Fréttablaðið - 27.11.2009, Qupperneq 28

28 27. nóvember 2009 FÖSTUDAGUR
UMRÆÐAN
Einar Skúlason skrifar
um prófkjör Framsókn-
arflokksins
Í upphafi ársins vorum við framsóknarmenn sam-
ankomnir á fjölmennasta
og glæsilegasta flokks-
þingi Framsóknarflokksins fyrr og
síðar. Þar var kjörin ný forysta og
margar breytingar gerðar á stefnu
flokksins. Í kjölfarið sóttum við
fram í kosningum til Alþingis og
það skilaði sér í því að tveir þing-
menn koma nú úr röðum framsókn-
armanna í Reykjavík. Ekki mátti
miklu muna að undirritaður yrði
sá þriðji.
Við höfum tækifæri til þess,
framsóknarmenn, að sækja
fram í málefnum borgar-
innar í vor og fylgja eftir
þeim árangri sem náðist í
alþingiskosningum á liðnu
vori. Við höfum tækifæri
til þess að snúa vörn í sókn
með því að gera afgerandi
breytingar á framboðslist-
anum á Hótel Loftleiðum
á morgun. Við eigum að
sækja fram með málefnin okkar í
forgrunni í borgarstjórnarkosning-
unum 29. maí 2010.
Ég vil leggja áherslu á málefni
fólksins í borginni, börn, unglinga,
aldraða og aðra viðkvæma hópa.
Þá vil ég skapa umhverfisvænt
og öruggt umhverfi fyrir íbúana,
auk þess að efla enn frekar skil-
yrði fyrir vexti í nýsköpunar- og
sprotagreinum, eins og orkugeira,
líftækniiðnaði og hugbúnaðarfram-
leiðslu. Þá vil ég reka aðhaldssama
fjármálastefnu, án þess að grunn-
þjónustu sé raskað, en skilgreina
jafnframt betur hvað skuli felast í
henni. Um þá skilgreiningu þarf að
ríkja sátt.
Á morgun verður ákveðið hvort
Framsóknarflokkurinn ætlar að
vera í sókn eða vörn í borgarmál-
unum. Með þá sannfæringu mína
að leiðarljósi að sókndjörf og ábyrg
velferðar- og umbótastefna Fram-
sóknarflokksins eigi brýnt erindi
við borgarbúa býð ég mig fram til
að leiða lista Framsóknarflokksins í
borgarstjórnarkosningunum í vor.
Einar Skúlason býður sig fram í 1.
sæti framboðslista Framsóknar-
flokksins vegna borgarstjórnar-
kosninganna 2010.
Úr vörn í sókn
EINAR SKÚLASON
UMRÆÐAN
Barbara Jean Kristvinsson skrifar um
málefni innflytjenda
Eins og forfeður okkar sem fóru frá land-inu sínu fór ég líka frá landinu mínu í
leit að nýjum tækifærum. Alveg eins og þeir
skapaði ég mér líf hér á Íslandi. Og alveg eins
og þeir fannst mér stundum að mér tækist
það ekki.
Að skapa sér líf hér var ekki auðvelt en það
er það sjaldan þegar maður flytur á nýjan stað langt
í burtu. Það var erfitt og ég viðurkenni að nokkr-
um sinnum var ég næstum því búin að gefast upp.
Að ég myndi aldrei geta talað, skrifað, lesið og skilið
íslensku. Stundum hélt ég að ég myndi aldrei eignast
vin sem var ekki líka innflytjandi, að ég myndi aldrei
finna mína hillu á íslenska vinnumarkaðnum og að ég
myndi aldrei verða hluti af hversdagslífinu á Íslandi.
Stundum var ég tilbúin að gefast upp og fara heim.
En ég gerði það ekki. Ég bretti upp ermar og lagði
hönd á plóg. Smám saman varð útlitið betra og auð-
veldara. Ég byrjaði að hugsa um mig sem
Íslending. Vissulega er ég bæði Íslendingur
og dóttir heimalands míns, Bandaríkjanna.
Það er ekki erfitt að ímynda sér að fyrstu
Íslendingunum hafi liðið eins. Fæðingar-
landið verður alltaf hluti af mér en það mun
Ísland líka vera.
Ég hef oft verið spurð af Íslendingum hve-
nær ég ætli heim. Ég hef lagt grunn að mínu
lífi á Íslandi, með íslenskum eiginmanni
mínum og börnunum okkar. Ísland er heim-
ili mitt núna. Ég er hér til að vera. Vandamál
Íslands eru mín vandamál og framtíð Íslands er mín
framtíð og framtíð barna minna. Ísland er mér mikil-
vægt en skipti ég máli fyrir Ísland? Ég vona það því
ég er tilbúin að leita lausna og vinna það verk sem er
nauðsynlegt til að endurbyggja Ísland. Ég er viss um
að fleirum líði eins og mér.
