Náttúrufræðingurinn - 1995, Side 66

Á NÆSTUNNI
Fjölmargar greinar bíða nú birtingar í
Náttúrufrœðingnum. Hér er tœpt á efni
nokkurra sem birtast munu í nœstu
heftum.
Haförninn
Kristinn Haukur Skarphéðinsson skrifar
um íslenska hafarnarstofninn, hvernig
honum var nærri því útrýmt um síðustu
aldamót og vöxt hans og viðgang á 20. öld.
Knattkol
Hin hraða tækniþróun sem við búum við á
m.a. rætur að rekja til mikilla framfara í
lífrænni efnafræði. Már Björgvinsson efna-
fræðingur greinir frá einni þeirra nýjunga
sem hvað mestar vonir eru bundnar við en
það eru knattlaga kolefnissameindir og
ýmis tilbrigði við þær.
Ferð Galíleós
Geimflaugin Galíleó er nú á leið út eftir
sólkerfinu og í desember 1995 verður hún
komin í námunda við Júpíter. Gunnlaugur
Björnsson stjarneðlisfræðingur fræðir les-
endur um þetta ferðalag.
Jarðfræði Landbrots O.FL.
Jón Jónsson er lesendum Náttúrufræðings-
ins að góðu kunnur. Hann hefur nú tekið
saman ítarlega grein um jarðfræði Land-
brots og næsta nágrennis og auk þess hefur
hann sent ritinu fjórar styttri greinar sem
bíða birtingar.
R/ÚPNATALNINGAR
Ólafur K. Nielsen fuglafræðingur greinir
frá rannsóknum sínum á stofnstærð rjúpu á
undanförnum árum en tilgangur rannsókn-
anna hefur veðið að skýra breytingar á
stofnstærð og afkomu fálka.
ÁST/ÖRN í HAFNARFIRÐI
Nýlega var Ástjörn mikið til umræðu
vegna fyrirhugaðra breytinga á aðalskipu-
lagi Hafnarfjarðar. Af því tilefni tók
Gunnar Ólafsson steingervingafræðingur
saman yfirlit um myndunarsögu og lffriki
tjarnarinnar.
Geirfuglinn í
Náttúrugripasafninu
Fyrir rúmum tuttugu árum var íslensku
þjóðinni sleginn uppstoppaður geirfugl á
uppboði í London. Fuglinn er varðveittur í
Náttúrugripasafninu við Hlemm í Reykja-
vík. Safnið á að auki tvö geirfuglsegg og
eina beinagrind af geirfugli. Ævar Peter-
sen rekur sögu þessara merku gripa, en
árið 1994 voru liðin 150 ár frá því síðustu
geirfuglarnir voru drepnir í Eldey.
Norðan Vatna/ökuls III
Þetta er þriðja grein Guttorms Sigbjarnar-
sonar um jarðfræðirannsóknir á þessu
svæði. Er nú komið að umfjöllun um
eldstöðvar og hraun.
Innfluttar NYT/APLÖNTUR
Áslaug Helgadóttir plöntuerfðafræðingur
og formaður ritnefndar Náttúrufræðingsins
skrifar grein um nýtingu lands og innflutt-
ar plöntutegundir, en þau mál hafa verið
töluvert í sviðsljósinu að undanförnu.
Af öðru efni sem bíður birtingar má nefna
grein um sandmaðk í fjörumó og súrri
gjósku eftir Leif A. Símonarson og Pál
Imsland, grein um æðarfuglinn eftir
Kristin Hauk Skarphéðinsson og grein
eftir Erling Ólafsson og Gunnlaug Péturs-
son um skríkjur í greinaflokknum Islenskir
flækingsfuglar.
296