Fréttablaðið - 09.05.2009, Blaðsíða 6

6 9. maí 2009 LAUGARDAGUR
REYKJANESBÆR „Þetta er mjög merkilegt og metnað-
arfullt átak sem hér hefur verið farið í, og það er
verið að gera hluti sem hafa ekki fyrr verið gerðir á
Íslandi. Ég er sannfærður um að Víkingaheimarnir
munu vekja mikla athygli,“ segir Kristján Pálsson
hjá Ferðamálasamtökum Suðurnesja.
Víkingaheimar, sem hýsa víkingaskipið Íslend-
ing og Smithsonian-sögusýninguna „Vikings“, verða
opnaðir óformlega í dag á Fitjum í Reykjanesbæ.
Formleg opnun verður hins vegar haldin hinn 17.
júní, nákvæmlega níu árum eftir að Íslendingur
lagði úr höfn í sögulega siglingu til Vesturheims.
Framkvæmdum og uppsetningu á sýningunni lýkur
í lok maí.
Framkvæmdir við Víkingaheima hafa staðið
yfir síðan snemma árs 2007. Um tíma leit út fyrir
að skipið Íslendingur yrði selt til erlendra aðila,
en fyrir atbeina Árna Sigfússonar, bæjarstjóra í
Reykjanesbæ, og samstarfsfólks hans komst hann í
varanlega höfn í bænum.
„Víkingatíminn er sá mikilvægasti í sögu Íslands,
og það er gaman að sjá að þessum tíma sé gert hátt
undir höfði. Ég trúi ekki öðru en að aðsóknin verði
góð. Staðsetningin er auðvitað í alfaraleið, rétt við
Reykjanesbrautina, og því sjötíu prósent lands-
manna í seilingarfjarlægð. Ég held að allir ættu að
geta haft gaman af heimsókn í Víkingaheima,“ segir
Kristján Pálsson. - kg
Víkingaheimar á Fitjum í Reykjanesbæ tóku til starfa í gær:
Víkingatíminn er mikilvægur
VÍKINGAHEIMAR Formleg opnun verður haldin hinn 17. júní
næstkomandi.
FASTEIGNIR Leiguverð á þriggja her-
bergja íbúð á höfuðborgarsvæðinu
er nú um 80 til 120 þúsund segir
Guðlaugur Þorsteinsson, leigu-
miðlari hjá Leigulistanum, en var í
mesta góðærinu á bilinu 110 til 160
þúsund. Það þýðir þriðjungs lækk-
un á hæsta verði. Leiguverð helst
nokkuð í hendur við fasteignaverð
hér á landi og hefur farið lækkandi
með lægra fasteignaverði.
Samkvæmt heimildum Frétta-
blaðsins er töluvert um að fólk sem
er í leiguhúsnæði semji um lækkaða
leigu við leigusala, lækki leigu til
dæmis úr 140 þúsund í 120 þúsund á
einu bretti. Aðrir flytja. Fréttablað-
ið þekkir nýlegt dæmi þess að ein-
staklingur hafi með því að skipta
um leiguhúsnæði lækkað leigu-
kostnað úr 120 þúsund í 77 þúsund
fyrir þriggja herbergja íbúð.
Guðlaugur segir að sumu leyti
erfitt að henda reiður á því sem er
að gerast á leigumarkaði um þessar
mundir, margir séu farnir að hafa
milligöngu um leigu og leigumark-
aðurinn stækki hratt. „Margir sem
eru að fara út úr íbúðunum sínum
eru að missa þær, þetta fólk fer
að leigja og mun væntanlega ekki
kaupa sér íbúð á næstunni.“
Óskar Rúnar Harðarson fast-
eignasali bendir á að ungt fólk
kaupi ekki fasteignir núna held-
ur fari út á leigumarkaðinn. „Það
er raunhæfari kostur að leigja en
að kaupa um þessar mundir, fleiri
eignir eru í útleigu og þær bjóð-
ast í lengri tíma.“ Einnig eru dæmi
þess að fólk sem þarf að stækka við
sig leigi íbúðina sína út og leigi sér
stærra húsnæði.
Viðmælendur Fréttablaðsins eru
sammála um að það sé ekki mikill
gróði í því að leigja út eignir um
þessar mundir, nema leigusalar
eigi íbúðirnar skuldlausar, það séu
helst litlar íbúðir sem standi undir
sér í leigu, því stærri sem eignirnar
séu því ólíklegra sé að þær standi
undir áhvílandi lánum. Dæmi séu
um að fólk leigi einbýlishús á 150
þúsund en afborganir lána séu um
300 þúsund. Sumir hafi líka keypt
áður en þeir seldu og sitji því uppi
með tvær eignir, aðra í útleigu þar
til hún selst.
Leigulistinn er nú með 700 eign-
ir til leigu á skrá, en þær voru um
1.100 um áramótin. Í góðærinu voru
þær hins vegar iðulega einungis
250 til 300 að sögn Guðlaugs.
Í góðærinu var Leigulistinn
nánast einráður á markaðnum
en í harðnandi árferði hafa fast-
eignasölur tekið að sér leigumiðl-
un. Lausleg könnun Fréttablaðsins
bendir til þess að margar fasteigna-
sölur bjóði nú einnig upp á leigu-
miðlun um þessar mundir.
sigridur@frettabladid.is
Leigjendur semja
um lækkun leigu
Fleiri leigja húsnæði nú en áður. Leiguverð hefur lækkað í kreppunni. Margar
eignir í leigu standa ekki undir afborgunum á áhvílandi lánum segja þeir sem
til þekkja. Leigjendur eru farnir að semja um lægri leigu.
