Andvari - 01.01.1939, Side 30

26
Tryggvi Þórhallsson
Andvari
tveim. Hver gat vitað það? En hann varð að vinna
mikið og vinna fljótt.
IX.
Vorið 1931, á áliðnu þingi, gerðust þau tíðindi, að
Alþýðuflokkurinn, er stutt hafði stjórn Tryggva í>ór-
hallssonar, snerist til samvinnu við Sjálfstæðisflokkinn um
breytingar á stjórnarskránni, er vörðuðu kjördæmaskip-
un landsins. Rauf Tryggvi þá þingið og efndi til nýrra
kosninga. Vann Framsóknarflokkurinn glæsilegan sigur
í þeim kosningum, fékk hreinan meirahluta í sameinuðu
Alþingi, en vegna skipunar efri deildar, fékk stjórnar-
andstaðan neitunarvald um lagasetningu og gerði meira-
hlutann óstarfhæfan. Stórdeilur þær, er af þingrofinu
leiddi, og harka kosninganna, hafði mjög reynt á heilsu
Tryggva. Nú bættust við ýmsir stjórnarfarslegir örðug-
leikar og leiddi þetta allt til þess, að hann dró sig út
úr stjórninni. Tók hann þá við stjórn Búnaðarbankans,
sem fyrr segir. Upp frá því vann hann aðalverk sín í
þjónustu bankans og Búnaðarfélagsins.
X.
Hin nýja landnámsöld íslendinga hefir orðið nokkuð
róstusöm, engu síður en hin fyrri. Vera má, að okkur,
sem nú erum um það bil miðaldra og þaðan af yngri-
auðnist að lifa það, að öld friðar og jafnvægi rísi yf>r
land vort, þegar hin nýja þjóðmenning hefir að fullu
fest rætur í þjóðlífi voru, menning nýrra atvinnuhátta,
starfslags og hugsunarháttar, öld nýrrar þekkingar, trúar
og reynslu. Óvíst er þó, að okkur miðaldramönnum
endist aldur svo lengi. Víst er það, að margur hefir til
baráttu gengið og verður enn um stund í sókn og vörn
að standa, er betur var fallinn til þess að vera sættir