Skinfaxi - 01.09.1969, Síða 6

Óskar
Ágústsson,
form. HSÞ
og gestgjafi
á Laugum
Eiríkur J. Eiríksson, gat þess í setning-
arræðu sinni, að hann gæfi ekki oftar
kost á sér til starfa í stjóm samtak-
anna. Eiríkur minntist tveggja braut-
ryðjenda og forystumanna ungmenna-
félagshreyfingarinnar, þeirra Jóhann-
esar Jósefssonar og Jónasar Jónsson-
ar, sem látizt höfðu síðan síðasta sam-
bandsþing var haldið. Þingheimur
heiðraði minningu hinna látnu með því
að rísa úr sætum. Eiríkur gerði hlut-
verk íþróttasjóðs og setningu íþrótta-
laganna að sérstöku umræðuefni í
ræðu sinni, en nú eru liðin 30 ár síðan
þessi lög voru sett. Einn þeirra manna,
sem hvað mesta þátt átti í samningu
íþróttalaganna, var Aðalsteinn heitinn
Sigmundsson, fyrrv. sambandsstjóri
UMFÍ.
Þröngur fjárhagur
Sr. Eiríkur J. Eiríksson fylgdi starfs-
skýrslu stjórnarinnar fyrir síðustu 2 ár
úr hlaði. Var þar getið allra starfsþátta
samtakanna og fjallað um vandamál
ungmennafélagshreyfingarinnar. Frá-
farandi gjaldkeri( Valdimar Óskarsson,
skýrði reikninga UMFf. Síðan voru
þingmál önnur tekin fyrir, en þau voru
geysimörg, sem vænta mátti, því starf-
svið ungmennafélagshreyfingarinnar
er mjög víðtækt, verkefnin ótæmandi
og vissulega mörg vandamál óleyst. Al-
varlegasta vandamálið er hinn þröngi
fjárhagur UMFf, sem ógnar allri starf-
seminni.
Helztu mál, sem þingið fjallaði um,
voru þessi: Landsmót UMFÍ, fjármál
UMFÍ, skipulagning og rekstur,
Þrastaskógur og Þrastalundur, Skin-
faxi, starfsíþróttir, íþróttamál, land-
græðsla, félagsmálakennsla og leið-
beinendanámskeið, samstarf félaga og
skóla og svo hinir fjölmörgu þættir
aðrir í starfi ungmennafélagshreyfing-
arinnar.
Lagðar voru fram fjölmargar tillög-
ur og ályktanir af stjórn og einstökum
fulltrúum. Voru þær ræddar á þing-
fundum og í nefndum. Voru umræður
allmiklar, einkum um íþróttamál.
Samþykkt var ítarleg reglugerð um
Landsmót UMFÍ, og ennfremur nýjar
reglur um Skákþing UMFÍ og um Skin-
faxastyttuna.
Á kvöldvökunni í þinglok skemmti skáldatríó
Þingeyinga undir stjórn Daníels Danielssonar
læknis á Húsavík. Skáldin eru Baldur Bald-
vinsson á Ófeigsstöðum, Starri Björgvinsson
í Garði og Egill Jónasson á Húsavík.
6
SKINFAXI