Sjómannablaðið Víkingur - 01.06.2002, Page 30

Sjávarútvegsstefna ESB rannsökuð út frá hugsanlegri
aðild íslands að sambandinu
Gerl út frá Brussd?
Út er komin bók með ofangreindum titli og fjallar hún um íslenskan sjávarútveg og Evr-
ópusambandið. Höfundur er Úlfar Hauksson sem lokið hefur MA-prófi í evrópskum stjórn-
sýslufræðum. 1 bókinni er farið ofan í saumana á þeirri grundvallarspurningu hvort, og þá
hvernig, íslendingar gætu tryggt hagsmuni sína í sjávarútvegi í aðildarviðræðum við ESB.
Útgefandi bókarinnar er Háskólaútgáfan.
Bókin er í tveimur nokkuð sjálfstæðum hlutum. í fyrri hlutanum er umræðan bundin við
sjávarútvegsstefnu ESB. Skýrt er frá upphafi og uppbyggingu stefnunnar og hvernig hún
hefur þróast í gegnum tíðina. Seinni hlutinn fjallar um aðildarsamning Norðmanna frá ár-
inu 1994 og hvernig norsk stjórnvöld beittu sér í aðildarviðræðunum. Hugsanleg staða ís-
lands innan sjávarútvegsstefnunnar er síðan metin út frá uppbyggingu og þróun sjávarút-
vegsstefnunnar og út frá reynslu Norðmanna í aðildarviðræðunum. Höfundur segir meðal
annars í formála bókarinnar, að það sé hans mat að faglegri umræðu um Evrópusambandið
sé stórkostlega ábótavant hér á landi. Til marks um það sé lítið til af aðgengilegu lesefni
um Evrópusambandið á íslensku og svo til ekkert um sjávarútvegsstefnuna. Bókin sé fyrst
og fremst hugsuð sem innlegg í Evrópuumræðuna hér á landi. Hér á næstu síðum birtist
kafli úr síðari hluta bókarinnar.
30 - Sjómannablaðið Víkingur