Vinnum saman. Munum að við skiptum öll máli, við
erum öll landnemar.
Höfundur er nýkjörinn formaður Landnemans,
félags Samfylkingarinnar um málefni innflytjenda.
Ég nam land á Íslandi
UMRÆÐAN
Þórólfur Matthíasson
skrifar um sjómanna-
afslátt
Frá því er greint í frétt-um Ríkisútvarpsins
25.11.2009 að dæmi séu um
að hásetahlutur á fjölveiði-
skipum sem svo eru nefnd
geti farið í 30 milljónir króna á ári.
Jafnframt er tekið fram að gjarnan
séu 2 menn um hvert pláss á slíkum
skipum. Árslaun einstakra starfs-
manna á fjölveiðiskipi geta þá rokk-
að á milli 15 og 35-40 milljóna króna
eftir því hvort um háseta eða yfir-
mann er að ræða. Með öðrum orðum:
Tekjur þessara aðila sveiflast frá
því að vera rífleg forsætisráðherra-
laun og yfir í það að losa laun for-
sætisráðherra og 2ja óbreyttra þing-
manna að auki! En þar með er ekki
allt talið því almenningur leggur
sérhverjum einstaklingi í þessum
hópi til 100 til 200 þúsund krónur á
ári í formi skattafsláttar, sjómanna-
afsláttarins. Ríkisskattstjóri upplýs-
ir að heildarkostnaður ríkissjóðs
vegna sjómannaafsláttarins nemi
um 1,1 milljarði króna.
Ég benti á það í sjónvarpsvið-
tali fyrir nokkru að þrátt fyrir
umfangsmikinn niðurskurð og
umfangsmiklar skattahækkanir
virðist svo vera sem sjómenn eigi
enn að fá að njóta þeirrar sérstöðu
sem í skattafslættinum
felst. Viðbrögð við þessum
orðum mínum létu ekki á
sér standa. Sjómenn töldu
sig ekki ofsæla af sínum
kjörum. Látum kjurt liggja
þó margir sem í landi eru
vildu gjarnan hafa vista-
skipti við fjölveiðiskips-
hásetana sem sagt er frá
hér að ofan. Fallast má á
að afkoman sé ekki jafn
glæsileg hjá öllum sjómönnum og
hún er hjá þeim fríða flokki sem
fyllir skipsrúm fjölveiðiskipanna.
En það er leikur einn að gera vel við
tekjulága sjómenn annars vegar og
leyfa þeim tekjuhærri að greiða
skatta eins og fullorðnir menn. Það
má gera með því að tekjutengja sjó-
mannaafsláttinn rétt eins og gert
er með barnabætur og vaxtabæt-
ur. Til dæmis mætti haga málum
þannig að sjómaður með fjórðung
úr forsætisráðherralaunum á ári
eða minna fengi fullan afslátt en
að sá sem væri með hálf forsætis-
ráðherralaun á ári eða meira fengi
engan og þeir sem væru með laun
þar á milli fengju skertan afslátt í
hlutfalli við laun umfram fjórðung
forsætisráðherralauna. Nota mætti
hluta þeirra fjármuna sem þannig
spöruðust til að draga úr fyrirhug-
aðri skerðingu á greiðslum úr fæð-
ingarorlofssjóði.
Höfundur er prófessor við hag-
fræðideild Háskóla Íslands.
Tekjutengjum sjó-
mannaafsláttinn
UMRÆÐAN
Aðalsteinn Ingólfsson, Eiríkur
Tómasson, Einar Valur Kristj-
ánsson, Gunnþór Ingvason
og Kristján Vilhelmsson skrifa
um sjávarútveg
Rangfærslur í umræðu um afkomu íslenskra sjávarútvegs-
fyrirtækja keyra um þverbak um
þessar mundir. Í umræðunni tog-
ast á miklar mótsagnir, m.a. í nýleg-
um yfirlýsingum fyrrum ráðherra
og staðhæfingum háskólaprófess-
ors. Ráðherrann fyrrverandi segir
sjávarútvegsfyrirtækin meira og
minna gjaldþrota en háskólaprófess-
orinn staðhæfir að hagnaður þeirra
sé svo mikill að skattleggja beri þau
umfram önnur! Vegna þessa er nauð-
synlegt að þetta komi fram:
■ Sú fullyrðing að sjávarút-
vegsfyrirtæki séu meira og minna
gjaldþrota er röng. Í nýlegri ræðu
Ásmundar Stefánssonar, banka-
stjóra Nýja Landsbankans, kom
fram að 70% allra sjávarútvegsfyr-
irtækja í viðskiptum við bankann
gætu staðið undir skuldbindingum
sínum með engri eða lítilli aðstoð
bankans. Þetta hlutfall er enn hærra
hjá hinum viðskiptabönkunum.
