Fréttablaðið - 14.11.2009, Qupperneq 48

MENNING 6
ubbi er sjúkur
veiðimaður.
Sumarlangt
hefur hann um
árabil þeyst um
landið af þeirri
áfergju sem
grípur hann
föstum tökum ef
á annað borð kvikn-
ar hjá honum áhugi, og lagt stund
á veiði með stöng. Hann byrjaði
snemma, faðir hans veiddi jafn-
an við Meðalfellsvatn og strákur-
inn var ungur þegar hann gekk
til veiða. Bubbi hefur um ára-
bil deilt veiðiáhuga sínum með
öðrum, fyrst greindi hann frá
þessum hluta af lífi sínu í ævi-
sögu sinni fyrstu, hann samdi
fyrir börn, unglinga og fullvaxna
veiðimenn, ásamt Robert Jackson
sem kom út 2005, og fyrir tveim-
ur árum sendi hann frá sér snotra
bók um veiði, veiðimenn og veiði-
skap, sumpart hugleiðingar, sum-
part frásögur, sem hann kallaði
Að kasta flugu í strauminn er að
tala við Guð. Og síðar í þessum
mánuði kemur út á forlagi Sölku
bók eftir hann með ljósmyndum
eftir annan veiðimann, Einar
Fal Ingólfsson, með mynddisk og
á honum náttúrulífsmynd sem
Ragnheiður Thorsteinsson, þriðji
veiðimaðurinn, framleiddi. Efnið
er þeim öllum dýrmætt: Laxá í
Aðaldal, drottningin eins og hún
er oft kölluð.
Bækur um veiðiskap eru
margs konar. Elstu rit um fagur-
fræði veiðanna eru til á erlendum
málum og er misjafnt eftir þjóð-
tungunum hversu mörg þau eru. Í
engilsaxneskum bókmenntum eru
veiðibækurnar óteljandi, margar
af þeim eru siðbætandi kennslu-
rit um hvernig veiðimaður skal
umgangast og kunna á veiði fiska
í ám og vötnum. Þær eru margar
sýnisbækur um tæki og tól sem
þarf til veiða, hvernig menn eiga
að bera sig að, því veiði á stöng,
eins og önnur mannanna verkfæri
sem hann hefur þróað með sér frá
örófi alda, er alltaf flókið ferli og
útheimtir langa og stranga þjálf-
un, kunnáttu um veður og nátt-
úrufar, læsi á vatn, hyli og mið.
Sumir segja ófreskigáfu, hæfi-
leika sem aðeins fáum er gefinn
og gæti verið arfgengur. Og svo
geta bækur um veiði og veiðimenn
orðið bókmenntatextar.
Enginn sem les rit Björns Blön-
dal um Norðurá og veiðar á fyrri
tíð í Borgarfirði lokar þeim óviss
um gæði þeirra sem bókmennta-
texta. Bubbi hefur alla tíð verið
innfjálgur sögumaður með góða
skynjun á byggingu sögu. Svo
víðförull sem hann er og spurull
um hvað er í gangi kringum sig
hafa honum lærst ókjör af sögum
og í þessari bók er hann að takast
á við það að skrifa í senn sögu-
bók af fólkinu kringum Laxá í
Aðaldal, einkum fjölskylduna
frá Nesi, stemningsfullar lýsing-
ar á dvöl sinni og bið eftir átök-
um við stórlaxinn sem hann fýsir
svo mjög að takast á við, og for-
vera sína á bökkum og breiðum
árinnar, bæði erlenda sem komu
þangað fyrstir og íslenskra veiði-
manna sem hafa bundist ánni
sterkum böndum. Ritið verður
þannig saga veiða við ána.
Sögumaður getur ekki neitað
sér um tækifærið að koma að
góðum sögum ef athygli lesanda
og áheyranda næst: þannig segir
Bubbi frá Lissý á Halldórsstöð-
um, átökum um stíflur í ánni,
stórum örlögum og dauðsföllum
við hana, í merkilegu myndefni
frá veiðidögum Guðmundar frá
Miðdal við ána gefst honum tæki-
færi til að tæpa á hans merkilega
lífi í íslenskri náttúru. Og svo er
bókin hans Bubba um ána ekki
síst inngangsrit um veiðistað-
ina í ánni og lýsing á djúpri þrá
sem skekur hans huga daga og
nætur: drauminn um að takast á
við þann stóra.
Laxá í Aðaldal er ein fárra
vatnsfalla hér á landi sem eiga
skráða langa sögu um risafiskana
sem þar búa, stórlaxana sem
sumir óttast að séu að hverfa úr
lífríki norðursins. Kunnugir tala
um tvo stofna í ánni, þá þykku,
stuttu og kubbslegu og hina
lengri. Þetta eru eiginlega ekki
fiskar heldur skepnur á stærð við
stór börn, litla unglinga að lengd.
Skrímsli myndi einhver kalla
þessi dýr og það er ekki hlaup-
ið að því að veiða slíkar skepn-
ur. Þangað er Bubbi kominn í
veiðisókn sinni.
Bókin er fallega umbrotin og
myndir Einars Fals æsa upp í
manni löngun að komast á þessa
bakka, en það er hættulegt hafa
menn löngum sagt, sá sem einu
sinni fær frið með stöng á bökk-
um Laxár sleppur ekki fyrir lífs-
tíð. Bók Bubba er tilraun til að
lýsa og rökstyðja þá tilfinningu,
að vera hugfanginn af rennandi á
í þessari sveit og vita af fengnum
frjálsum í dimmum hyl, hörðum
streng eða á kyrri breiðu.
SÁ stóri KALLAR
Alkunna er að í nýjum kynslóðum stangveiðimanna á liðnum árum hefur farið
framarlega hópur skemmtikrafta og listamanna, þeirra sem þurfa að standa á
sviði undir miklu álagi, mest að vetri til, og fi nna sér fró í kyrrð vatnsbakkans. Þar
fer fremstur Bubbi – Ásbjörn Kristinsson Morthens.
BÓKMENNTIR PÁLL BALDVIN BALDVINSSON
Ein af myndum
Einars Fals úr
bókinni: Krist-
insson heldur á
feng sínum sem
tók flugu og er
svo sleppt eins
og tíðkast. Með
honum á mynd-
inni er Hermóður
Hilmarsson leið-
sögumaður.
Uppl. í símum 551 2596 – 868 2726.
Ferðaskrána má sjá á www.simnet.is/kinaklubbur
19. daga ferð, 14. júní – 2. júlí 2010 til
KÍNA
með Kínaklúbbi Unnar
Heimsýningin, EXPO, í Shanghæ, verður skoðuð
dagana 16. og 17.júní. Síðan verður farið til Xian,
Guilin, Suzhou, Tongli og Beijing. Einnig verður siglt
á Keisaraskurðinum og gengið á Kínamúrinn.
Verð kr 510 þús./mann ALLT INNIFALIÐ!
Skemmtileg bók fyrir börn sem hafa gaman
af drekum, hestum og ævintýrum.