Tímarit íslenzkra samvinnufélaga - 01.03.1919, Síða 13

7
milli Jakobs og Tryggva Gunnarssonar, en alt í bróðr
erni þó.
Á sýslunefndarfundi Suður-Þingeyinga hóf Benedikc
Sveinsson sýslumaður máls á því, að rétt væri að freista
að komast í beint samband við enskan fjárkaupmann,
Slimon, sem keypt hafði hér sauði undanfarin ár. Var
þetta gert til að fá andvirðið alt greitt í peningum til
framleiðenda. Sýslunefndin sneri sér til Jakobs og bað
hann að annast framkvæmdir. Varð hann við þeirri
ósk. En hann fékk sér þegar sér til aðstoðar Kristján
Jónasson frá Narfastöðum, bæði við bréfaskriftir til
Englands og fleira. Kristján þessi var lengi farandsali
fyrir enskt verzlunarhús, gáfaður maður og drengur
hinn bezti.
Jakob skrifaði nú eftir þennan fund um allar sveitir
sýslunnar til að lýsa áforminu og panta sauði. Leitaði
og álits bænda um, hvort eigi skyldi jafnhliða panta
hveiti, maís o. fi. frá Englandi. Umboðsmaður Slimons,
James Bridges, svaraði vel málaleitun Jakobs. Mæltu
þeir sér mót á Akureyri til nánari samninga í ágúst
um sumarið. Bændur höfðu nú sent vörupantanir og
sauðaloforð viðsvegar að úr sýslunni. Mr. Bridges hafði
áður annast um sauðakaup við Tryggva Gunnarsson
og reynst áreiðanlegur maður. Er hann kom til Akur-
eyrar í ágúst um sumarið sömdu þeir Jakob um fjár-
verzlunina og ákváðu markaðsdaga. Vörur hafði Mr.
Bridges í skipi sinu til Jakobs frá 0. Fisher í Leith,
þeim, sem áður er nefndur, en var ófáanlegur til að
fara með þær til Húsavíkur. Vildi annaðhvort setja
þær þá þegar upp við Eyjafjörð eða geyma þær í skip-
inu til þess um haustið, og varð við svo búið að sitja.
Eftir þennan fund sendi Jakob ágrip af samning-
unum við Bridges í allar sveitir milli Jökulsár og Fljóts-
heiðar. Jafnframt því samdi hann um við sveitarstjórn-
irnar á þessu svæði, að færa fjallskil tii baka um þrjá
daga. Gekk það alt greiðlega, því að bændum lék mik-