Sjómannablaðið Víkingur - 01.08.1979, Blaðsíða 56

Fáein orð um
sjómannastofur
í Víkingnum 2. tbl. eru 5
greinar um sjómannastofur. Það
gleður mig að einhver áhugi er að
vakna fyrir þessum málum og
langar mig því til að leggja þar
nokkur orð í belg þó ekki hafi ég
verið kvaddur þar til af neinum.
Ég hefi um 30 ára skeið verið
viðriðinn Kristilegt sjómannastarf
og kynnt mér það nokkuð meðal
nágrannaþjóða okkar, m.a. þegar
2 erlend útgerðarfélög buðu mér
út í þeim tilgangi sitt árið hvert.
Var það mjög gagnlegt og upp-
örvandi.
Ég hefi oft vikið opinberlega að
þessum málum, en svo virðist sem
það hafi fengið frekar lítinn
hljómgrunn enda íslendingar
langt á eftir öðrum í þessu þó leitt
sé frá að segja.
í grein Ingólfs Stefánssonar er
óskalisti í 10 liðum gagnvart sjó-
mannastofum, sem allt er gott að
vissu marki. En eitt gleymdist,
sem er aðalatriðið hjá nágranna-
þjóðum okkar, að þetta sé rekið á
kristilegum grundvelli, og því séð
fyrir andlegum þörfum manna
ekki síður en öðru.
Af opinberum skýrslum má sjá
að Norðmenn eiga 23 sjómanna-
stofur eða heimili innanlands og
30 erlendis, Danir eiga 27 heima, 5
í Grænlandi og 1 í Englandi, og
eitt hvíldarheimili fyrir sjómanns-
ekkjur. Þetta heimili er kostað af
útgerðarfélögum en starfrækt af
sjómannatrúboðinu. Ég heimsótti
þetta heimili með forstöðumanni
starfsins í Kaupmannahöfn og tók
þátt í samkomu þar. Var það mjög
blessað og í viðtali við konurnar
kom fram að þær undu mjög vel
56
hag sínum. Færeyingar eiga mörg
slík heimili heima og 1 á Græn-
landi og 1 á íslandi, Svíar eiga 20
heima og 65 erlendis. Auk þess
eiga þessar þjóðir a.m.k. 4 skip,
sem bæði eru hjálpar- og trú-
boðsskip. Þá gefa þessar þjóðir út
6 kristileg sjómannablöð því allt
er þetta rekið á kristilegum
grundvelli og er því komin mikil
og góð reynsla á þessa starfsemi
hjá þeim. T.d. hafa Norðmenn 105
ár að baki því þeirra sjómanna-
starf var stofnað 31. ágúst 1864.
Mættum við ekki læra eitthvað af
reynslu þessara nágranna okkar?
Ég hefi á öðrum vettvangi sagt
frá því hve mikla blessun ég hlaut
af starfi Norðmanna meðan þeir
áttu sitt sjómannaheimili á Siglu-
firði, og ég trúi því ekki að ég hafi
verið eini íslendingurinn, sem
fann það hversu gott var að eiga
þar athvarf og njóta þeirrar þjón-
ustu, sem það veitti.
Þessvegna, kæru vinir, sem
hafið nú fengið áhuga fyrir þessu
málefni. Byggið upp margar sjó-
mannastofur og heimili, því það
eiga íslenskir sjómenn sannarlega
skilið, og það er hægt ef almennur
vilji er fyrir hendi, en gleymið ekki
Guði, sem gefur okkur allt. Vinnið
að þessu og starfrækið það á
kristilegum grundvelli. „Ef Drott-
inn byggir ekki húsið, erfiða
smiðirnir til ónýtis.“ (Sálm 127:1.)
Heyrið einnig orð Jesú: „Maður-
inn lifir ekki á brauði einu saman,
heldur á sérhverju orði, sem fram
gengur, af Guðs munni.“ (Matt.
4:4.) Guð gefi þessu máli sigur.
Sigfús B. Valdimarsson
VÍKINGUR