Náttúrufræðingurinn - 1940, Síða 10

2
NÁTTÚRUFRÆÐINGURINN
fiskirannsóknirnar eiga að rækja sína köllun í þjóðfélaginu. Á
hinn bóginn hefur Fiskideildinni ekki verið séð fyrir fé til út-
gáfustarfsemi og hef ég þó, með samþykki núverandi atvinnu-
málaráðherra, ráðist í útgáfu, sem nú er hafin, á skýrslum frá
deildinni. Verður nú gerð tilraun til þess að láta slíka útgáfu
bera sig, með því að safna áskrifendum að ritum deildarinnar,
en sjálfur varð ég að bera fjárhagslega ábyrgð á þessu ,,brölti“,
en mér er á hinn bóginn í sjálfsvald sett hvenær ég hætti útgáf-
unni og tek afleiðingunum.
Af þessum ástæðum sá ég mér ekki annað fært en að reyna
að létta af mér þeirri áhættu, sem Náttúrufræðingurinn hlaut
að leggja mér á herðar, og urðu mér þá að liði vinsældir ritsins,
og fann ég brátt manninn, sem vildi taka það að sér, en hann
er Guðjón Ó. Guðjónsson, yfirprentari, ísafoldarprentsmiðju,
Reykjavík. Honum hef ég nú selt Náttúrufræðinginn og ber því
hér eftir að senda honum allar greiðslur fyrir ritið, alla reikn-
inga til þess, nýjar pantanir, kvartanir um vanskil, sem og alla
aðra málaleitun, er varðar fjárhagshliðina, þar sem hann er
nú réttur eigandi Náttúrufræðingsins. Á hinn bóginn mun ég
framvegis hafa ritstjórnina á hendi og vil ég með gleði láta rit-
inu af hendi af frístundum mínum til þeirra starfa, eins og þótt
ég ætti það sjálfur enn. Vil ég því biðja menn að snúa sér til
mín með allt, sem .efni ritsins kann að varða, hér eftir eins og
hingað til.
Ég vil á þessum stað tjá hr. Guðjóni Ó. Guðjónssyni beztu
þökk mína fyrir það, að hann ber hugsjón til þess að taka fram-
tíð Náttúrufræðingsins í sínar hendur á slíkum erfiðleika- og
óvissutímum og þeim, er nú standa yfir. Um leið hefur hann
losað mig úr fjárhagslegri áhættu, og gert mér fært að hefjast
handa um útgáfu rita fyrir Fiskideildina. Vil ég skora á alla
velunnara Náttúrufræðingsins að standa sem fyrr á v.erði um
framtíð hans og láta nýja eigandann finna það, að honum verði
að trú sinni á framtíð Náttúrufræðingsins. Þá get ég ekki afsal-
að mér eignarrétti á Náttúrufræðingnum, án þess að færa sér-
staka þökk þeim, sem innsta hringinn hafa skipað. Vil ég þar
telja Hið íslenzka náttúrufræðifélag, alla þá, sem hafa látið
ritið njóta ávaxta af starfi sínu með því að skrifa í það, og
þar með átt sterkan þátt í þeim vinsældum, sem Náttúrufræð-
ingnum hefur tekizt að afla sér, og loks hinum mörgu, sem með
brosi á brá hafa styrkt útgáfuna með auglýsingum. Loks vona