fyrir
morð, en játaði á sig manndráp.
Hann átti yfir höfði sér allt að átta
ára fangelsi, en var í gær dæmd-
ur til að greiða 12.500 dali í sekt
og fékk að auki fimm ára skilorðs-
bundinn fangelsisdóm. - gb
Bandarískur málaliði fékk skilorðsbundið fangelsi fyrir að drepa afganskan fanga:
Skaut handjárnaðan fanga í reiðikasti
DON AYALA OG PAULA LOYD Ayala skaut afganskan fanga stuttu eftir að hann hafði
kveikt í Loyd, sem lést af völdum brunasáranna tveimur mánuðum síðar.
NORDICPHOTOS/AFP
BRASILÍA, AP Verstu flóðin sem
orðið hafa í norðanverðri Brasilíu
svo áratugum skipti, hafa hrakið
nærri 270 þúsund manns að heim-
an. Nærri fjörutíu manns höfðu
látist í gær.
Fólkið forðar sér á hvaða far-
artæki sem tiltækt er, sumir fara
með yfirfullum vörubílum upp til
hærri landsvæða, aðrir fara sigl-
andi innan um hættulega krókó-
díla og önnur skriðkvikindi. - gb
Flóð í Brasilíu:
Hundruð þús-
unda flýja flóð
SEYÐISFJÖRÐUR Jafnmikið atvinnuleysi
og á höfuðborgarsvæðinu segja Seyð-
firðingar.
SVEITARSTJÓRNIR Bæjarráð Seyð-
isfjarðar telur að utanríkisráðu-
neytið geti ekki notað atvinnu-
ástand á höfuðborgarsvæðinu
sem rök fyrir að flytja ekki
störf út á land. „Ríkisvaldinu
hefur hingað til gengið afar illa
að standa við stóru orðin um að
flytja störf frá höfuðborgarsvæð-
inu til landsbyggðarinnar og því
miður virðist það sama gilda
þegar um ný störf er að ræða.
Bæjarráð Seyðisfjarðar telur
að í þessu tilviki séu tilvitnan-
ir í atvinnuástand á höfuðborg-
arsvæðinu móðgun við þá fjöl-
mörgu sem eru atvinnulausir hér
á Seyðisfirði en atvinnuleysi hér
á staðnum er í svipuðu hlutfalli
og á höfuðborgarsvæðinu,“ segir
í ályktun bæjarráðsins. - gar
Seyðfirðingar ósáttir:
Svar ráðuneytis
sagt móðgun
VEISTU SVARIÐ?