Sjómannablaðið Víkingur - 01.01.1981, Blaðsíða 53
ingum í nærur. Ennig bað hann
um frjáls framlög. Ef menn gátu
ekki látið dollara eða pund af
hendi rakna þótti honum vænt um
að fá smjör eða súkkulaði. Ef
ekkert af þessu var til lét hann sér
nægja nokkrar bjórflöskur.
Vinur vor lóðsinn var trúaður
maður og biblíufróður. Hann til-
heyrði söfnuði sem hafði lesið það
milli línanna í bíflíunni að Kristur
væri fæddur í október og þá hélt
hans fólk jól. I Nígeríu er fjöl-
kvæni algengt og þá aðallega
meðal múhameðstrúarmanna,
sem eru í meirihluta í norður hluta
landsins þar sem höfuðborgin
Lagos er. í suður hluta landsins er
kristni algengari. Lóðsinn hélt því
fram að ekki væri stafur fyrir því í
bíflíunni að fjölkvæni væri gegn
vilja guðs. Hann sagðist að vísu
aðeins vera giftur einni en bætti
sér það upp með hjákonu. Börn
hans voru í menntatækni- og há-
skólum. Hvítur maður sem ég
kynntist þarna sagði að hægt væri
að kaupa hvaða prófgráðu sem
væri. Það að nær annar hver mað-
ur sem minnst var á í sjónvarpinu
bar doktorstitil renndi stoðum
undir þessa skoðun.
Heilbrigðisþjónusta í Nígeríu er
ekki upp á marga fiska. Að vísu
má heita að bólusetning gegn
ýmsum sjúkdómum sé almenn, en
ef einhver fyrirmaður veikist
alvarlega fer hann tafarlaust með
næstu flugvél til London eða Sviss.
Hvítir starfsmenn í Nígeríu hafa
það í ráðningarsamningi sínum að
veikist þeir skuli tryggingafélag
vinnuveitenda sjá þeim fyrir fari
með fyrstu vél til Norður-Evrópu.
Ef slys ber að höndum eru tvær
flugvélar búnar fullkomnum
skurðstofum og með hjúkrunarlið,
til taks í sitthvoru Afríkuríkinu á
vegum sama tryggingafélags, til að
hefja sig til flugs þegar beiðni
kemur um aðstoð við skjólstæð-
ing tryggingafélagsins.
Við þurftum tvívegis að senda
VÍKINGUR
sjúklinga til læknis. í fyrra skipt-
ið hlaut vélstjóri slæmt svöðusár.
með hjálp eins líbanans var farið
með hann til egyptsks kvenlæknis,
en innfluttum egyptskum og ind-
verskum læknum er betur treyst
en innfæddum. Saumaði hún svo
gisið og illa að stýrimaður eftir
vikuveru á slysavarðstofu hefði átt
að geta betur. Seinna þurfti að
fara með mann til innfædds
læknis vegna húðsjúkdóms. Hann
var rangt greindur og fékk mað-
urinn ranga meðhöndlun. Áður en
lagt er í ferðir til Nígeríu er vissara
að vera vel búinn sýklalyfjum, því
þar er þörf fyrir þau en erfitt og
dýrt að fá þau.
Skipun hafnarstjórans var
framkvæmd. Vig sigldum niður að
Dawes-Eyju og lögðumst við
akkeri. Héldum við sjóvökur og
höfðum mann á bakka eftir
myrkur. Þarna lágu um 10 skip.
Eitt þeirra var júgóslavneskt og
hafði verið þar síðan í apríl.
Farmur skipsins var hrísgrjón sem
eru dýr í Nígeríu. Þessi bið stafaði
af tímabundnu innflutningsbanni
sem jók eftirspurnina, og hækkaði
verðið. Flestir þeir sem koma ná-
lægt þessum farmi högnuðust því
meir eftir því sem biðin var lengri.
Á kvöldin komu stúlkurnar á
bátum og buðu blíðu sína. Þó
henni væri hafnað gáfu stúlkurnar
sig ekki og komu aftur og sögðu
þá: Make love not for money just
for love and stockfish, sem út-
leggst: Við elskum ekki fyrir pen-
inga heldur vegna ástar og fyrir
skreið. En allt kom fyrir ekki.
Þrátt fyrir mórauðan lit fljótsins
létu stákarnir það ekki á sig fá
heldur syntu í kringum skipið og
hentu sér til sunds af stefni og allt
upp að dekki fyrir neðan brúar-
dekk. Þar er um átta metra fall-
hæð. engum varð meint, af heldur
hresstust rnenn við baðið.
Börn frá nærliggjandi þorpum
sem virðast læra að halda á ár og
synda áður en þau læra að ganga
seldu okkur banana og léku listir
sínar fyrir aftan skipið flesta daga.
Dag einn þegar björgunartæki
skipsins voru yfirfarin var tæki-
færið notað og höfð róðrar- og
seglaæfing. Rérum við eftir fljót-
inu meðfram þremur húsaþyrp-
ingum. í þorpi því er næst okkur
var voru öll húsin stráhús og
fremur hrörleg. í næsta þorpi voru
hús ýmisst byggð úr stráum eða
bárujárni og krossviðarplötum. í
þriðja þorpinu sem var fjölmenn-
ast voru öll húsin úr bárujámi og
krossviði. Þar var einnig mest
menningin. Sem sé öskuhaugar og
tómar olíutunnur í jarðri þorpsins
Fararstjóri leiðangursins: Sigurjón Sigurjónsson skipstjóri. (Mynd Þ.H.)