Fálkinn - 12.12.1962, Qupperneq 11

Slæmt hangikjöt.
Kæri Fálki. — í nokkur ár hef ég ekki fengið almennilegt
hangikjöt hér í bænum. Það hefur oftast verið of reykt og
stundum of salt. Mér er tjáð að kjötið sé ekki látið í reykhús,
heldur sé reyksýrum sprautað inn í það. Þetta finnst mér
gera kjötið verra, það vantar alveg þennan fína ilm og þetta
fina bragð, þegar kjötið var reykt yfir sauðataði.----------
M. M.
Svar:
VvB höfum heyrt marga minnast á þetta, en við höfum ekki
fundiö svo ýkja mikinn mun. Þaö er ef til vill vaninn, sem gerir
þetta af verkum.
Bækur og bókagerð.
Heiðraði ritstjóri. — Blindur er bóklaus maður, stendur
í gömlum fræðum. Vitur maður hefur og sagt, að það teljist
til stórtíðinda, ef góð bók kemur út. Ef til vill má þetta til
sanns vegar færa, en ég er enginn maður til þess. Þegar ég
var að alast upp, hafði ég ekki úr mörgum bókum að moða,
en er mér óx fiskur um hrygg og fjárráðin urðu meiri en
gengur og gerist hjá öllum þorra manna, varð það ástríða
mín að kaupa góðar bækur og safna þeim. Ég hef því tölu-
vert yfirlit yfir bókagerð hér á landi í nokkra áratugi. Ég
get ekki annað en álasað bókaútgefendum fyrir slæman frá-
gang á bókum. Flestar bækur, sem hér eru á markaðnum
eru illa bundnar inn, hlífðarkápan er ekki bundin með, oft
og tíðum vantar saurblað, en sem betur fer er titilblað oftast
með. Ósjaldan, ef um þýdda bók er að ræða, er nafns þýðanda
ekki getið eða þá hvað titill bókarinnar er á frummálinu. Þá
má minna á, að til skamms tíma var aðeins prentsmiðjunnar
getið, en ekki bókbands eða prentmyndagerðar. Þegar öllu
er á botninn hvolft, þá er ekki vandað nægilega til útgáfu
margra bóka hér á landi. Það er eins og útgefendum sé að-
eins annt um að bókin komi í bókabúðir nógu snemma fyrir
jól — frágangurinn skiptir engu máli. Ég keypti til dæmis
eina bók núna nýlega, og var prentsvertan á henni vart
þornuð. Ég hygg, að fleiri hafi sömu sögu að segja og ég í
þessu bréfkorni, því að séð frá mínum bæjardyrum er góð
bók ekki til þess ætluð að vera aðeins lesin einu sinni — hún
á að vera varanleg eign. Það er hart, að þegar tveir menn
eru búnir að lesa sömu bókina þá losni hún úr bandinu, og
prentsvertan fegri með sínum svarta lit flestar síður. Fyrir
nokkru las ég í einu dagblaðanna, að enskir bókaútgefendur
efndu til sýningar á bezt gerðu bókunum og verðlaunuðu
fyrir beztan frágang. Þessa tillögu ættu íslenzkir bókaútgef-
endur að taka upp. í þessu bréfkorni mínu hef ég aðeins
drepið á það, sem miður fer, en vissulega hef ég séð fallegar
og velfrágengnar bækur frá hendi íslenzkra útgefenda, og
ber ekki að lasta þá viðleitni. En útgefendur mættu gjarnan
hafa það í huga, að bókagerð er gömul list, og gefi þeir út
bækur eftir víðkunna höfunda, bækur, sem hafa varanlegt
bókmenntalegt gildi, er það hrein og bein skylda þeirra að
vanda útgáfu þeirra bóka sem þeir bezt geta og leita ráða
listamanna í þeim efnum. Meðfram gætu þeir svo gefið út
ódýrar, handhægar útgáfur af sömu verkum fyrir þá, sem
lítil fjárráð hafa.
B. b.
Svar: '
Viö þökkum fyrir þetta' greinargóöa bréf. En þó bréfritari drepi
er álcaflega dýr, bæöi sökum xess aö upplag ef venjulega mjög
lítiö, og síöast en ekki sízt, aö pappír og aörar vörur, sem notaöar
lítiö og siöast en ekki sízt, a öpappír og aörar vörur, sem notaöar
eru, liafa veriö tollaöar hátt undanfarin ár, en erlent lestrarefni
hefur veriö flutt svo aö segja tollfrjálst inn.
Nikki nös.
Kæri Fálki. — Loksins komst þú með nokkuð, sem allir í
fjölskyldunni munu geta lesið. Þið verðið að íslenzka þessa
herramenn og láta þá tala kjarnyrta íslenzku, ekki sláng.
Nöfnin á þeim eru alveg príma, en með leyfi, hvað heitir
kerlingin?
M. Þ.
Svar:
Hún heitir Sína.
RÍKISÚTVARPIÐ
REYKJAVÍK . SKtJLAGÖTU 4 . SÍMI 2-22-60
Auglýsingar, sími 2-22-74—5
Skrifstofutími: 9—12 og 13—17.
Upplýsingar um skrifstofur og vinnustofur eru
veittar í anddyri á neðstu hæð.
Eftir lokun kl. 17 fást upplýsingar í dyrasímanum
í fremsta anddyri og í síma 2-22-60 til kl. 23.
Á neðstu hæð:
Upplýsingar
Innheimta afnotagjalda
Á fjórðu hæð:
Fréttastofa
Auglýsingar
Á fimmtu hæð:
Útvarpsstjóri — Útvarpsráð
Aðalskrifstofa — Dagskrárskrif-
stofur — Aðalféhirðir — Dag-
skrárgjaldkeri — Tónlistarsalur
Á sjöttu hæð:
Hljóðritun — Stúdio — Tækni-
deild — Tónlistardeild — Leik-
listardeild.
Útvarpsauglýsingar ná til allra lands-
manna og berast út á svipstundu
*> s
Afgreiðslutími auglýsinga et:
Mánudaga - föstudaga kl. 9—11 og 13,00->—17,30
laugardaga — 9—11 og 15,30—17,30
Sunnudaga og helgid. — 10—11 og 16,30—17,30
•
Athugið, að símastöðvar utan Réykjavíkur
og Hafnarfjarðar veita útvarps-
auglýsingum móttöku gegn staðgreiðslu.
•
Útvarpað er til íslendinga erlendis venjulegri
dagskrá Ríkisútvarpsins á stuttbylgju
25,47 m. öll kvöld kl. 19,30—21,00
ísl, tíma og sunnudaga kl. 12—14 ísl. tíma.
FALKINN 7