Fréttablaðið - 27.11.2009, Page 45

• 9
Haukur: „Við vorum gríðarlega
ánægðir með tónleikana. Troðfullt
hús á Nasa, sem er ótrúlega skemmti-
legt. Tónleikarnir gengu líka alveg
svakalega vel. Við ætlum að halda
áfram að spila hérna heima, kynna
plötuna.“
Jón: „Við byrjum ekkert að pæla í
útlöndum fyrr en 2010 í fyrsta lagi.
Það er allt óráðið. Við erum aðeins
að anda núna. Það er búið að vera
mikið að gera, koma þessari plötu
út og halda útgáfutónleikana.“
Haukur: „Þetta er búið að vera svaka-
leg keyrsla – að klára þessa plötu er
búin að vera algjör geðveiki. Maður
er búinn að vera í 300% vinnu í þrjá
mánuði. Á fullu í vinnunni og svo öll
kvöld og allar helgar í plötunni.“
Get it Together með Diktu
er komin í verslanir.
ALDREI BOÐIÐ Í POPPPUNKT
Dikta er gríðarlega vel menntuð hljómsveit. Meðlimir neita
að svara því hvort hljómsveitin sé sú gáfaðasta á landinu,
en harma um leið að þeim hefur aldrei verið boðið að taka
þátt í Popppunkti. „Dr. Gunni hefur aldrei boðið okkur að
taka þátt í Popppunkti – samt var Skúli bassaleikari í Gettu
betur,“ segir Haukur í laufléttum dúr. „Dr. Gunni er örugg-
lega hræddur við okkur – hann veit að við myndum rústa
þessu.“ Popppunktur snýr að öllum líkindum aftur á næsta
ári og Dr. Gunni segir ekki loku fyrir það skotið að Diktu
verði boðið að taka þátt. „Ef þeir haga sér vel,“ segir hann.