Stúdentablaðið - 01.12.1968, Side 50

Háskóli íslands var settur við hátíðlega
athöfn í 57. sinn laugardaginn 26. október
í samkomuhúsi Háskólans eða Háskólabíói.
Háskólakennarar gengu fylktu liði í salinn
að venju, og lúðrakvartett lék. Þá lék
strengjasveit undir stjórn Björns Ólafsson-
ar, en síðan flutti rektor, Ármann Snævarr,
yfirgripsmikla ræðu um málefni og fram-
tíðarhorfur Háskólans. Þá söng stúdentakór-
inn nokkur lög undir stjórn Jóns Þórarins-
sonar tónskálds, en síðan ávarpaði rektor
nýstúdenta, 58. árganginn og þann langfjöl-
mennasta, og óskaði þeim velfarnaðar og
heilla. Nýstúdentar gengu síðan fyrir rekt-
or. Af hálfu nýstúdenta svaraði stud. jur.
Þorsteinn Pálsson, og að því loknu sleit
rektor athöfninni, og var sunginn þjóð-
söngurinn. Meðal gesta á hátíðinni var ný-
kjörinn forseti íslands, herra Kristján Eld-
járn og forsetafrú, menntamálaráðherra dr.
Gylfi Þ. Gíslason auk sendimanna erlendra
ríkja og annarra góðra gesta.
Énda þótt stúdentaráð birti áskorun til
stúdenta um að sýna skólanum þann sjálf-
sagða sóma að mæta á hátíðinni, sýndi sig
enn sem fyrr, að stúdentar eru furðu tregir
til, og er það miður. Þetta er hátíðlegasta
athöfn sem Háskólinn býður til og sú, sem
bezt er fallin til að efla tengsl stúdenta við
skólann. Þar sem þau tengsl eru ekki of
mikil fyrir, væri vel að hér yrði breyting á.
Hér á eftir verður nú getið nokkurra at-
riða úr ræðu rektors, en rektor minntist í
upphafi prófessors Guðmundar Thorodd-
sen, sem er nýlátinn.
Kandidatar:
Tveir kandidatar vörðu doktorsritgerð á
síðastliðnu ári, þeir Guðmundur Björnsson
augnlæknir í læknisfræði og Gunnar Thor-
oddsen sendiherra í lögfræði. Á árinu
brautskráðust 115 kandidatar, en sjö bætt-
ust í þann hóp í haust. Flestir kandidatar
voru úr verkfræðideild, en aldrei hafa alls
jafnmargir lokið kandidatsprófi. Er það
áþreifanlegur mælikvarði á starfsemi skól-
ans. Gat rektor þess að góð samvinna væri
við háskóla á Norðurlöndum varðandi við-
töku á verkfræði- og lyfjafræðistúdentum
til seinni hluta náms. Væri það ómetanlegt
lið, sem H.í. væri þannig lagt. Gat rektor
HÁSKÖLAANNAU
þess, að um y4 íslenzkra stúdenta stunduðu
nám erlendis, og sýnir það háa hlutfall, að
við njótum mikillar vinsemdar erlendis á
þv. sviði.
Nýsf-údentur:
Skrásettir nýstúdentar eru í haust um
328. Skiptast þeir þannig niður í deildir,
að 8 fóru í guðfræði, 94 í læknisfræði, 10 í
tannlækningar, 13 í lyfjafræði, 37 í lög-
fræði, 30 í viðskiptafræði, 160 í heimspeki-
deild, 35 í verkfræði og 32 í verkfræði B.A.,
sem mun vera hin nýja náttúrufceðideild.
Óvenjumikil aðsókn er að verkfræði og
læknisfræði og ógerningur að veita viðtöku
ótakmörkuðum fjölda stúdenta í þessar
greinar, og mun Háskólaráð fjalla á næst-
unni um úrbótaráð í samráði við stjórn-
völd.
Lærifeður:
Nokkrar breytingar og viðbætur hafa
orðið á kennaraliði skólans, en kennarar
munu alls vera um 160 talsins. Nýir pró-
fessorar, sem skipaðir hafa verið, eru Guð-
laugur Þorvaldsson í viðskiptafræði, dr.
