Náttúrufræðingurinn - 1940, Blaðsíða 39

NÁTTÚRUFRÆÐINGURINN
31
,en þeir verða ekki kynþroska fyr en þeir eru 5 ára gamlir. Á
bls. 26 er getið um merktan hegra, sem fannst dauður í Horna-
firði í jan. 1939. Hann hafði verið merktur sem ungi í Noregi
árið áður. Það má þó telja víst, að hegrar komi hingað ekki að-
eins frá Skandínavíu, heldur einnig frá Bretlandseyjum og jafn-
vel víðar að. Einnig má búast við því, að vepjur komi hingað
bæði frá Skandínavíu og Bretlandseyjum. Þær flakka víða, og
eru auk þess lélegir flugfuglar, sem hrekur oft í stórhópum á
haf út, og jafnvel til fjarlægra landa. Um bláhrafninn er það
að segja, að hann flakkar um í stórhópum á haustin og vet-
urnar, og er talið, að í sumum árum hafi mergð af bláhröfn-
um frá Bretlandseyjum flætt yfir Noreg. Það er því ekkert ólík-
legt, að smáhópar af bláhröfnum flækist hingað frá Bretlands-
eyjum á veturnar, enda þótt vel geti verið, að norskir bláhrafn-
ar sjáist hér líka. Landsvölur þær, sem eru hér sumstaðar all-
tíðar á vorin og fram eftir sumri, gætu vel verið svölur, sem eru
að koma til Bretlandseyja frá vetrarheimkynnum sínum, en
halda áfram ferð sinni enn lengra til norðurs, og lenda þá til
Færeyja eða íslands. Fleiri flækingar, sem hafa sézt hér 1938
—1939, eða sumir einstaklingar þeirra, gætu verið af brezkum
uppruna, enda þótt ekkert verði sagt um það með vissu, fyr en
frekari rannsóknir hafa farið fram.
Tvær tegundir eru varpfuglar á Bretlandseyjum, en ekki í
Noregi (sbr. töfluna). Þessar tegundir eru skutulönd og turtil-
dúfa.Um skutulöndina er það að segja,að hún er varpfugl áBret-
landseyjum, í Mið- og Suður-Evrópu,löndunum í kringumEystra-
salt (t. d. Svíþjóð) og víðar. í Noregi sést hún sem flækingur á
haustin, veturnar og vorin. Gæti því hugsast, að hún hefði komið
hingað frá Skandinavíu, en miklu líklegra þykir mér þó, að hún
hafi fylgzt hingað með íslenzkum öndum frá Bretlandseyjum,
en fuglamerkingarnar hafa sýnt, að megnið af íslenzkum önd-
um, sem eru farfuglar, dvelja þar vetrarlangt, eða fara þar að
minnsta kosti um vor og haust. Turtildúfan er varpfugl á Bret-
landseyjum og í Mið- og Suður-Evrópu. I Skandínavíu sést hún
aðeins sem flækingur. Er því ekki ólíklegt, að hún hafi komið
hingað frá Bretlandseyjum, enda þótt ekkert verði fullyrt um
það með vissu. Ein tegund, grábrystingurinn, er varpfugl í Mið-
og Suður-Evrópu og S.-Svíþjóð, en hvorki á Bretlandseyjum né
í Noregi, nema eitthvað lítilsháttar hjá Oslo á síðari árum.
Hvaðan eða hvaða leið hann hefir komið hingað er óvíst.