Skinfaxi - 01.07.1956, Side 43

SKINFAXI
91
FRÉTTIR OG FÉLAGSMÁL
Landsmótið á Þingvöllum 1957.
Eins og kunnugt er var á síðasta þingi UMFÍ samþykkt, að
50 ára afmælismót samtakanna verði háð á Þingvöllum 1957.
Stjórn UMFl leitaði samvinnu við umf. Reykjavíkur, UMSK
og Héraðssambandið Skarphéðinn, um undirbúning og fram-
kvæmd mótsins. Þessir aðilar hafa skipað 5 manna nefnd, er
undirbúi mótið, og í henni eru eftirtaldir menn: Stefán Ólafur
Jónsson Reykjavík, sem jafnframt er formaður nefndarinnar,
Axel Jónsson Kópavogi, Ármann Pétursson Eyvindarstöðum
Álftanesi, Stefán Runólfsson Reykjavik og Þórir Þorgeirsson
íþróttakennari Laugarvatni. Eins og fyrr segir verður mótið
haldið á Þingvöllum og er ákveðið 29. og 30. júní.
Á Þingvöllum er góður grasvöllur og aðstaða til íþrótta-
keppni nokkuð góð, en annar háttur verður nú á en verið hef-
ur gagnvart dvöl kependa á mótsstað: Á Þingvöllum er ekkert
húsnæði til að hýsa þann stóra hóp íþróttafólks er væntan-
lega verður á mótinu. Verða nú allir að búa í tjöldum, ekki
þurfa neinir að setja það fyrir sig að dvelja í tjaldi tvær eða
þrjár nætur um þetta leyti árs. Verður áreiðanlega stór og
glæsileg tjaldborg á Þingvöllum mótsdagana. Reynt verður
að gera það sem hægt er til að mótið geti orðið sem allra
glæsilegast. Verður efnt til sérstakrar hátlðadagskrár, sem ekki
er á þessu stigi hægt að segja nákvæmlega hvernig verður,
en það er fullvíst, að hún kemur til með að taka miklu meiri
tíma en þær hátíðadagskrár, er verið hafa á undanförnum mót-
um, sem og eðlilegt er, þar sem um svo merk tímamót í
sögu UMFÍ er að ræða. 1 sambandi við hátiðadagskrána er
vert að geta þess, að mjög væri æskilegt að hægt verði að
koma á stórum hópsýningum, sem mörg umf. stæðu sameigin-
lega að. Það þarf nokkurt átak til að koma sameiginlegri hóp-
sýningu á, en það er fyllilega þess vert, að það sé athugað
til hlítar og allt gert til að það megi takast. Það væri glæsi-
legt að sjá hópsýningu 200 æskumanna og kvenna á þessu
merka afmælismóti. Ungmennafélögin hvert og eitt einasta
eiga að gera allt, sem hægt er, til að mótið verði sem glæsi-
legast. Þar sem vitað er, að hátíðadagskráin tekur meiri tíma
en undanfarið, er nauðsynlegt að fækka íþróttagreinunum,
sem keppt verður í. Það getur ekki farið fram sundkeppni á
mótinu, þar sem aðstæður leyfa ekki slíkt. Einnig er ákveðið