■ Vegna gengishruns íslensku
krónunnar hækkuðu skuldir sjávar-
útvegsins mjög á stuttum tíma. Hinu
má ekki gleyma að tekjur hækk-
uðu í sama hlutfalli vegna gengis-
falls krónunnar. Þó verður að hafa í
huga að verð á afurðum, m.a. þorski,
lækkaði mikið í erlendri mynt um
tíma. Verð er tekið að hækka á ný.
■ Íslensk sjávarútvegsfyrirtæki
munu á yfirstandandi fiskveiðiári
greiða 3,5 milljarða króna í nýja
skatta og viðbótargjöld. Þessa hækk-
un má rekja til álagningar olíuskatts
og hækkunar á tryggingargjaldi og
veiðigjaldi.
■ Verði fyrningarleiðin hins vegar
farin munu fyrirtækin ekki geta
staðið við skuldbindingar sínar né
heldur risið undir skattaálögum.
Höfundar eru útgerðarmenn.
Mótsagnir um sjávarútveg
BARBARA JEAN
KRISTVINSSON
ÞÓRÓLFUR
MATTHÍASSON
UMRÆÐAN
Oddný Sturludóttir
skrifar um uppeldis-
mál
Fyrir frumkvæði Sam-fylkingar og VG í borg-
arstjórn voru tveir starfs-
hópar settir á laggirnar
árið 2007. Báðir áttu að
grandskoða hvernig efla mætti
list- og menningaruppeldi í leik- og
grunnskólum borgarinnar. Margar
góðar tillögur eru afrakstur vinn-
unnar auk mikilvægrar upplýs-
inga um stöðu listgreinakennslu og
menningaruppeldis í skólum borg-
arinnar. Eins fór fram mikilvæg
úttekt á samstarfi skóla við menn-
ingarstofnanir og kröftug, þverfag-
leg umræða átti sér stað. Nú þegar
er hafið spennandi tilraunaverkefni
um menningartengilið milli skóla-
sviðanna og menningar- og ferða-
málasviðs sem miklar vonir eru
bundnar við. Fjölmargar aðrar til-
lögur liggja fyrir og bíða þess að
komast til framkvæmda.
Menning geymir sjálfsmynd
þjóðar. Seint verður ítrekað nægi-
lega mikilvægi þess að
börn og ungmenni fái
ríkuleg tækifæri til að
kynnast menningu og list-
um. Það eflir sjálfstraust
þeirra og skilning, víkk-
ar sjóndeildarhringinn og
reynir á ólíka hæfileika.
Nú þegar öllum skólum er
gert að hagræða er brýnt
að hafa í höndunum vand-
aða úttekt á stöðu list- og
menningaruppeldis í skólum. Við
vitum nú hvað vel er gert, hvar við
getum gert betur og hvað við vilj-
um standa vörð um. Á Þjóðfundi
Íslendinga kom fram eindreginn
vilji til að efla menntun og menn-
ingu. Nú gefst dýrmætt tækifæri til
að endurskoða áherslur skólakerfis-
ins og undirstrika gildi menningar-
innar í menntun barna og unglinga.
Samræmdar mælingar á bóklegum
fögum eru mikilvægar en segja ein-
ungis hálfa söguna. Ábyrgð okkar
sem förum með stefnumótun er að
styðja við skapandi skólasamfélag,
fjölbreytt nám og námsmat. Það er
skóli framtíðarinnar.
Höfundur er borgarfulltrúi Sam-
fylkingar.
Menningaruppeldi
ODDNÝ
STURLUDÓTTIR
UPPBOÐ
á lausafjármunum
verður haldið í Vörumiðstöð Samskipa
Kjalarvogi 7 - 15, hliði 33,
laugardaginn 28. nóvember kl. 12.00
Um er að ræða ótollafgreidda vöru þar sem aðflutningsgjöld eru fallin í gjalddaga. Meðal vara sem
boðnar verða upp eru bílar, útilegubúnaður, veiðigræjur, skór, marmari, prófílar, boltar, efnavörur,
gluggar, gler, innréttingar, húsbúnaður, dekk, kerrur, skrúfur, málningarsprey, myndarammar, timbur,
varahlutir í hjólhýsi, varahlutir í bíla, hurðar og margt fleira.
Tollstjórinn í Reykjavík tilkynnir:
Skútuv
ogur
Kjalarvogur
Sæbra
ut
B
rúarvogur
K
leppsm
ýrarvegur
H
oltavegurBarkarvo
gur
Uppboð
hlið 33
vorki ávísanir né kreditkort eru tekin gild sem
eiðsla, einungis debetkort eða peningar.
eiðsla við hamarshögg.