Náttúrufræðingurinn - 1958, Qupperneq 57

Harald Ulrik Sverdrup, prófessor, dr. phil.
15. nóv. 1888 — 21. ágúst 1957.
Með prófessor Sverdrup er
fallinn í valinn einn af þekkt-
ustu haffræðingum vorra daga.
Þar sem ég hafði þá ánægju
að kynnast Sverdrup vel, er
það mér kærkomið verkefni að
geta hans með nokkrum orð-
um í Náttúrufræðingnum.
Harald Ulrik Sverdrup
fæddist 15. nóvember 1888, í
Sogni í Noregi. Faðir hans var
prófessor Johan F.dvard Sverd-
rup (1861—1923), en móðir
Maria Vollan Sverdrup (1865-
1891). Harald Ulrik Sver-
drup kvæntist 1928. Kona
lians var Gudrun Vaumund,
fædd Brpnn (8. júní 1893) og
lifir hún mann sinn.
Um helztu áfanga í lífi pró-
fessors Sverdrups er þetta að segja: Hann tók stúdentspróf 1906,
gekk í herinn 1908 en hafði þá einnig lagt út á námsbrautina. í
hernum varð hann præmier-leutnant og háskólanáminu í Osló lauk
hann 1914, sem Cand. real. Þremur árum síðar varði hann doktors-
ritgjörð (Der Nordatlantische Passat, 1917). Hann var kjörinn
heiðursdoktor við „University of Southern California" 1947.
Það varð Sverdrup til mikils happs að komast að sem aðstoðar-
maður hjá hinum fræga prófessor Bjerknes, fyrst í Osló (1911—’ 12)
og síðar í Leipzig (1913—17). Þegar hér var komið var honum