Náttúrufræðingurinn - 1962, Page 48

142
NÁTTÚRUFRÆÐINGURINN
færustu grasafræðingum landsins að t. d. rauðar og brúnar Sphag-
num-tegundir séu nærri hvítar og heiti hvítmosar. Fullyrðingar um
að hvitmosi sé hvítur eru ekki nema eðlilegar, jafnvel hjá grasa-
fræðingum. Þetta heiti, hvítmosi, hefur verið notað í íslenzku, að
ég held, í meira en 65 ár, og má vera að það réttlæti það, að jafnvel
rautt sé kallað hvítt eða „nærri hvítt“. Ég hef litla von um að
þetta nafn verði lagt niður, þó hefur Eyþór Einarsson tekið upp
rnína tillögu og notað orðið svarðmosi um Sphagnum í Náttúru
íslands, og er ég honum þakklátur fyrir það.
Að lokum vil ég minna á grein eftir Ingimar Óskarsson í öðru
hefti 18. árgangs af Náttúrufræðingnum um nafngiftir plantna. Þó
ég sé ekki að öllu leyti sammála þeim starfsreglum, sem þar eru
fram settar, er æskilegt að tillögu lians um nafngiftarnefnd verði
hrundið í framkvæmd sem fyrst. Slík nefnd veit ég að er a. m. k.
starfandi í Noregi, og virðist mér hennar ekki síður þörf hér.
Bergþór Jóhannsson.
Þriðji fundarstaður vatnsagnar.
Rétt þykir mér að geta nýrra fundarstaða tveggja blómplantna,
þótt það hafi nokkuð dregist.
Vatnsögn, Crassula aquatica (L) Schönland, fann ég 24. ágúst
1961 við Þorlákshver í Skálholti, er ég var þar að svipast um eftir
mosum. Tegund þessi hefur ekki fundizt hér alllengi þrátt fyrir
nokkra leit. Áður hefur hún fundizt á Laugarvatni og í Laugarási.
Vatnsögnin í Skálholti óx í rökum leir í jarðhita rétt við hverinn,
og var þar allnokkuð af henni. Aðrar háplöntutegundir, er þar uxu
voru m. a. vatnsnafli, flóajurt, græðisúra, tágamura, mýradún-
urt, skriðlíngresi, laufasef og lindasef. Jarðhiti er bæði á Laugar-
vatni og Laugarási, en ekki er mér kunnugt hvort vatnsögnin hefur
á þeim stöðum fundizt við jarðhita, verður það ekki ráðið af Flóru
íslands. Vera má að leit að vatnsögninni á fyrri fundarstöðum verði
ekki árangurslaus ef vaxtarstaðurinn á þriðja fundarstaðnum er
hafður í huga.
Jöklaklukku, Cardamine bellidifolia L., fann ég á Esjunni í
öllum ferðum mínum þangað 1961. Þar vex hún víða á háfjallinu í
Rhacomitrium breiðum. Jöklaklukku er ekki getið frá SV-landi
í Flóru íslands. Bergþór Jóhannsson.