Sjómannablaðið Víkingur - 01.12.1942, Blaðsíða 50

Sigluí jörður.
almennan stuðning fjölda góðra manna hér í
Siglufirði og annars staðar, sem vert er að
minnast með þakklæti.
En hér má ekki nema staðar. Ýmsar endur-
bætur á heimilinu þarf alltaf að gera við og
við, til að auka fjölbreytni starfseminnar. Við-
hald hússins kostar einnig mikið fé árlega.
Hver nýr sigur skapar ávallt nýtt takmark.
Sjómenn, aðkomufólk og heimamenn. Kynn-
ið yður starfsemi Sjómannaheimilisins, styðj-
ið að velgengni þess, og hagnýtið yður þá að-
stoð, sem það hefir að bjóða.
SIG LU F J ÚHoI ic
Um aldaraðir var Siglufjörður afskekktur
útkjálki, aðalbyggðin var á Siglunesi, en auk
þess nokkrir bæir meðfram firðinum. Sam-
göngur voru lélegar bæði á sjó og landi og
hafís tíður gestur, en honum fylgdi jafnan harð-
æri og allskonar óáran.
Ibyrjun 19. aldar hefst nýtt tímabil í sögu
Siglufjarðar. Þann 20. maí 1818 var, með kon-
unglegri tilskipun, löggiltur verzlunarstaður
við Siglufjörð og hundrað árum síðar fékk
Siglufjörður fullkomin kaupstaðarréttindi og
hefir á þesu ári verið gerður að sérstöku kjör-
dæmi. Fólki hefir fjölgað smám saman, einkum
þó eftir síðustu aldamót.
Árið 1819 voru íbúar í þáverandi Hvann-
eyrarhreppi 161, en um aldamótin 408; 1918
voru þeir 1116, en í árslok 1941 2838.
Síldveiðarnar hafa átt mestan þátt í því að
efla vöxt og viðgang Siglufjarðar, en þær
hefjast laust eftir aldamótin. Árið 1903 byrja
Norðmenn að veiða síld hér við land og tóku
Islendingar upp veiðiaðferðir þeirra, þær er nú
tíðkast. Miðstöð síldveiðanna hefir frá önd-
verðu verið í Siglufirði. Á fyrstu árunum var
síldin söltuð, nær eingöngu, en síðan var tekið
að reisa síldarbræðsluverksmiðjur, er unnu úr
síldinni lýsi og mjöl. Mun hafa verið byrjað að
fást hér við síldarbræðslu á árunum 1906—‘07.
Nú eru hér starfandi fimm síldarbræðsluverk-
smiðjur, auk fjölmargra söltunarstöðva. Síld-
veiðarnar byrja venjulega í júnílok og er lokið
í september, aðalveiðitíminn er þó júlí og ágúst.
Þeir, sem vilja sjá blómlegt og sérkennilegt
atvinnulíf, ættu að koma til Siglufjarðar á
þessum tíma, þegar síldveiðin stendur sem hæst.
Þó að síldveiðin sé aðalatvinnuvegurinn, eru
þó þorskveiðar allmikið stundaðar og eru hér
starfandi þrjú hraðfrystihús.
Atvinnulíf Siglufjarðar hefir hin síðari ár
haft mjög mikla þýðingu fyrir þjóðarheildina,
en samgöngur við þennan athafnaríka bæ hafa
þó engan veginn verið eins góðar og skyldi,
en þess mun þó varla langt að bíða úr þessu,
að vegurinn yfir Siglufjarðarskarð verð'i full-
gerður og bærinn komist þannig í samband
við bílvegakerfi landsins.
Framfarir hafa orðið miklar í Siglufirði hin
síðari ár, og bæjarbragur allur breytzt til
mikilla bóta, þó að margt sé enn ógert. Bær-
inn og bæjarlífið um síldveiðitímann hefir
stundum orðið fyrir ómildum dómum, oft ó-
maklega og af litlum skilningi og samúð; hins-
vegar ber því ekki að leyna, að athafnaríku
starfslífi vilja oft fylgja annmarkar á fram-
komu mann og háttsemi, sem nauðsyn ber til
að vinna gegn. Mun þetta að sjálfsögðu eiga
við um alla helztu athafnabæi landsins.
50
VIKINGUR