Þorkell Jóhannesson í lyfjafræði og dr.
Sigurður Þórarinsson í landafræði vg jarð-
fræði, en í hans verkahring mun það að
miklu leyti falla að skipuleggja hina nýju
náttúrufræðikennslu, sem komið hefur ver-
ið á við háskólann. Dr. Gunnar Böðvarsson
sá sér ekki fært að taka við því embætti,
sem liann var skipaður í frá 1. jan. 1968,
og var honum því veitt lausn að eigin ósk.
Dr. Guðna Jónssyni hefur verið veitt lausn
frá embætti vegna heilsubrests, og þakkaði
rektor honum vel unnin störf. Próf. Magn-
úsi Má Lárussyni hefur verið veitt embætt-
ið, og hefur hann því flutzt milli deilda.
Próf. Hreinn Benediktsson er í orlofi þetta
ár.
Við heimspekideild hafa verið skipaðir 4
lektorar, þar af 3 í ný embætti, þeir Sveinn
Skorri Höskuldsson cand. mag., Helgi Guð-
mundsson cand. mag., Óskar Halldórsson
cand. mag. og Bergsteinn Jónsson cand.
mag. Dr. ívari Daníelssyni dósent í lyfja-
fræði hefur verið veitt lausn frá embætti,
en við tekið Jón O. Edwald cand. pharm.
í viðskiptadeild hefur Svavar Pálsson dós-
ent látið af störfum eftir 20 ára starf, en í
hans stað settur cand. jur. et oecon. Guð-
mundur Skaftason. Frá Fullbright-stofnun-
inni hefur níundi prófessor í bandarískum
bókmenntum verið ráðinn, dr. Robert
Cook.
Norski sendikennarinn Odd Didriksen
cand. mag. hefur látið af störfum eftir 8 ára
störf hér, og kemur nýr innan skamms.
Einnig er væntanlegur nýr sendikennari í
rússnesku. Jacques Raymond er ráðinn
sendikennari í frönsku í stað Anne-Marie
Vilespy, sem látið hefur af störfum. Baldur
Jónsson lektor er staðgengill próf. Hreins
Benediktssonar, en með störf hans fer Svav-
ar Sigmundsson cand. mag. Margir auka-
kennarar hafa verið ráðnir til að uppfræða
stúdenta enn frekar.
Gjafir og styrkir:
Háskólabókasafni hafa borizt allmargar
bókagjafir, m. a. frá Minnesotaháskóla, erf-
ingjum próf. Guðmundar Thoroddsen o. fl.
Raunvísindastofnuninni hefur borizt gjöf
frá Bandaríkjunum til minningar um Tóm-
as Tryggvason jarðfræðing, og skal henni
varið til jarðvísindarannsókna. Ýmsir styrk-
ir hafa og borizt stofnuninni, m. a. til
mannerfðafræðirannsókna frá kjarnorku-
málanefnd Bandaríkjanna. Guðmundur
Andrésson gullsmiður hefur gefið allmikla
fjárupphæð til styrktar stúdentum úr hér-
uðum Breiðafjarðar og Sjóvátryggingarfé-
lag styrkt verkfræðideild mjög rausnarlega
til kennslutækjakaupa. Var víst ekki van-
þörf á, og ganga verkfræðinemar nú liýrir
um sali.
Félagsstofnun stúdenta:
Óskabarni stúdenta, Félagsstofnuninni,
var komið á fót á síðastliðnu vori. I stjórn
hennar eru 5 menn, þrír frá stúdentaráði,
einn er háskólaráð tilnefnir og einn til-
nefndur af menntamálaráðherra. Formaður
er Þorvaldur Búason, eðlisfræðingur, en
framkvæmdastjóri Þorvarður Örnólfsson,
lögfræðingur. Félagsstofnunin hefur þegar
hafið allmikil umsvif, m. a. sett á fót barna-
heimili. Tengja stúdentar skiljanlega mikl-
ar vonir við hana. Árlegri skráningu stúd-
enta er nýlokið, og mun hún í framtíðinni
STÚDENTABLAÐ
50