Andvari - 01.01.1939, Page 28

24
Tryggvi Þórhallsson
Andvari
og endurskoðun ábúðarlaganna 1933. Af öðrum málum
skyldum þessum, er Tryggvi Þórhallsson lét til sín taka,
má nefna kæliskipsmálið svo kallaða, en hér var reynd-
ar um að ræða eitt af stærstu átökunum um að breyta
kjötverzlun íslendinga við útlönd í nýtt horf, með út-
flutningi frysts kjöts, og hefir þetta haft geysimikla þýð-
ingu síðan fyrir landbúnað vorn. Líkt má segja um
mjólkurbúin, sem upp komust á þessum árum með
stuðningi frá ríkinu og gerbreytt hafa búnaðarháttum í
mörgum sveitum, einkum sunnanlands. Loks ber hér að
telja kreppuhjálp landbúnaðarins. Þegar kreppan mikla
skall hér yfir upp úr árinu 1930, féllu framleiðsluvörur
bænda í verði um og yfir 50°/o frá því því sem verið
hafði um nokkur undanfarin ár. Vegna óvenjulega mik-
illa framkvæmda bændanna þessi ár, höfðu þeir tekið
fé að láni til þess að standast þann kostnað, og kom-
ust nú margir í þrot um að standa í skilum með vexti
og afborganir. Vann Tryggvi Þórhallsson mjög mikið að
undirbúningi kreppulaganna og rannsóknum á högum
landbúnaðarins, er gerð var að undirlagi Alþingis 1932,
og hafði síðan með höndum umsjón með framkvaemd
þess máls, sem fyrr var getið. Að málum þessum öllum
naut Tryggvi óskoraðs fylgis hjá flokki sínum og þein1
öðrum, er búnaðarmálum vildu sinna. Og þótt sumum
þætti nokkuð stórt stigið, þá myndi víst fáir nú orðið
kjósa, að málum hefði skipazt mjög á annan veg en her
var gert, enda hefir verið byggt ótrauðlega síðan ofa«
á þann grundvöll, sem lagður var.
Tryggvi Þórhallsson varð formaður Búnaðarfélags Is-
lands 1925 og upp þaðan til dauðadags. Þróun þeirrar
stofnunar frá 1919 og síðan verður honum þökkuð öðr-
um fremur, enda lét hann sér mjög annt um það og
vildi, að áhrifa þess gætti sem mest. Jafnframt reyndi