Náttúrufræðingurinn - 1940, Side 56

48
NÁTTÚRUFRÆÐINGURINN
vald sett, hvort hann vill vera lúsugur eða ekki, en veggjalús-
um verður ekki útrýmt, sé mikið af þeim, nema með kröftugri
meðulum en almenningur hefir yfir að ráða. Dæmi eru til þess,
að húseigendur í Reykjavík og Akureyri hafa ekki viljað láta
vita um veggjalýs í íbúðum sínum af ótta við að geta þá ekki
leigt þær. Og mörg dæmi eru um það, að minnsta kosti í Reykja-
vík, að leigjendur hafi flutt veggjalýs með sér hús úr húsi í
farangri sínum, vegna þess að þeim hefir þótt ófínt að láta henn-
ar getið. Lengst mun þó sá hafa gengið í kæruleysi í þessum
efnum, sem sendi veggjalýsnar í eldspýtnastokknum inn á heim-
ili nágranna síns. En það átti sér ekki stað í höfuðstaðnum.
Augljóst ætti að vera af því, sem á undan er sagt, hve nauð-
synlegt er, að sett verði lög um veggjalýs og önnur skaðleg skor-
dýr í húsum, svo fólk geti ekki alveg óátalið gert öðrum stór-
tjón fremur í þessu efni en öðrum.
Yeggjalýsnar eru þegar orðnar allt of útbreiddar hér á landi,
og það þolir enga bið að þeim sé útrýmt. En það er þegar sýni-
legt, að það verður ekki gert fyrr en heilbrigðisstjórn landsins
tekur málið í sínar hendur og sendir kunnáttumann um landið
til þess að annast útrýmingu þeirra. Almenningur getur að vísu
haldið veggjalúsunum í skefjum með skordýradufti og öðrum
slíkum meðulum, en útrýmingar er tæplaga að vænta, séu mikil
brögð að þeim, nema með gaseitrun, en þannig hefir veggjalús-
um verið fullkomlega útrýmt af nokkrum heimilum bæði í
Reykjavík og uppi í sveit.
Það er nauðsynlegt að hver, sem verður var við vágest þenn-
an í híbýlum sínum, tilkynni það þegar í stað til þess fulltrúa
heilbrigðismálanna, sem næstur er. Yanræksla í þessu efni, og
slælegar varnir gegn dýrum þessum, getur orðið því valdandi,
að veggjalýs verði, er tímar líða, í hverri sveit og hverjum
kaupstað á Islandi. En slíkt má ekki henda. Verum á verði gegn
veggjalúsum og öðrum skaðsemdardýrum og útrýmum þeim.
ísland framtíðarinnar á að vera laust við þennan óþrifnað.
Ferðamannalandið þarf að hafa öll hin beztu meðmæli.
Geir Gígja.