Andvari - 01.01.1946, Side 25

andvari
Sigurður Eggerz
‘21
frá ræðn, er hann hélt eitt sinn fyrir minni séra Matthíasar
Joehumssonar. Ræðan fjallaði um þann höfund, sem í öll-
um greinum hefði yfirburði yfir Matthías. Hæfilega óljóst
var talað, og tók hið aldna skáld heldur að ókyrrast undir
svo óvenjulegri skálaræðu. En í ræðulok kom lausnin, meira
en viðunandi fyrir skáldmæringinn. Hinn mikli höfundur,
sá eini, er var Matthiasi meiri, var: guð almáttugur.
hað biður síðari tíma að dæma til fullnustu um stjórnar-
störf Sigurðar Eggerz, önnur embættisstörf hans og þing-
störf. Hann sætti stundum hörðum dómum eins og allir aðrir,
sem við stjórnmál fást. En aldrei glataði hann vinsældum
sínum og vart mun hann hafa átt nokkurn óvildarmann.
Hann var að eðlisfari fyrst og fremst hugsjónamaður. Sjálf-
slæðismálið var hans aðalhugsjónamál. Sú hugsjón er nú
orðin veruleiki, og munu þá fáir vilja ásaka þá, er héldu
merkinu hæst á iofti. Þeirra hlutverk var mikið. En hina
ber að visu einnig að muna, sem kepptu að öðrum leiðum
að sama marki og lögðu í kyrrþey steina í grunninn.
Sigurður hlaut að vonum mörg heiðursmerki. Þau voru
þessi: Kommandörkross og stórkross Dannebrogsorðunnar,
stórkross Fálkaorðunnar, stórkross hinnar ítölsku Mauritius-
orðu og stórkross portúgölsku Iiristsorðunnar
Sigurður kvæntist 2. júlí 1908 Solveigu Kristjánsdóttur,
dómstjóra, Jónssonar, hinni ágætustu konu. Var hjónaband
þeirra mjög ástríkt og heimili þeirra friðsæll reitur, hversu
sein stormar stjórnmálanna dundu úti í frá. Frú Solveig lifir
mann sinn, ásamt tveimur börnum þeirra, en þau eru: Pétur,
cand. jur., sendiráðsritari í London, og Erna, bankaritari í
Utvegsbankanum í Reykjavík.
Þegar Sigurður lét af embætti, sjötugur, 1. marz 1945, var
bonuin og frú hans haldið veglegt samsæti á Akureyri. Var
þeim fært að gjöf fagurt málverk frá Eyjafirði, eftir Jón
Þorleifsson listmálara. Heillaóskaskeyti bárust víðs vegar að.
Þorsteinn M. Jónsson, skólastjóri, fyrrv. alþm:, flutti ræðu
iyrir minni Sigurðar, en Pétur Jónsson læknir fyrir minni
frú Solveigar. „Heiðursgesturinn svaraði öllum af hinni al-