Stúdentablaðið - 01.12.1968, Side 51

verði forsenda þess, að þeir geti stundað
nám við skólann. Hluti skráningargjalds
rennur til Félagsstofnunar, en annað til
stúdentaráðs, og greiðist með þeim hluta
stúdentaskírteini, og svo í prófgjaldasjóð.
Skráðir stúdentar munu nú vera um 1250.
Ýmisleg tiltínsla:
Fyrir 37 árum var fyrst rætt um kennslu
í náttúrufræðum við háskólann, og hefur
sú umræða nú orðið að veruleika. Sá ann-
rnarki er þó á, að kennslan er fyrst og fremst
miðuð við’ þarfir gagnfræðaskóla á kennslu
í þessum greinum. Forstöðu deildar þessar-
ar, sem telst hluti verkfræðideildar, veita
þeir prófessorar Jóhann Axelsson og Sig-
urður Þórarinsson.
Sendikennarar Norðurlanda hafa fengið
aðstöðu í Norræna húsinu.
Lagadeild átti 60 ára afmæli 1. október
síðastliðinn. Alls hefur deildin brautskráð
546 kandidata. Endurskoðun fer nú loks
fram á tilhögun deildarinnar, en við reglu-
gerð hennar hefur lengi lítitð verið hreyft,
þó mikil þörf væri á, að sumra mati.
Húsnæðisvandræði skólans eru alkunna.
Flestar ef ekki allar deildir hafa hrtsnæði
langt undir lágmarksþörfum. Árnagarður,
sem leysa mun nokkuð úr, varð ekki tilbú-
inn í haust, en vonir standa til, að það geti
orðið að ári. Nefndi rektor í ræðu sinni,
að helzt úrbóta væri lesstofa, sem tann-
læknanemar hetSu fengið, og u. þ. b. 35
sæta viðbót við lesrými læknanema. Fékkst
síðarnefnda rýmið með því a, þrengja að
líffærasafni skólans.
Geigvænlegur er einnig skortur á aðstöðu
til vélritunar og fjölritunar svo og bóka-
skortur.
í lok ræðu sinnar benti rektor m. a. á, að
góður háskóli væri aukin menning, og ör-
ugg sókn til bættra lífiskjara. Þjóðin þyrfti
Jrví að vera í betra sambandi við skólann
og liafa Jrað á tilfinningunni, aS þetta væri
þjóðskóli.
Stúdentafélagið:
Kosið var til stjórnar Stúdentafélags Há-
skólans laugardaginn 14. október síðastlið-
inn. Tveir listar komu fram eins og áður,
A, sem hlaut 420 atkvæði og 4 menn kjörna,
og B, sem hlaut 410 atkæði og 3 menn
kjörna. Kjörsókn var dræmari en við hefði
mátt búast. Kjördegi lauk með öflugum
kvöldfagnaði listanna í Tjarnarbúð. For-
maður félagsins nú er Ólafur G. Guð-
mundsson stud. med.
Gleðileikir:
Stúdentafélagið gekkst fyrir Rússagildi
hinn 17. október síðastliðinn í samkomu-
húsinu Sigtúni. Magister bibendi var Páll
S. Pálsson hæstaréttarlögmaður, en ræðu
kvöldsins flutti Skúli Thoroddsen læknir.
Haraldur Blöndal stud. jur. gaf rússum
hollráð, en af þeirra hálfu svaraði Jón Bald-
ursson stud. jur. Kváðu rússar hafa staðið
sig allbærilega.
Af öðrum skemmtunum má nefna hin
sívinsælu Garðsböll og árshátíð Garðanna,
vetrarfagnað, sumarfagnað og fullveldis-
fagnað 1. desember, þar sem Jónas Árna-
son alþingismaður l'lutti ræðu. Á hátíða-
samkomu þann dag í hátíðasal skólans tal-
aði Sigurður A. Magnússon um efnið: Is-
land á alþjóðavettvangi. Áttadagsgleði var
haldin í Auðkúlu að Jressu sinni og þótti
vel takast.
Fundir og listkynningar:
S.F.H.I. gekkst fyrir allmörgum fundum
og listkynningum með ýmsu sniði, en í
heild var félagsstarfsemi þess talsvert mikil.
Voru fundir bæði fyrir stúdenta eina svo
og stærri almennir fundir.
Erlendir fundargestir voru m. a. Johan
Galtung, forstöðumaður friðarrannsóknar-
stofnunar í Osló, og Reiulf Steen, vara-
forrn. norska verkamannaflokksins. Fundir
fyrir stúdenta eina voru m. a. um varnar-
málin og Vietnamstyrjöldina, en meðal al-
mennra funda má telja fund um ísland og
markaðsbandalögin, um Grikklandsmálið,
framhaldsmenntun á íslandi og ráðstefnu
um ísland og þróunarríkin. Nokkrir inn-
lendir fundargestir komu á fund stúdenta,
skák- og bridgemót voru haldin og efnt til
svonefnds „Þjóðabandalags" (eftir frægri
stofnun) með erlendum stúdentum við H.
