Náttúrufræðingurinn - 1940, Qupperneq 36

28
NÁTTÚRUFRÆÐINGURINN
steins Einarssonar. Fuglinn hafði verið einn sér uppi á sjávar-
bakkanum, úti á svonefndum ,,Urðum“, austan á Heimaey. Um
þennan fugl hefi ég áður getið í Náttúrufræðingnum.1)
20. Skógarsnípa (Scolopax rusticula rusticula L.).
Kvísker í Öræfum, A.-Skaft. f bréfi til cand. phil. Magnúsar
Björnssonar, dags. 24. 11. 1938, segir Sigurður Björnsson,
að 18. nóv. 1938 hafi sézt þar skógarsnípa.
Vestmannaeyjar (heimildarm. Þorsteinn Einarsson).
30. des. 1938 var skotin þar skógarsnípa í frosti og norðan
roki.
16. nóv. 1939 var aftur skotin þar skógasnípa eftir jarð-
bönn og stórviðri.
21. Blesönd (Fulica atra atra L.).
Samkv. upplýsingum frá Halldóri Guðbjartssyni, Láganúpí
í Kollsvík, V.-Barð., fannst þar dauð blesönd 28. des. 1938.
III. GILDI OG ÁRANGUR ATHUGANANNA.
f tveim undanfarandi köflum þessarar skýrslu hefir verið
getið um 29 flækinga eða hrakningsfugla, sem vart hefir orðið
við hér á landi á árunum 1938 og 1939. Sameiginlegt með þeim
flestum er það, að þeir sjást hér helzt á haustin og veturnar eða
(sjaldnar) á vorin. Það skal þó tekið skýrt fram, að hin eigin-
legu vetrarheimkynni þessara fugla eru ekki á fslandi, og ís-
land er heldur ekki á vegi þeirra á ferðunum milli varp- og
vetrarheimkynnanna.
Hvaðan koma þá þessir fuglar og hvernig stendur á ferðum
þeirra hingað? Þetta er fyrsta spurningin, sem fyrir manni vakn-
ar í sambandi við hingaðkomu þeirra. Þessari spurningu er ekki
auðvelt að svara í stuttu máli, en ég vil þó ekki láta undir höf-
uð leggjast, að gera tilraun til þess hér.
Meðfylgjandi tafla sýnir, hver eru nálægustu varpheimkynni
þessara fugla, en þaðan eru auðvitað mest líkindi til að þeir séu
1) Finnur Guðmundsson: Fuglanýjungar. Náttúrufr., VIII. árg., 1938,
bls. 164—167.