Náttúrufræðingurinn - 1962, Page 38

132
NÁTTÚRUFRÆÐINGURINN
1. mynd. Veðurkort kl. G GMT 8. okt. 1961. Feita örvaltnan sýnir flugleið
fugla, sem legðu af stað frá Stafangri kl. 18, 7. okt. og stefndu á Peterhead eins
og granna örvalínan sýnir.
Varla er nokkur eí’i, að fuglahóparnir hafa verið á leið frá
Suðvestur-Noregi til Skotlands. Venja þessara fugla er að afla fæðu
á daginn, en fljúga á nóttunni. Fyrri sveimurinn hefur því lagt
af stað að kvöldi þess 7. Þá var veðri svo háttað, að suðaustan átt
var á stóru svæði á þessum slóðum, eða frá háþrýstisvæði, sem var
yfir Finnlandi, að djúpri lægð um 000 km vestur af Skotlandi.
Kuldaskil lágu frá Norður-Englandi suðaustur yfir Norðursjó til
Hollands, og loftið fyrir austan skilin var þurrt og hlýtt Evrópu-
loft. Náði það yfir öll Norðurlönd og mikinn hluta Norðursjávar.
Á meginlandinu var sæmilegt skyggni í þessu lofti, en þegar það
kom út yfir sjóinn, myndaðist í því þoKumistur og skýjaflákar. Við
skilin er veðrið þó verst, mjög lágskýjað, rigning eða súld og víða
þoka. Veðrið í Stafangri virðist nógu gott til að fuglar hefji flug.
Klukkan 18, eða í rökkrinu, var þar ASA 4 vindstig, léttskýjað og
15 km skyggni, en á Petershead í Skotlandi, ströndinni beint á
móti, var SSA 3 vindstig, úðarigning og skyggni aðeins 2 km.
Ef fuglarnir hafa flogið með 20 hnúta hraða í beina stefnu milli
oíannefndra staða, mundi vindurinn bera þá svo af leið, að förin
lægi rétt fyrir sunnan Hjaltlandseyjar, því að SA-stinningskaldi var