Náttúrufræðingurinn - 1940, Side 12

4
NÁTTÚRUFRÆÐINGURINN
Finnur Guflmundsson:
FUGLANÝJUNGAR I
SKÝRSLA FYRIR ÁRIN 1938 OG 1939
Undanfarið hefi eg gert mér far um, að afla mér sem yfir-
gripsmestra upplýsinga um sjaldgæfa fugla og flækinga, sem
vart hefir orðið við hér á landi á árunum 1938 og 1939. Hefir
þessi viðleitni mín borið góðan árangur, og hafa ýmsir athugulir
menn, víðsvegar um land, sent mér skýrslur um athuganir sínar.
Auk þess hafa mér verið sendir nokkrir nýir eða sjaldséðir fugl-
ar, og loks hafa þeir dr. phil. Bjarni Sæmundsson, mag. scient.
Árni Friðriksson og cand. phil. Magnús Björnsson gert mér þann
mikla greiða, að ljá mér til afnota bréf með margskonar fróð-
leik um fugla, sem þeim hafa borizt á þessu tímabili. Eg vil hér
með leyfa mér, að þakka öllum þeim, er hafa sent mér fugla
eða á einn eða annan hátt hafa látið mér upplýsingar í té um
þetta efni.
1 skýrslu þeirri, er hér kemur fyrir almennings sjónir, eru
allar þessar upplýsingar dregnar saman í eina heild. í fyrsta
kafla skýrslunnar er getið um 8 nýja fugla, sem náðst hafa hér
á þessu tímabili. Að undanskildum tveimur tegundum, sem áður
hefir verið getið um í Náttúrufræðingnum, er í þessum kafla all-
ítarleg lýsing á útliti og lifnaðarháttum hverrar tegundar. Tel
eg það nauðsynlegt, til þess að menn geti betur áttað sig á teg-
undunum eftirleiðis, og þekkt þær, ef þeirra kynni að verða hér
vart aftur, en um enga þeirra hefir auðvitað verið getið á ís-
lenzku áður. í næsta kafla er svo getið um sjaldséða fugla og
flækinga, 21 að tölu, sem sézt hafa hér á sama tímabili. Sumir
þeirra hafa aðeins sézt einu sinni eða örsjaldan áður, en aðrir
oftar, og enn aðrir sjást hér árlega. Lýsingar á flestum þessum
fuglum og lifnaðarháttum þeirra er að finna í fuglabók dr.
Bjarna Sæmundssonar (B. Sæm.: íslenzk dýr III. Fuglarnir.
Rvk. 1936). í þriðja og síðasta kaflanum eru loks nokkrar al-
mennar hugleiðingar um athuganirnar og ályktanir þær, sem
af þeim má draga.
Eg vil taka það fram, að skýrsla þessi byggist eingöngu á at-