Sjómannablaðið Víkingur - 01.01.1981, Qupperneq 34

Árvakur. Landhelgisgæslan hefur séð um rekstur hans síðan 1969.
r
% „Vitaskipið Árvakur kom til landsins sl.
sumar. Skipið var smíðað í Hollandi, en
skipaskoðunarstjóri Hjálmar R. Bárð-
arson gerði aðal uppdrætti og smíða-
lýsingu.“
• Þessi stutta frétt birtist í 4. tbl. Víkings
árið 1963, ásamt nánari upplýsingum
um stærð skipsins, ganghraða o.fl. Þar
er sagt að vitaskipið hafi gert geysi-
mikið gagn á því tæpa ári sem það hafi
starfað, og verkefni verið margvísleg.
0 Síðan er mikið vatn runnið til sjávar.
Undanfarna mánuði hefur mikið verið
rætt um að selja Árvakur. Á fjárlögum
fyrir 1981 eru engar fjárveitingar til
reksturs vitaskipsins. Eftir því sem Vík-
ingur hefur komist næst vilja stjórnvöld
selja skipið á þeim forsendum að ný
þyrla Landhelgisgæslunnar geti annað
stórum hluta þeirra verkefna sem Ár-
vakur hafði áður.
# Aðalsteinn Júlíusson vitamálastjóri
segir í viðtali við Víking á sl. ári, að
Árvakur hafi verið keyptur með fjár-
veitingum í gegnum vitamál, „svo það er
ekki talinn nokkur vafi á því að hann á að
færast sem eign Vitamálastofnunar og
hún gerði hann út til 1969, en þá var
Landhelgisgæslunni fenginn rekstur
hans og henni þá jafnframt falið að
annast fyrir okkur flutninga og það
annað sem nauðsynlegt er að nota
skipið til.“
% Víkingur leitaði álits nokkurra aðila
sem hafa með þetta mál að gera.
# „Samgöngumálaráðuneytinu hefur ver-
ið gerð grein fyrir skoðun vitamála-
stofnunar,“ sagði Aðalsteinn Júlíusson
vitamálastjóri. „Ég tel útilokað annað
en að til sé í landinu skip eins og Ár-
vakur. Við erum eindregið á móti sölu
vitaskipsins.“
34
VÍKINGUR