Náttúrufræðingurinn - 1981, Page 16

7. mynd. Starahópur yfir náttstaö i Skógræktarstöðinni í Fossvogi. — Starlings at the largest
roosting place in Reykjavík. Ljósm. Skarphéðinn Þórisson.
seinni part sumars og á haustin þegar
fjöldi stara er mestur. Tafla II sýnir
niðurstöður þeirra talninga sem gerðar
hafa verið (sbr. 7. og 8. mynd). Þar sést
að haustið 1977 var hámarksfjölda náð
þegar í jíilí en þá var stór hluti fuglanna
ungar frá vorinu. Þegar líða tók á vet-
urinn fækkaði fuglunum og voru þeir
aðeins um 700 frá desember til febrúar.
Þann 22. 3. 1978 voru stararnir innan
við 200, en þá er liklegt að margir jreirra
séu farnir að nátta sig á varpstöðvunr.
Þann 6. 2. 1976 voru engir starar í
Skógræktarstöðinni eftir að almyrkt var
orðið (Kristinn H. Skarphéðinsson) en
ekki virðist ólíklegt að þeir hafi þá nátt-
að sig í stúku Laugardalsvallar (sjá síð-
ar). Komið hefur fyrir að fuglarnir sem
nátta sig í Skógræktarstöðinni flytji sig
yfir i trjágarð neðan Fossvogskirkju-
garðs. Þann 6. 6. 1976 voru t. d. um 200
starar þar í náttstað og komu þeir úr
Skógræktarstöðinni. Er gengið var um
Skógræktarstöðina sama kvöld fældust
14 starar upp og bættust í hóp hinna en
enginn stari náttaði sig í Skógræktar-
stöðinni þá nótt (Kristinn H. Skarp-
héðinsson).
Stúka Laugardalsvallar
Stúka Laugardalsvallar var lagfærð
og stækkuð mikið 1968—1969. Fyrst
158