LEIGUHÚSNÆÐI FJÖLGAR Á höfuðborgarsvæðinu hefur leiguhúsnæði fjölgað mjög undanfarið. FRÉTTABLAÐIÐ/VILHELM
BANDARÍKIN, AP Þúsundir slökkvi-
liðsmanna í Kaliforníu hafa
dögum saman barist við skógar-
elda skammt frá fjölmennri byggð
í bænum Santa Barbara. Meira
en 30 þúsund manns hafa flúið að
heiman meðan eldarnir geisa.
Eldarnir höfðu vaxið í fyrrinótt
og virtust ekkert ætla að draga úr
látunum í gær, þar sem loftið var
mjög þurrt og heitar vindhviður
báru eldinn æ víðar.
Slökkviliðið sér um að koma í
veg fyrir að logarnir fari í íbúðar-
hverfin, sem að stórum hluta eru
byggð frægu og ríku fólki, kvik-
myndastjörnum og jafnvel fyrr-
verandi forsetum.
Óvenjulegt er að eldar geisi
á þessum slóðum á þessum árs-
tíma, algengara er að þeir brjót-
ist út þegar líða tekur á sumar.
Tom Franklin, slökkviliðsstjóri í
Santa Barbara, sagði eldinn vera
sérlega erfiðan viðureignar eftir
að hann barst inn á svæði þar sem
gróður er mjög þéttur og eldsmat-
urinn því mikill.
Í fyrrinótt var ástandið orðið
svo slæmt að stjórnvöld sögðu
tólf þúsund manns að yfirgefa
heimilin, í viðbót við átján þús-
und manns sem áður höfðu þurft
að gera slíkt hið sama.
Margir voru tregir til að skilja
heimili sín mannlaus eftir, hugs-
anlega til þess að verða eldinum
að bráð. - gb
Skógareldar í Kaliforníu eru óvenju snemma á ferðinni þetta árið:
Tugir þúsunda flýja eldana í Kaliforníu
BARIST VIÐ ELDINN Eldarnir eru sérlega
erfiðir viðureignar vegna þess hve gróð-
urinn er þéttur. FRÉTTABLAÐIÐ/AP
ÍSAFJÖRÐUR Taka þarf mið af erfiðleik-
um fólks segja bæjarfulltrúar.
SVEITARSTJÓRNIR Fulltrúar minni-
hluta Í-listans í bæjarstjórn Ísa-
fjarðarbæjar hafa lagt til að bær-
inn hætti viðskiptum við Intrum
Justitia þar sem ástandið í þjóð-
félaginu réttlæti ekki slíka hörku
í innheimtuaðgerðum, né heldur
þann háan innheimtukostnað sem
af því hljótist.
„Sveitarfélögin í landinu þurfa
að taka mið af þeim erfiðleik-
um, sem fólk og fyrirtæki standa
nú frammi fyrir, í afleiðing-
um bankakreppunnar miklu á
Íslandi,“ segir í tillögunni. - gar
Minnihlutinn á Ísafirði:
Bærinn láti af
innheimtuhörku
REYKJANESBÆR Hundaskítur er til
svo mikilla vandræða á almanna-
færi í Reykjanesbæ að unnið
er að því að gera nýja lögreglu-
samþykkt fyrir bæinn. Í henni
er reiknað með að taka harðar á
hundaeigendum sem hirða ekki
upp eftir hunda sína og er hugs-
anlegt að hundaeigendur megi
eiga von á sekt hirði þeir ekki
skítinn upp.
Á vef Víkurfrétta kemur fram
að kvartað sé yfir hundaskít á
göngustígum bæjarins. Þar segir
Björk Guðjónsdóttir, forseti bæj-
arstjórnar, að kvartað sé yfir
þessu á opnum svæðum, sem
börn sæki í til leikja. - ghs
Reykjanesbær:
Sektað fyrir
hundaskít
LÖGREGLUMÁL
Fimmtán óku of hratt
Fimmtán ökumenn óku of hratt á
Norðurströnd á Seltjarnarnesi fyrir
hádegi í gær þegar lögreglan stóð
fyrir hraðamælingum í ómerktri
bifreið. 139 ökumenn voru á ferð-
inni. Hámarkshraði á Norðurströnd
eru 60 km á klst. en meðalhraði
ökufanta var 74 km á klst.
60% óku of hratt
49 ökumenn af 86 óku of hratt í
Arnarbakka í Breiðholti þegar lög-
reglan mældi hraða þar í gærmorg-
un. Nær 60 prósent voru því yfir
löglegum hámarkshraða. Hámarks-
hraði er 30 kílómetrar en meðal-
hraði ökumanna var 48 kílómetrar á
klukkustund.
29 yfir hámarkshraða
29 ökumenn af 133 sem voru á
ferðinni í Langarima í fyrradag óku
of hratt samkvæmt mælingum lög-
reglunnar. Meðalhraði hinna brot-
legu var 42 km/klst en þarna er 30
km hámarkshraði. Sá sem hraðast
ók mældist á 52 kílómetra hraða.
Hraðamælingarnar eru hluti af átaki
lögreglunnar í og við íbúðagötur.
Strandgata 29
Hafnarfjörður
Hefði gengi krónu þolað frekari
stýrivaxtalækkun?
Já 71,7%
Nei 28,3%
SPURNING DAGSINS Í DAG:
Ætti lögreglan að koma í veg
fyrir rekstur fríbúðar á Vatns-
stíg?
Segðu skoðun þína á Vísi.is
KJÖRKASSINN