í., svo nokkuð sé nefnt.
Bókmennta- og listkynningarnefnd skil-
aði miklu starfi. Reglulegar tónlistar- og
bókmenntakynningar voru haldnar. M. a.
má nefna kynningu á verkum Nóbelsverð-
launahafans Asturias, kynning á Per Olof
Sundman, sem Ólafur Jónsson bókmennta-
gagnrýnandi sá um, og kynningu á Re-
quiem eftir Verdi, sem dr. Róbert A. Ott-
ósson sá um. Leikhúsferðir voru farnar m.
a. á Tíu tilbrigði Odds Björnssonar, Jiar
sem leikstjóri og leikarar ræddu verikð við
stúdenta að leik loknum.
Stúdentablað kom nokkrum sinnum út.
Stjórn félagsins sendi frá sér nokkrar
ályktanir m. a. um ráðstefnu Nato í Há-
skólanum, Grikklandsmálið, flokksræði og
Tékkóslóvakíuinnrásina.
Ekki er hægt að minnast ógrátandi á Jrað,
hversu takmarkaðan áhuga stúdentar sýna
ofantöldum liðum í félagsstarfsemi síns eig-
in félags. Hvernig væri að stúdentar færu
nú að mæta?
Stúdentaakademía:
Á árinu var sett á stofn svonefnd Stúd-
entaakademía innan S.F.H.Í. Skal akadem-
ían veita árlega heiðurstákn, Stúdenta-
stjörnuna, íslenzkum manni fyrir framúr-
skarandi starf á sviði vísinda, mennta eða
lista, í fyrsta sinn 1. desember 1968 á fimm-
tíu ára afmæli fulleldis íslenzku þjóðarinn-
ar. Er Jrað von manna, að akademían eigi
eftir að vinna gott starf og auka á hróður
stúdenta.
Stúdentakórinn:
Mikil gróska er nú í starfi kórsins eftir
Finnlandsför í hitteðfyrra og hugur góður
í félögum, en talsvert hefur orðið um
mannaskipti í kórnum. Mikill ávinningur
er af starfi kórsins fyrir Háskólann, en
kórnum stjórnar Jón Þórarinsson tónskáld.
Stúdentaróð:
Stúdentaráðskosningar fóru fram í apríl
síðastliðnum. Formaður var kosinn Hösk-
uldur Þráinsson stud. philol., en varafor-
maður Guðjón Magnússon stud. med. Með-
al mála, sem hrundið var í framkvæmd á
starfstíma fráfarandi stjórnar, má nefna
Félagsstofnunina, en 16. apríl síðastliðinn
samþykkti Aljringi sem lög frumvarpið um
Félagsstofnun stúdenta við H.í. Auk þess
má nefna aðgerðir í lánamálum, og nokkur
skriður komst á félagsheimilismál. Náms-
kynning var og haldin á vegurn ráðsins í
marz, svo sem venja er.
Hin nýja stjórn stúdentaráðs hefur eins
og sú fyrri verið allumsvifamikil. Fulltrúar
á norrænni formannaráðstefnu í júní voru
Jaeir Höskuldur Þráinsson og Guðjón
Magnússon, en ráðstelnan var haldin í Fær-
eyjum. Auk Jress sóttu íslenzkir stúdentar
erlendis nokkrar ráðstefnur í haust í sam-
ráði við utanríkisnefnd. Þrír fulltrúar
S.H.f. og þrír frá S.F.H.Í. sóttu heim aðal-
stöðvar NATO í Briissel í september. Að
sögn tókst ferðin vel. Utanríkisnefnd sam-
Jrykkti og harðorðar ályktanir vegna atburð-
anna í Tékkóslóakíu, og voru þær sendar
stúdentasamtökum innrásarríkjanna, en
ályktun, Jaar sem lýst var samstöðu með
Tékkum, send til viðkomandi aðila.
Menntamálanefnd hefur m. a. staðið í út-
gáfustarfsemi og undirbúið stúdentaþing.
Hagsmunanefnd hefur getað aflað allmik-
illa fríðinda á árinu, auk þess sem nefndin
hefur fylgzt með framkvæmdum í barna-
heimilismálinu.
Stúdentaþing:
Stiidentajaing, annað í röðinni, var hald-
ið 24. og 25. ágúst síðastliðinn. Aðalefni
Jaingsins var að þessu sinni menntamál.
Stúdentajaing er, sem kunnugt er, eini vett-
vangur allra íslenzkra háskólastúdenta.
Þingið sendi frá sér ýtarlegar ályktanir um
menntamál, m. a. um Jaátttöku stúdenta í
stjórn H.Í., um veitingu kennaraembætta
við H.Í., samband stúdenta og kennara,
próf við háskólann og rannsóknarhlutverk
hans svo eitthvað sé nefnt. Forseti þingsins
var Sven Þ. Sigurðsson.
Er Jrá lokið þessum Háskólaannál.
51
STÚDENTABLAD